2 Korintus 5:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon nit nen hurli yogotak ya hurli nen, akhuni nen inobabut palharek hak, it akhuni aperek inobabut itithogon palhe lago dek o. Nen, alebageik Kristus obabut itithogon palhugu hak, yabokane itithogon palhe lago dek o.

2 Korintus 5:16 ပူးပေါင်းရင်းမြစ်များ

Matius 10:37

Nen, an he, hina'it negen apekhe dogolik, hinagosa hinopase lak hinakmu welagap halok he, an nagarumi asusak motok dek o. Nen, an hina'it negen dogolik hina'buri elege inom, hina'buri homagarlugi inom, hinakmu welagap halok he, an nagarumi asusak motok degat o.

Yohanes 15:14

Nen, an nen, hinasuk warogo, Yigithogon hagatno, tigithogon hagatno, iluk yokhisekhe lagei meke iti, nane hologo hagakhe dogogun halok he, hit an nagarlak lagat o.

Yohanes 2:4

Itithogon yogokhikhemo, at Yesus nen, men yogokhikhe, “Nagosa o. An nen hagasusak oba aban horok asi ageidek werek korlek, hat nen an nenaluk yoknekhen,” iluk yogokhikhe.

Yohanes 6:63

Allah Agoreke nen akhuni inilugurinakherek o. Nen, akhuni agat oba meke inobatne baga ageikhe hagasusak erlok dek o. Meke re, wene an nen yokhisekhe lagei iti, Allah Agoreke nenat ekherek meke nogo nen he, akhuni inilugurinakherek wene yokhisekhe lagei o.

Yohanes 8:15

Hit nen wene noba 'bekhe lagap iti, hit akhuni-akhuni wene inoba 'bigik, kokhik, 'begethep hagat, wene noba 'bekhe lagap mekeat, an anek wene akhuni inoba 'bekhe lagei motok dek o.

2 Korintus 11:18

It akhuni inebe doalegat nen yi meke ti meke agat oba meke hasik hogorakhiliogei iti, an herlekha'bugat ageikhe hogorakhageinat o.

Galatia 5:6

Iti nen, nit Kristus Yesus ninom hunik dogolik, ninoado aperlagap palek meke dek, it aperek palek dek meke dek, ipisak tak-tak welago. Halok he, iti hasik penasusak dek. Kok he, ninetaiken Kristus oba hakotdiluk dogolik, akhuni ninakmurinakhorek iti baga ekagat ariogo.

Filipi 3:4

Ninoado itikmanke yi hasik hagakhorek iti baga hanotninabigin iluk apausak erlok dogolepma, it akhuni aperek nen erlok dek negen apekhe korlek, an anek he, kok negen apekhe dogole.

Kolose 3:11

Itithogon hagathinakhunem, ninebe tha'bokhogonat ninoe Etagapogot Kristus arligatma, ninebe tha'bokhogon at ninom hunik welago iti nen, inukuloak etaga Yunani meke igik, Yahudi meke igik, egarek iti inom, inoado aperlagap palek meke igik, palek dek meke igik, egarek iti inom, inane kut palek meke igik, walegat okamake meke igik, egarek iti meke inom, inatuaneke meke igik, inasokne meke igik, egarek iti inom, ekhe dogosak dek welagap iti.

Yakobus 3:17

Itithogon mekeat he, Allah nen akhuni inakla kagalhunem, inobabut kok hagakharek he, weak ageikhe hagakhidek inilaga isonhogo welageikharek iti. Itithogon dogolik, akhuni inom hanorogo welageik, inobabut enago welageik, inane hologo hagakhik, akhuni inakmurogon motok welageik, o eken hano meke ikherek iti hak, hanorogon hagakhik, akhuni aperek inelokhomake 'bisigik, aperek inoporlike 'bisigik, hagakhidegat inetaiken pere welageidegat, hanorogo hagakharek iti.