2 Korintus 13:4 - ALLAH ANE WENW KET MEKE WAROGO WOKNINAKHIKHE WENE

⁴ At Kristus ebe erlok dek werekma o baga meldiluk wakhukha mekeat he, at Allah obatne baga ilugutdisikhemo ilugat welagarek. Iti hakeneat, nit at ninom hunik dogolik erlok dek welago mekeat he, at Kristus ninom hunik niniluk dogolik nen, Allah obatne baga hit hinobasik hagasisugun o.

2 Korintus 13:4 ပူးပေါင်းရင်းမြစ်များ

Yohanes 10:18

An nen watlasigin apigidekmaat, it akhuni aperek nen obakha baga nasusak erlok dek o. An nekaerek nakla nenat, nebe watlasigin apagein obaat watlasigin o. Watlatluk yabokane napuke niluk asigin iti nekaerek nakla nen apagein obaat o. Itithogon hagasuagaluk nopase nen la'ani ageikhe mekeat hagasigin o, iluk eberogonat yokhisigi,” iluk yogeisasikhe.

La'isasikhe 2:36

At Yesus ebe hit nen o baga meldiluk wakhepma, at Allah nen, Hinoe Etagapogot Kristus ebe yiat, iluk meldekhemo iti. Halok he, hit akhuni Israel meke tha'bokhogonat nen, Wene iti eberogonat, iluk hinilurogon dogono,” iluk yogeisasikhe.

La'isasikhe 3:16

Ap isok weak welaga meke yi nen, Yesus iti eberogonat, iluk etaga palogo, etaiken at oba hakotdekhe iti baga, ap yi hinileken hekhe lagap meke, ebe hinilu meke etnogoat obatne aga yi. Etaiken itithogon Yesus oba hakotdekhe iti baga, hit hinil obaat motok hanotdekhemo yi.

Roma 14:9

Watlagoukha meke dek, niniluk meke dek, dapukhogon hasik, at Kristus ninoe Etagapogot dogeigiluk, watlageikhesik iluk ageikhe iti.

Roma 6:4

Ima usa'inanhe dogolik, at ebe warek thalhukha hak, nit at ninom hunigat werekma warogo 'binanhukha. Nen, at Kristus watlageikhesikmo nen, opase obatneak hogorakharek meke etnogo nen ilugutdisikhe hak, nit yogotak ninilugutninakhikhemo ninobabut ket ninat hagakhe dogouok o.

1 Korintus 1:25

At Allah awene mekeat, it akhuni agat oba meke nen, “Wene iti, akhuni kepu meke nen egarek hakene,” iluk egarek mekeat, at Allah akla motok kagalek o. Nit akhuni ninawene meke ninakla kagoukhogon ogorek iti, ninakla abisake meke nen ogorek o. It akhuni agat oba meke nen, “At Allah erlok dek,” apegarek mekeat, at obatne horleak o. Nen, nit akhuni nen, “Ninobatne horleak,” apogorek mekeat, erlok dek o.

1 Korintus 15:43

Ninebe warek ninobatne dek ina'it hegarek meke iti, agatma thaldinanilukmo yabokane ninebe ninobatne werek hogotninabusak meke ninilugutninabigin o.

1 Korintus 2:3

Nakla itithogon apasigisik nen ebekhe dogolik, an nekaerek nebe erlok degatma nayuk nen noageleke dik-digat hinoba wagagisik welagagi apigi.

1 Korintus 6:14

Allah nen he, ninoe Etagapogot watlageikhesikmo nen ilugutdisikhe hak, at obatne baga, nit ninilugutninabiginat o.

2 Korintus 12:10

Iti nen, an Kristus hasik, nebe erlok dek agei halok, akhuni nen nabok weak palho halok, wiik-weakhogon hagatnakho halok, yi aik ti aik hagatnakho halok, wim yakhe dogolik inasuogoluk hoborisegarek hak hobotneekho halok, an erlok degat werekma, iti baga nen nobatne agarek iti nen nakla arleken akhegerek.

2 Korintus 13:9

Nit erlok dek werek korlek he, hit hinobatne werek dogosak halok he, hano iluk, ninakla arleken akhekhe lago. Iti hasigat, hit hinetaiken 'bogokhogon horle asuagaluk, Allah ayoko 'bekhe lago.

Filipi 3:10

At Kristus yi aik ti aik hilik-hilik watlageikhe hak, nipisak tak-tagat, an itithogonat aik hilik-hilik, watlasusagat apekhe lagei. Itithogonatma re, at watlageikhesikmo, Allah obatne baga ilugutdisikhe hak, an itithogonat watlatlukmo, niligutnabigin, iluk, oba eberegat welagei o.

Ibrani 5:7

At Yesus ebe agat oba yoma werekma watlasunogo iluk, Allah nen erlogat tilusak iti nen, de aga dogolik, ane kogat Allah etaga palogo ayoko 'bigik, kino yogokhik, hagakhe dogolik, opase ane ayukhogon hologo welageikhe iti nen, Allah nen ane asuk holhikhe.

1 Petrus 3:18

Nit akhuni weak hagakhorek iti hasik niniki ilugun oba, at Kristus yabokane watlageidek dogeigiluk opaki hasigat watlageikhe. Ninebe Allah oba woknisik lagaluk, at obabut mothogon hagakherek meke nen, nit ninobabut korlo hagakhorek meke hasik watlageikhe iti. Ebe nit akhuni meke iti wakhukhama watlageikhe mekeat he, agoreke meke iti Allah nen ilugutdisikhe iti.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.