2 Korintus 4:18 - ALLAH ANE WENW KET MEKE WAROGO WOKNINAKHIKHE WENE

¹⁸ Nit he, yi meke ti meke ninileken hogorek meke iti dek asigin meke re, ninileken hogorek dek meke iti ikhok motok dogogin iti nen, ninileken hogorek meke iti hasik ninaporoak thebe iluk hagakhidek, ninileken hogorek dek meke iti hasik ninaporoak thebe iluk yabu hagakhe lago o.

2 Korintus 4:18 ပူးပေါင်းရင်းမြစ်များ

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

2 Korintus 5:7

Nit he, ninileken hekhe lago meke yoma oba hakotdiluk welago 'buk. Ninetaiken at Yesus oba hakotdiluk welago.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

Ibrani 11:1

Inetaiken Allah oba hakotdiluk welageikharek iti ebe yigithogon. “Hano asigin,” iluk eberogonat apigik, “Yi meke ti meke ninileken nen higidek mekeat he, eberogonat weregat o,” iluk hutdigik, hagakharek itiat o.

Ibrani 11:13

It akhuni inetaga ilik waga lagei iti tha'bokhogonat nen, “At Allah eberogonat,” iluk inetaiken at oba hakotdiluk welagoukha iti baga, Allah nen abok yogeisasikhe iti ebe waganhidek meke re, akhuni nen yi meke ti meke walegat werekma inileken lakhalok, inakla arleken akhegarek iti hak, it inetaiken oba nen, “Eberogonat waganugun meke werek o, iluk apekhe lago iti nen, o agat oba yoma it aperek inaila olirok lalok ap huso negen welageikharek hak welago,” iluk pakhogon ekhe dogolik inebe watlarik lagoukha.

Ibrani 9:11

It itithogon hagakhe lagoukha meke Allah nen he, “Yi meke ti meke yabokane itithogon hano hagatlasigin,” iluk abok isikhe iti hasik, at Yesus Allah iteerek inoe kok ebe wageikhe iti. Itithogon wageikhesik, it alep yi meke ti meke Allah nen walhasikhe meke kigilogo o halhukhama iti ukisikhe 'buk. Dek o. At he, o ebe meke kok hano halekma iki opaki hasik ukisikhesik, o hurli palek thukhamke thogotdiluk piokhogon o kakok palek itikmoke motok ebe usama iluk u hak, Allah ekaerek ai etoma ukisikhe. Itithogon ukisikhe iti, kambing inom, sapi inom, amep wolok ukisikhe 'buk. Dek o. Nit herle warek hakene werekma hisalek motok dogoagaluk, ninoko motok-motok palogo watlageikhesik, ekaerek amep wolok etoma ukisikhesik, nit ninobasik werek o.

1 Yohanes 2:25

Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.