2 Korintus 2:12 - ALLAH ANE WENW KET MEKE WAROGO WOKNINAKHIKHE WENE

¹² An o Troas etoma wagagi hak, hano wene Kristus hagakhikhe etnogo wene, akhuni etoma meke hano asuak nen iluk wene yogeisoagaluk ninoe Etagapogot nen holak yaknikhikhemo yogeisekho welagagi.

2 Korintus 2:12 ပူးပေါင်းရင်းမြစ်များ

La'isasikhe 14:27

O Antiokhia lalok, Allah a'buri natogorinakhikhesik nen, men yogeisasukha, “Nit Allah ninom nen yigithogon hagakho, tigithogon hagakho,” iluk wene pilinogo yogeisekhe dogolik men yogeisasukha, “It akhuni itikmanke meke wene iti eberogonat iluk waganuagaluk, Allah nen thu hualdekhemo erlok waganusak werek o,” iluk yogeisasukha.

La'isasikhe 16:11

Itithogon hagakhugusik nen, o Troas etoma nen imake ku baga piokthegat i eken palekma o etaga Samotrake itali agagusik, hubenke i aik yi bagake o Neapolis itali agagu.

La'isasikhe 16:8

Itithogon inakla kagalhikhemo, o Misia eloke o kota Troas wagoukha.

La'isasikhe 20:8

O henaipu kok halekma natogokhugumo etoma, isagal lampu doalegat yibarlek welageikhe.

Roma 1:1

Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.

1 Korintus 9:12

Hit nen, it aperek meke itithogon wogeisausak erlogat halok he, nit ebe iteerek meke aperek woknisausak dek nogo a? “Woknisausak erlogat o,” iluk yogeisekhe lagei. Itithogon mekeat he, nit aperek woknisoagaluk ekhe lago dek. Hano wene Kristus hagakhikhe wene iti, nit nen yogeisilik lagunem agolak palunogo iluk, yi meke ti meke aperek woknisausak iluk igidek ninobakhanini hapugutdiluk here'isekhe lago.

1 Korintus 9:14

Iti hagat, at ninoe Etagapogot nen ninasuk wakhe dogolik, “It akhuni nen hano wene yogeisilik lagunem, it aperek nen hano wene iti alisikhogon inapiri melageisausagat o,” iluk isikhe iti o.

1 Korintus 9:16

Hano wene yogeisilik nekherek iti, yogeisausak mekeat yogeisilik nekherek iti nen hogorakhausak motok dek o. Yogeisigidek kamotdumo, eiye. An nebe weka hagatnabusakma o.

2 Korintus 10:14

Hit hinebe Allah nen yabu hurli palogo woknisasikhe baga welagap iti nen, hano wene Kristus nen hagakhikhe wene etnogo wolok, yogeisilik lalok hurli hit hinoba wagagu iti, hurli palek meke thebelogo wagagu dek o.

2 Korintus 11:4

It aperek hinoba witluk nen, nit nen hano wene Yesus hagakhikhe wene yokhisasugumo waganhigip hak, yokhisigidek. Ninat meke yokhisugunem, Allah Agoreke waganhigisibat, yabokane ageikhe meke agoreke waganhik, hano wene waganhigisibat, yabokane wene ninat meke waganhik, hinakla arlekenhogon waganhe lagap hisekhe lagei nayuk o.

2 Korintus 11:7

An nen Allah ane hano wene iti yokhisekhe dogolik, “Oko ageikhe woknitni,” iluk igidek. Hit kogothinabigiluk an nekaerek nebe kepu negen atluk, itithogon hagakhe lagei iti, hit korlo hagathinakhe lagei iluk usak a? Motok dek o.

2 Korintus 4:3

Hano wene yogeisilik nekhe lago iti, akhuni aperek nen hutdiliogei mekeat he, it akhuni nuk ariogei meke anek he, wene iti hasik inetaiken amukhak laberek werek o.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

2 Korintus 8:18

Ninagarlak ageikhe hano wene yogeisilik nukhunem, it Allah a'buri o yi ai ti ai nen, “At obabut hano,” iluk hogorariogei meke, at Titus ipisak la'isa agei iti o.

2 Korintus 9:13

Itithogon yomageisekhe dogogun iti baga, it Allah a'buri o Yudea meke nen, “It akhuni Korintus meke Kristus hagakhikhe wene hano wene etnogo waganhukhasik, Ninobabut mothogon hagakhe dogogun o, iluk isukha tak-tagat hagariogei. Itithogon hagakhe dogolik it meke aperek warlok ageidek nit yomaknisigik, it aperek tha'bokhogonat yomageisigik, hagakha o,” iluk hinobabut ekagat paldiluk Allah hogorasugunat o.

Kolose 4:3

Sembayan ekhe dogolik, nit ninobasik, men ekhe dogono, “Allah ninopase. Wene Kristus nen hagakhikhe wene, alep hakla limago welageikhe meke etnogo, it Paulus lak nen yogeisilik nekhe dogoagaluk, thu hualisano,” iluk, sembayan nit ninobasik ekhe dogono. Wene iti hasigat niki herle warogo 'banhama yoma welagei.

1 Tesalonika 3:2

Werek korlek, at ninagot Timotius, hano wene Kristus hagakhikhe wene etnogo ninomat, Allah hasik yogeisilik nekhe lago meke etnogo, akhuni nen yi aik ti aik hagathinabiogei iti nen, hit hinetaiken Kristus oba hakotdisigip meke aborlok unogo iluk, hinetaiken ago wathinakhik, hinasuk wakhik, hagakhe dogoagaluk hinoba la'i ago iti o. Yi aik ti aik hagatninabiogei iti, Allah nen nit ninobasik akla apekhe dogolik, “Itithogon hagathinakhe dogogun,” iluk isikhe hagat hagathinabiogei iti, hiniluat o.