2 Korintus 13:5 - ALLAH ANE WENW KET MEKE WAROGO WOKNINAKHIKHE WENE

⁵ Hit nen he, “Nit ninetaiken Kristus oba hakotdisugu etnogo hakokthegat welago a? Dek a,” iluk hinekaerek nen hinobabut hutukhogon palano. Itithogon palekhe dogolik, erlok hagatlageidek halok he, “Yesus Kristus ninakla werek,” iluk ekagat hugun o.

2 Korintus 13:5 ပူးပေါင်းရင်းမြစ်များ

Yohanes 14:23

at Yesus nen, men yogeisasikhe, “At tha nen, an nebe etaiken hunik halok he, nane hologo hagakhe dogogin o. Nane hologo hagakhe dogoumo, nopase nen at iti etaiken hunik dogogin o. Itithogon dogolik, an nopase nipisak ap iti oba witluk, at ninom motok dogogun o.

Yohanes 15:4

Itithogon hinoboseka hakene palek welagap iti, hit an ninom hunik, nen, an hit ninom hunik, dogouok o. O ikilo'bak iti, o erlo baga hunik dek halok, eken isusak motok erlok dek o. O ebe baga hunik halok, eken ikherek iti hak, hit an ninom hunik dogogun dek halok he, hano meke hagasusak erlok dek o. An nebe baga hunik halogat, hano hagasusak o.

Yohanes 17:23

It eberogonat inebe opakiat dogoak nen, it nen an ninom hunik, nen hat nen an nipisak hunik dogouok o. Itithogon dogogun halok, it akhuni agat oba meke nen ekhe dogolik, At he, opase nen la'i ageikhesik ebe etaiken hunik welagarek iti hak, it inebe at wogokhikhe meke etaiken hunik welagarek o, iluk inilu atluk hutdugun.

Yohanes 17:26

Nopase. Hat nen an hakmutnakhigin etnogo, it-it itithogonat nakmu-hakmurogon dogolik, an nebe it ninom hunik dogouogoluk, hat hetaga ilik hawene yogeisekhe lagarik ageikhe inomat yogeisekhe dogoginat o,” iluk sembayan isikhe.

Yohanes 6:56

Tha nen an nebe nikik, namep nikik, hagariogo halok he, at nen an nipisak hunigat, nen, an nen, at nipisak hunigat, dogogun o.

Yohanes 6:6

Itithogon yogokhikhe iti, at Yesus nen hagasigin meke ilu dogoligat, at Filipus obabut paligiluk yogokhikhe iti.

Roma 1:28

It nen, “Allah ebe ninilu dogosak nina'it o” iluk at ebe it inakla meanetdisukhama, at nen, “It inakla apiliogei iti korlo o. Na'it. It nen weak mekeat he, hano iluk apegarek iti, itithogon inoba tomok apekhe dogolik hagasusak dek meke hagarekhe dogonek,” iluk inebe here'isekherek.

Roma 8:10

Itithogon mekeat he, hit Kristus hinakla werek halok he, hinobabut weak hagakhethep iti nen, hinebe itikmanke yi watlasugun mekeat he, Allah nen wene hinoba meke korogo wokhalok yabokane hinapuke hinom hunogo 'binageikhe iti nen, at Agoreke nen hiniluguthinabigin iti.

1 Korintus 11:28

It aperek nen, at Ebe hutdigidek dogolik hipiri iti meke nikik, eken apusu iti meke nikik, neke dogolik, inekaerek nen wene inoba 'bakhiliogei iti nen, hit hinebe tomok hinekaerek nen hinobabut palano. Itithogon hinobabut palalok nen, hipiri iti meke nikik, eken apusu iti meke nikik, hagasusak o.

1 Korintus 11:31

Meke re, ninekaerek nen ninobabut palogo nasi halok he, Allah nen wene ninoba 'bigin dek o.

1 Korintus 3:16

Nit ninebe Allah ai halegat, iluk hinokodek nogo a? Allah Agoreke ninakla ai halogo welagarek, iluk hinokodek nogo a?

1 Korintus 6:15

Nit ninebe yi Kristus iki isok hakene welago, iluk hinokodek nogo? Halok he, ninebe Kristus iki isok welago iti meke waganogo, humi inobabut yugunisake meke iti inom hunesusak nogo? Motok dek o.

1 Korintus 6:19

Hit nen he, “Allah nen Agoreke woknisasikhemo, ninebe at ai halek welago,” iluk hinokodek nogo a? Hinebe hinekaerek iteerek 'buk. At iteerek o.

1 Korintus 6:2

Yabokane Allah a'buri nen akhuni agat oba meke yoma wene inoba 'bigik kokhik hagasugun iti hinokodek nogo a? Itithogon hagasugun halok, wene herlekha'bugat meke iti, hit nen pilinetdiluk nen wene inoba 'bigik kokhik hagasusak dek nogo?

1 Korintus 9:24

Tha ae 'busuk werek tha ae 'busuk werek luogoluk, inebe lugun meke iti inebe tha'bokhogonat lageikharek mekeat he, opakiat anek tak lalokma oko hano meke wogokharek iluk hinokodek nogo? Iti hagat, oko hano meke wokhisoagaluk, pirlirli hinobatnerogon laga dogono o.

1 Korintus 9:27

It akhuni aperek hano asuagaluk hano wene yogeisilik nekhe lagei mekeat he, nekaerek here'anumo nuk asunogo iluk, nekaerek nen nebe warau hak, netaiken nobatnerogon thebeligik, akhuni inapma dogolik inane holek welageikharek hak, an nebe nane apma dogeigiluk nasuk warigik, hagakhe lagei o.

2 Korintus 6:16

At Allah ai halek iti inom, kaneke iti inom, opakimo dapulusak nogo a? At Allah iluk motok welagarek meke ai halek he, nit ninebe yiat o. At nen he, men isikhe, “It inakla an nai halogo dogogin o. Inaklake etoma nekhe dogogin o. It inopase Allah anat dogogin o. Nen, an na'buri irat dogogun,” iluk isikhe iti nen,

Galatia 2:20

Nen, yogotak nebe niluk welagei yi, nekaerek nobatne baga welagei 'buk. At Kristus at nakla dogolik iluk welagarek o. At ebe Allah a'burat dogolik, nebe akmu nen an hasigat, “Nasuak,” iluk akla apasikhe baga ebe wakhukha iti. Nen, an netaiken at oba hakotdiluk werekma, at ebe nakla werekma, niluk welagarek iti.

Galatia 4:19

Meke re, na'buri hinebe nakmu lak o. Humi nen ineagei itaginabuogoluk hinet wakharek hak, an nen yabokane itakhinabumo, hit hinobabut Kristus obabut hakene hagatlatlep o! iluk, hit hinobasik an noba u hinet weak wakhe lagei.

Galatia 6:4

Hinebe dopok hinekaerek nenat, “An hano hagakhe lagei a? Weak hagakhe lagei a,” iluk, hinobabut palalok nen, “Hano hagakhe lagei,” iluk apegep halok he, erlok hogorakhausagat o. Itithogon mekeat he, nit hagakhe lago meke iti, ninekaerek ninoba dopok nenat usak iti nen, “It aperek hagariogei iti weak. Nen, an hagakhe lagei anek he, hano,” iluk usak dek o.

Efesus 3:17

Hinetaiken at Kristus oba hakotdumo, at ebe hinakla ai halogo werekma, yi meke ti meke ai yakhunem omaken yakhik, o herlaga obatnerogon 'bigik, hagakharek hak, hinobabut akhuni aperek inebe inakmurogon welageikharek iti meke baga hinomaken ya'iluk a'bethogon dogobageik iluk, Allah ayoko 'bekhe lageiat o.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Kolose 2:19

Ninebe yi ninukuloak inom hunik werekma, niniki ninisok ekarlim ninomaken oba hunogo 'binanhikhemo, ninapiri nasinem apusu ninoak elolake lagunem, ninebe kok agorek hak, nit Allah a'buri Kristus ninom hunik werekma, at Allah nenat, kogotninakherek iti. Meke re, it iti itithogon ninoe kok Kristus inom hunik welagoukhasik nenat, yabokane kobologo la'isasukha iti nen, inane holhup o.

Kolose 2:7

hinomaken Yesus oba a'bethogon ya'iluk, hinetaiken at oba 'bogokhogon hakotdiluk, hinom hunik dogolik nen, hinetaiken horle ago motok dogolik, Allah heagei wakho motok dogono o.

1 Timotius 2:15

Itithogonat meke re, it humi inetaiken Allah oba hakotdiluk nen, inebe Allah hasik 'bisalok karelek dogolik, akhuni aperek inakmurinakhik, inilaga isonhogon hagakhik, hagakhe dogogun halok he, ineagei itaginakhunem, Allah nen tilinabiginat o.

2 Timotius 3:8

Muk haganeat, it ap Yanes inom, Yambres inom, Musa ane thagalogo here'isalok hagakhukha hak, it iti ebe wene thagalogo here'isalok, weak hagakhe dogolik, inakla nen wene ebeat meke ebesusak dek, korlo meke eberiogei iti o. Itithogon hagariogei iti baga, inetaiken Allah oba hakokthek meke kobologo here'isega iluk, ekagat asigin iti o.

Titus 1:13

iluk, at ane eberogonat isikhe. Iti nen, it iti inetaiken Allah oba hanorogon hakotdiluk dogou hagat dogoagaluk inasuk obatnerogon wakhe dogono.

Titus 1:16

It iti nen he, inape baga nen, “An Allah ebe nilu o,” iluk, inane pakhogon ekhe dogoligat, “Ebe ninokodek,” iluk u hak, inasuk warek degat, Allah alilo meke hagakhe dogolik, yi meke ti meke hanorogon hagasusak it motok erlok dek werek iti.

Titus 2:2

Ap inarluetek meke iti, it inetaikenma hanorogo apigik, it inetaiken werek welageik, it inetaiken inekaerek nen therogo welageik, it inetaiken Allah ane ebeat apalok aborlok dek welageik, akhuni inakmurogo welageik, yi meke ti meke hasik inoba aik hekhe dogolik, inobakhanini hapugutdiluk welageik, hagakhe dogoagaluk inasuk wakhe dogono.

Ibrani 12:15

Akhuni hit meke aperek Allah obabut hano nen woknisekherek meke iti here'isalok dukhisinem, arle-arleka dabulatluk nen, hano meke arletdekherek hak, ap iti nen akhuni tha'bokhogonat weagarinabinogo iluk hinileken hanorogon dogono o.

Ibrani 4:1

Iti halok he, Allah ne a'buri thet waloagaluk abok yogeisasikhe meke iti dek ageidek werek meke iti, nit yabokane thet waloagaluk woknisageinmo etoma hit aperek ukigidek hagasunogo iluk hinayukhogon dogolik mothogon hagakhe dogono o.

Ibrani 6:8

Itithogon mekeat he, agat iti yi oka ti oka weak meke inom, pati arlok meke inom, dukhekherek halok he, “Agat yi we yugunat alomarogo werek iti weak na'it,” iluk Allah nen homan 'biluk nen, yabokane hetu hundumo tha'bokhogonat nigin o.

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.

1 Petrus 5:9

Itithogon dogolik, hinakla nen, “Ninagarlak lak ninerugi o yi ai ti ai agat oba yoma inebe tha'bokhogonat yi aik ti aik hiliogei hagat, hekhe lago,” iluk, at Iblis wagunem, ane holhidek here'isalok hinetaiken Allah oba hakotdiluk hinobatnerogon metek dogono o.

A'bikaka 2:5

Iti halok he, hit 'bogokhogon motogat usa'agasip welagap iti, hinakla ebetdiluk, hinobabut hebelatluk nen, alebageik hagakhe lagagip meke iti hagat, hagakhe dogono o. Itithogon hagakhidek halok he, an nebe witluk nen, hinalampu yibarlek iti obolukmo nen kigilogo wokhagein o.