2 Korintus 4:8 - ALLAH ANE WENW KET MEKE WAROGO WOKNINAKHIKHE WENE

⁸ Akhuni nen yi aik ti aik hagatninabiogei meke, ninebe motok weagatninakhidek welago. Itithogon hagatninakhunem, nikithogon hagasu he, ninobakha palariogo meke re, ninakla puk ariogo dek.

2 Korintus 4:8 ပူးပေါင်းရင်းမြစ်များ

Yohanes 14:18

An meneke, hit hinebe yekerugi irlagakot meke negen thogotdinageiluk ligin dek o. Yabokane napuke 'bithisasiginat o.

1 Korintus 10:13

Hit weak hagasuagaluk hinakla kagaligiluk wagunem hegethep iti, nit akhuni tha'bokhogonat ninakla kagaligiluk wagunem obabut hogorek hagat, hekhe lagap o. Mekeat he, Allah nen abok yoknisasikhe tak-tagat hagakherethekma, weak hagasuagaluk hinakla kagaligiluk wagunem, hit nen hinetaiken thebelusak erlok dek meke, Allah nen here'inagagidek hakhisik dogogin o. Hinakla itithogon kagalhe korlek, hinetaiken thebelogo hinobatne asubageik nen iluk, Allah nen wene, “Holak yike lani o,” iluk u hak mothogon yakulhisagein werek o.

2 Korintus 12:10

Iti nen, an Kristus hasik, nebe erlok dek agei halok, akhuni nen nabok weak palho halok, wiik-weakhogon hagatnakho halok, yi aik ti aik hagatnakho halok, wim yakhe dogolik inasuogoluk hoborisegarek hak hobotneekho halok, an erlok degat werekma, iti baga nen nobatne agarek iti nen nakla arleken akhegerek.

2 Korintus 6:12

Nit nen hit hinobasik, ninakla wene itithogon lia'agosik welago mekeat he, hit anek he, nit ninobasik hinakla akin welagap o.

2 Korintus 6:4

Akhuni nen he, “It Allah nen inayoko 'bisikhemo, at hasik hagakhe dogosak mekeat hagariogei,” iluk hutdinanuagaluk, yi aik ti aik hagatninakhik, wiik-weakhogon hagatninakhik, umunetnisigik, hagakhe korlek, ninobakhanini hapugutdiluk dogolik yi meke ti meke ekagat hagakhe lago.

2 Korintus 7:5

Nit o Makedonia yoma wagagusik werekma, ninoba hapugutdakhigidekmaat, weagatninabuogoluk yi aik ti aik hagatninakhukhaat iti o. Akhuni aperek nen ninasuogoluk hagakhunem, nit ninetaiken ninayuk aga korlek welagosik.

Galatia 4:20

An hit hinobasik nikithogon hagasu he, nobakha palariogo iti nen, an nakla nen, yogotak ya hinoba witluk ninom dogolik wene ninat negen ageike yokhisele o, iluk, nakla apekhe lagei iti.