2 Korintus 3:9 - ALLAH ANE WENW KET MEKE WAROGO WOKNINAKHIKHE WENE

⁹ Wene holal wganek iti tak-tagat hagakhidek oba nen wene ninoba 'bakhasugu iti. Meke re, wene iti wogeisugunem hogorakhukha mekeat he, iti herlekha'bugat o. At Yesus nen wene ninoba meke korogo wokhalok nen Allah baga ninapuke hunogo 'binanhikhe iti wene woknisasikhe iti hasik anek, ebeluk motok kogat hogorasusak o.

2 Korintus 3:9 ပူးပေါင်းရင်းမြစ်များ

Roma 4:11

Oado aperlagap meke itithogon aban palek dek dogolik etaiken Allah oba hakotdisikhemo re, at Allah nen, “Wene hoba meke korogo wokhigirik, hapuke nipisak hunogo 'bagagi,” iluk yogokhikhe. Itithogon hagakhikhemo yogokhikhe iti, inetaiken ekerlogo dogoagaluk, “Hoado aperlagap meke palan,” iluk yogokhikhemo nen palikhikhemo re, ekagat ageikhe iti. Iti nen, akhuni inoado aperlagap meke itithogon palek dek dogolik, inetaiken Allah oba hakotdegarek meke tha'bokhogonat nen, inopase Abraham at o. It itithogon inetaiken Allah oba hakotdisinem nen, at nen, “Hinobabut mothogon hagakhe dogou hak hinetaiken noba hakotdegepma, wene hinoba meke korogo wokhigirik hinapuke ninom hunogo 'binagagi iti arat o,” iluk yogeisekheregat.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

1 Korintus 15:41

Mo hano yakherek iti ninat, thut hano yakherek iti ninat, husagal hano yakherek iti ninat. Itithogon mekeat, husagal iti ebe tomok asokhotek tomogat yibakherek o.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

Galatia 3:10

Nen, Allah ane baga holal men waganogo 'bisukha, “Wene an nen inasuk wakhigimo holal waganek werek iti tha'bokhogonat akhuni inasuk holiluk nen, mothogon hagakharek dek halok, inebe dopok homan 'bisagein werek o,” iluk isikhemo, holal waganogo 'bisukha hak, it akhuni aperek nen wene Allah nen ninasuk wakhikhe wene etnogo mothogon hagasuogoluk, inetaiken iti baga hakotdiluk welageikharek meke, Allah nen homan 'bisagein weregat o.

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.