2 Korintus 4:1 - ALLAH ANE WENW KET MEKE WAROGO WOKNINAKHIKHE WENE

¹ At Allah ninebe akmu nen, at hasik yigithogon hagakhe dogoagaluk ninayoko 'bisikhe iti nen, ninakla puk atluk here'isigidek hagakhoat welago.

2 Korintus 4:1 ပူးပေါင်းရင်းမြစ်များ

Lukas 18:1

Itithogon yogeisasikhesik nen, at Yesus agarumi ane waganhe lagoukha meke emenogo sembayan ekhe dogoluk nen inakla puk atluk here'igidek, hunik-hunigat ekhe dogoagaluk, wene ageikhe oba lisogon men yogeisasikhe,

1 Korintus 3:5

At Apolos iti tha nogo? Nen, an Paulus tha nogo? Nit iti ninoe Etagapogot nenat akla apalok ninayabu tomok hagakhe dogoagaluk ninayoko 'bisikhemo nen, at atuaneke welago. At atuaneke dogolik, wene yakulhisasugumo, hinetaiken Yesus oba hakotdisigip iti o.

1 Korintus 7:25

Wene homagarlugi tharlisik meke hasik, “Itithogon hagakhe dogono,” iluk ninoe Etagapogot nen ninasuk wakhidek mekeat he, wene an nakla apekhe lagei meke yi yokhisak. Nane yokhisagein yi, hit hinakla nen, “Allah nen Paulus ebe akmu nen waganhikhemo obabut hupulik meke nen yoknisekhe iti eberogonat,” iluk hinakla apano o.

2 Korintus 3:12

Yabokane itithogonat hano asigin iluk, ninakla arleken akhekhe dogolik, wene etnogo ninayuk motok degat yogeisekhe lago o.

2 Korintus 3:6

Allah nen wene ket wene nit ninoba watnisasikhe iti, nit nen wolok loagaluk, at nenat ninobatnetninakhikhemo erlok wolok lausak welago. Wene alep inasuk wakhikhemo holal waganogo 'bisukha meke tak-tagat hagakhidek halok, iti baga inebe inakherek. Meke re, Allah Agoreke nen inilugurinakherek iti nen, nit wene alep holal waganek meke wolok lageidek, at Agoreke nen yoknisiliogo meke wolok laga lago iti.

2 Korintus 4:16

Iti nenat, ninakla puk atluk here'isigidek ninobatnerogo hagakhe lago. Ninoado itikmanke yi re, weak aga korlegat, ninakla akmanke, hibiku-yogoku ket hagatninakho motok werek.

2 Korintus 5:18

Meke re, yi meke ti meke iti tha'bokhogonat at Allah nenat hagakherek o. At nenat Kristus hagakhikhe iti baga, Allah ekaerek ninom dapukhogon 'binanhikhe. Itithogon 'binanhikhesik nen, akhuni aperek at inom inapuke dapukhogon 'bisagaluk wene iti nit nen yogeisilik nekhe dogoagaluk nit ninoba 'bisikhe.

Galatia 6:9

Halok he, ninobatne dek ageidek hano meke hagakhe dogogun halok he, yi meke ti meke ya'iluk morat asi lagunem, ebe palharek hak, yabokane ilugun oba ebe hano meke horlagun iti nen, nina'it ageidegat hagakhe dogouok o.

Efesus 3:13

Iti nen he, an yogotak ya hit hinobasik weagatnabiogei iti nen hinakla puk ageidek dogogun halok, hogothinabugun iti nen, hinasuk warogo yokhisigi iti o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

2 Tesalonika 3:13

Nagarlak lak nerugi. Hano meke hagakhe dogolik, hina'it ageidek hagakhe dogono o.

Ibrani 12:3

Hit hinakla puk atluk hinobatne dek asunogo iluk, it akhuni weak hagakharek meke nen at Yesus inakla nen meanetdiluk, ebe weagatdisi korlek kamotdisalok obakhanini hapugutdiluk welageikhe iti, hit nen, “At nikithogon hagakhikhe nogo,” iluk hinakla nen hutdekhe dogono o.

1 Petrus 2:10

Hit alebat, Allah hinom huni welageidek mekeat he, yogotak hinebe Allah a'buri agap o. Nen alebat, hit nen, “Allah ninebe akmu werek,” iluk hinokodek welagagip mekeat he, yogotak, “Ninebe Allah akmu nen wokninakhikhemo welago,” iluk hinilu agap o.

A'bikaka 2:3

Nen, akhuni nen an nobasik yi aik ti aik hagathinakho korlegat, hit nen, At nina'it, iluk, here'anhidek hinobakhanini hapugutdiluk hagakhethep iti an nilu o.