2 Korintus 5:7 - ALLAH ANE WENW KET MEKE WAROGO WOKNINAKHIKHE WENE

⁷ Nit he, ninileken hekhe lago meke yoma oba hakotdiluk welago 'buk. Ninetaiken at Yesus oba hakotdiluk welago.

2 Korintus 5:7 ပူးပေါင်းရင်းမြစ်များ

1 Korintus 13:12

Yogotak ya, inamukhak ileken weak werek korlek inileken lakhegarek hak, ninamukhak weak meke lakhekhe lago. Meke re, yabokane ebeat meke hutukhogon lakhagun o. Yogotakne, wene ato aperek anek ninilu welago. Mekeat he, yabokane at Allah nen an nebe hutukhogon ilu iti hak, an nen at Ebe hutukhogon nilu asigin o.

2 Korintus 1:24

Hit hinetaiken Allah oba hakotdisigip meke iti, eberogonat iluk hinetaiken hapukhogon welagap iti nen, nit nen, “Hinetaiken iti meke oba hakotdusak,” iluk ninane obatnerogon yokhisagun dek o. At he, hit hinakla arleken akhobageik iluk yomakhisekhe lago iti.

2 Korintus 4:18

Nit he, yi meke ti meke ninileken hogorek meke iti dek asigin meke re, ninileken hogorek dek meke iti ikhok motok dogogin iti nen, ninileken hogorek meke iti hasik ninaporoak thebe iluk hagakhidek, ninileken hogorek dek meke iti hasik ninaporoak thebe iluk yabu hagakhe lago o.

Galatia 2:20

Nen, yogotak nebe niluk welagei yi, nekaerek nobatne baga welagei 'buk. At Kristus at nakla dogolik iluk welagarek o. At ebe Allah a'burat dogolik, nebe akmu nen an hasigat, “Nasuak,” iluk akla apasikhe baga ebe wakhukha iti. Nen, an netaiken at oba hakotdiluk werekma, at ebe nakla werekma, niluk welagarek iti.

Ibrani 10:38

At wisigin iti, aban wageidek werek korlek, it an na'buri wene inoba korogo an ninom hunogo 'bisigi meke inebe tomok, inetaiken noba hakotdiluk dogogun oba iniluk dogogun. Meke re, akhuni aperek inapuke dukhugun meke inebe tomok, it an noba hotokthek dek. Na'irat o,” iluk isikhemo holal waganogo 'bisukha.

1 Petrus 1:8

Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.

1 Petrus 5:9

Itithogon dogolik, hinakla nen, “Ninagarlak lak ninerugi o yi ai ti ai agat oba yoma inebe tha'bokhogonat yi aik ti aik hiliogei hagat, hekhe lago,” iluk, at Iblis wagunem, ane holhidek here'isalok hinetaiken Allah oba hakotdiluk hinobatnerogon metek dogono o.