2 Korintus 3:2 - ALLAH ANE WENW KET MEKE WAROGO WOKNINAKHIKHE WENE

² Nit wokninabuagaluk, hit hinebeat holal hakene waganek nit ninetaikenma werekma, akhuni tha'bokhogonat nen etaa thalhik, hutdinanhik, hagasusak werek o.

2 Korintus 3:2 ပူးပေါင်းရင်းမြစ်များ

Roma 1:8

Nagarlak lak nerugi. Wene ebe yokhisak nen, alebageik yi tak yokhisak. Akhuni o yi ai ti ai eloma nen, hit tha'bokhogonat hinabok hano ekhe dogolik, “It akhuni o Roma meke inetaiken Yesus oba hakotdiluk welageikharek o,” iluk egarek iti nen, Yesus Kristus oba, “Nopase Allah,” iluk heagei wakhe lagei.

1 Korintus 3:10

At Allah obabut hano nen nayoko 'bisikhemo, o iti herlaga re, an netai ekerlek meke nen 'bisigimo, it aperek nen oba dukhogon haliogei iti o. Meke re, akhuni inebe tomok, o herlaga iti baga dukhogon haluogoluk halok he, hutdiluk nen inetai ekerlogo halusak o.

2 Korintus 11:11

Nenaluk an itithogon igi apegep. Hit hinebe nakmu dek nen igi apegep? Dek o. An hit hinebe nakmu welagei iti Allah iluat o.

2 Korintus 12:15

Iti hagat he, hit hinetaiken hasik an nameke yi meke ti meke 'binagagik, nebe inom 'binagagik, netaiken oba nen nakla arleken akhekhe dogolik 'binagusagat 'binagagi o. An hit hinebe netaiken hunik werek korlegat he, hit anek he, an nebe hinakmu dek negen dogosak a?

2 Korintus 3:1

Itithogon igi iti, nit ninekaerek nen yabokane ninakeke 'bakhekhe lago nogo a? Motok dek o. E a, at he, it akhuni aperek nen hagakharek iti hak, nit wokninabuagaluk surat hit wokhisigik, it aperek nen wokninabuagaluk surat hit nen wogeisigik, hagakhe lago a? Dek o.

2 Korintus 7:3

An nen alebageik yokhisekhe dogolik, “Hit he, hinebe ninetaiken oba hunik motok welagap o. Halok he, ninom watlasumo watlasusagat o. Nen, ninom niniluk dogoumo, dogosagat o,” iluk itihogon alebageik isigi iti nen, yogotak, wene yokhisigi iti, wene hinoba 'bigiluk igi dek o.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.