2 Korintus 4:5 - ALLAH ANE WENW KET MEKE WAROGO WOKNINAKHIKHE WENE

⁵ Wene yogeisilik nekhe lago iti, ninekaerek hagakhorek wene 'buk. Dek o. At Yesus Kristus hagakhikhe mekeat o. At Yesus ebe ninoe Etagapogot iluk, nit at hasik hit hinatuaneke welago, iluk yogeisogorek iti.

2 Korintus 4:5 ပူးပေါင်းရင်းမြစ်များ

Matius 23:8

Meke re, hit hinopase guru wene yakulhisekherek meke opakiat anek werek iti nen, hinagarlak lak hinerugi hinom tak-tak halok he, it aperek nen, Guru nopase, iluk yokhisausak motok dek o.

Matius 3:11

Itithogon yogeisasikhesik ageikhe men yogeisasikhe, “Hit weak hagakhe lagap meke here'isalok hinobabut eberogonat hebelaga iluk, an nebe yekerek nobatne dek meke nen ima usa'inagakhe lagei. Meke re, at kok obatneak meke yabokane wisigin o. At ebe kok obatneak iti nen, an nebe yekerek meke nen isok agot ugu meke wolok lausak erlok dek o. At nen ima usa'inagu hak, Allah Agoreke inom, hetu inom, hinoba usa'isigin o.

Yohanes 7:18

Halok he, tha nen wene ekaerek akla nen kagalogo ekherek iti, akhuni nen hogorasuagaluk ekherek o. Meke re, tha nen, at la'i ageikhe meke hogorasuagaluk ekherek halok he, ekalat ekherek motok dek o. At he, eberogonat ekherek o.

La'isasikhe 10:36

Meke re, nit akhuni tha'bokhogonat ninoe Etagapogot Yesus Kristus nen dapukhogon 'binanuagaluk, wene hano wene iti, ebe nit akhuni Yahudi meke ninoba la'i ageikhe iti hinilu o.

La'isasikhe 2:36

At Yesus ebe hit nen o baga meldiluk wakhepma, at Allah nen, Hinoe Etagapogot Kristus ebe yiat, iluk meldekhemo iti. Halok he, hit akhuni Israel meke tha'bokhogonat nen, Wene iti eberogonat, iluk hinilurogon dogono,” iluk yogeisasikhe.

La'isasikhe 5:31

Ilugutdekhemo werek iti, akhuni Israel meke weak hagariogei meke iti here'isalok inobabut hebelasumo, Allah nen it weak hagakharek meke iti thagalogo degetdisagaluk, Yesus ebe ilugutdekhesik nen, at ebe ninoe Etagapogot dogolik tilninakhe dogoagaluk alilu meldisikhemo werek iti.

1 Korintus 1:23

nit anek he, Kristus o harokhogon oba meldiluk wakhukha wene etnogoat yogeisekhe lago. Yogeisugunem, it akhuni Yahudi meke nen, “Wene iti weak,” iluk kolelogo herek'isigik, nen, it akhuni itikmanke meke nen, “Wene iti, akhuni kepu meke nen egarek hakene iliogei,” iluk here'isigik, iliogei o.

1 Korintus 10:33

Hit hinobabut an hagakherek hak hagakhe dogono o. An he, yi meke ti meke hagakhe dogolik, nekaerek hanorakhagaluk hagakherek dek. Akhuni inebe doalegat Allah nen tilinakhunem hano asuagaluk hagakherek o.

1 Korintus 12:3

Wene yi hinilurogo yokhisak. Akhuni Allah Agoreke inakla werekma, “At Yesus Allah nen weagatduak o,” iluk homan 'busak erlok dek o. Nen, Allah Agoreke inakla dek halok he, “Yesus an noe Etagapogot,” iluk usak erlok degat o.

1 Korintus 15:47

Allah nen ebekeram ap Adam iti ebe agat abubuleke meke baga winametdisikhesikmo, obabut agat mekeat o. Meke re, ap Adam yabokane meke iti pogot oba nenat wageikhe.

1 Korintus 2:2

An hit ninom dogolik, nakla nen wene werlek meke ebekhidek, at Yesus Kristus hasik ebekhe dogolik, kok hak he, at ebe o harokhogon meldiluk wakhukha wene itiat anek ebesigin o, iluk nakla apasigi.

1 Korintus 4:15

Hit Kristus hinom hunik werekma, ap wene yakulhisiliogei meke inebe 10.000 doalegat werek mekeat he, hinopase re, doalegat 'buk. Ina'buri itaginakharek hak, an nenat wene hano wene iti yokhisa agagisik Kristus Yesus hinom hunogo 'binagasigimo welagap iti baga, hinopase narligat agagisik welagei o.

1 Korintus 8:6

Itithogon mekeat, nit ninopase Allah ebe opakiat. Ageikhe dek. Yi meke ti meke tha'bokhogonat at nen walhasikhemo ninebe at hasigat welago. Itithogonat, ninoe Etagapogot Yesus Kristus ebe opakiat o. Yi meke ti meke tha'bokhogonat Allah nen walhasikhe iti, ebe at Yesus nen walhasikhesik, ninebe at oba nenat niniluk welago.

2 Korintus 1:19

At Allah a'but Yesus Kristus, an nebe nen yakulhisigik, Silas nen yakulhisigik, Timotius nen yakulhisigik, hagakhugu meke iti, obabut he, “I o,” iluk nen, “Dek o,” iluk ekherek dek. Allah nen, “I o. Wokhisagein,” iluk abok yoknisau hak, Yesus ebe woknisasikhemo werek iti.

2 Korintus 1:24

Hit hinetaiken Allah oba hakotdisigip meke iti, eberogonat iluk hinetaiken hapukhogon welagap iti nen, nit nen, “Hinetaiken iti meke oba hakotdusak,” iluk ninane obatnerogon yokhisagun dek o. At he, hit hinakla arleken akhobageik iluk yomakhisekhe lago iti.

Galatia 5:13

Nagarlak lak nerugi. Hit hinasokneat dogoagaluk Allah nen hinayoko 'bisikhemo welagap. Itithogon mekeat, hinakla nen, “An nasokneat welagei,” iluk, akhuni inobabut inikhogat dogolik hagakharek meke inobabut waganogo yugunat hagakhe dogogup. At he, wene Allah nen ninasuk wakhikhe wene etnogo tha'bokhogonat dapukhogon wene opakiat yi anek kok hakene isikhe iti, “Hit hinekaerek hinebe hinetaiken hunik welagathep iti hak, it akhuni aperek hinom welagathep meke hinetaiken hunik dogono o,” iluk isikhemo holal waganogo 'bisukha iti nen, akhuni aperek inebe hinakmurogo dogolik hit-hit yomak-yomak hagakhe dogono o.

Filipi 1:15

It iti aperek nen inakla korlo atluk, an noba ua palhe dogoligat, yogeisiliogei iti o. Meke re, it aperek nen inakla hano dogolik,

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

Titus 1:11

Itithogon nukhetdisekhe dogolik, yi meke ti meke inekaerek nen thaburausak dek meke thaburauwogoluk, yakulisausak dek mekeat yakulisekhe dogolik, akhuni doalegat ina'buri inomat nukhetdisiliogei iti, it inane iti thebeloso usa'isano.

2 Petrus 2:3

It ap Allah ane yakulisegarek meke thalek winam asugun iti inobabut he, “Nit anek woknisanek,” iluk egarek meke iti nen, hit nen oko wogeisoagaluk, wene inekaerek inakla nen kagalogo inekalat yokhisekhe dogogun iti. Itithogon mekeat he, it inobabut hagakhe dogogun iti baga, at Allah nen, “It iti ukum inoba 'biluk inebe weagarinabigin,” iluk haganeat dik-dukhogon hagatdiluk welageikhe. “Huk huk, maga maga,” iluk welageidek weagarinabigin meke werek o.