2 Korintus 4:12 - ALLAH ANE WENW KET MEKE WAROGO WOKNINAKHIKHE WENE

¹² Akhuni nen nit ninebe watlasuagaluk hagatninabiogei iti baga, Allah nen hit hinebe hiniluguthinabiogo iti o.

2 Korintus 4:12 ပူးပေါင်းရင်းမြစ်များ

La'isasikhe 20:24

Itithogon mekeat he, an nebe niluk dogosak itiat kok iluk iti meke kogotdekhe lagei dek. Ninoe Etagapogot Yesus nen nayoko 'bekhe dogolik, at nen, Allah obabut hano nen hagarinakherek wene hano wene itiat yogeisilik lano o, iluk nayoko 'bisikhe itiat ilugun oba kobokhogon hagasigiluk kogotdekhe lagei o.

1 Korintus 4:10

Nit Kristus hasik ninebe kepu werek korlek, hit anek he, Kristus hinom hunik dogolik hinakla kagalek welagap higi. Nit erlok dek werek korlek, hit anek he, hinobatne werek welagap higi. Nit inakla erlok degetdinanhe korlek, hit anek, hogothinabiogei higi.

2 Korintus 12:15

Iti hagat he, hit hinetaiken hasik an nameke yi meke ti meke 'binagagik, nebe inom 'binagagik, netaiken oba nen nakla arleken akhekhe dogolik 'binagusagat 'binagagi o. An hit hinebe netaiken hunik werek korlegat he, hit anek he, an nebe hinakmu dek negen dogosak a?

2 Korintus 13:9

Nit erlok dek werek korlek he, hit hinobatne werek dogosak halok he, hano iluk, ninakla arleken akhekhe lago. Iti hasigat, hit hinetaiken 'bogokhogon horle asuagaluk, Allah ayoko 'bekhe lago.

2 Korintus 4:11

At Yesus watlageikhesik iluk ageikhesik nit ninebe watlagorek meke yi ninakla iluk welagarek iti ekagat asuagaluk, nit yogotak niniluk werek korlek, at Yesus hasik hibiku-yogoku ninasuogoluk hagakhunem tilninakherek iti.

2 Korintus 4:13

At Allah ane baga holal waganogo 'bekhe dogolik, men isikhe, “Netaiken at oba hakotdiluk dogolik nane igi o,” iluk isikhemo holal waganogo 'bisukha tak-tagat, nit nen ninetaiken at oba hakotdiluk wene yogeisekhe lago iti o.

Filipi 2:17

Meke re, akhuni nen domba Allah 'bisalok, warogo hetu hunesuogoluk, oba eken apusu usakharek hak, hit hinetaiken Allah oba hakotdiluk wogokhunem, akhuni nen an nebe warogo namep usakha halok, an nakla arleken akhugunem hit tha'bokhogonat hinakla arleken akhausagat o.

1 Yohanes 3:16

At Kristus nen tak nit akmutninakhikhesigat, ebe nit ninobasik eram nenat watlageikhe iti nen, nit nen it akhuni aperek inakmurinakharek wene iti, hutdekhe lago. Hutdekhe dogolik, at hagakhikhe iti hagat, nit ninagarlak lak ninerugi inebe ninakmu nen, ninebe it inobasik watlasusak hanoat o.