2 Korintus 13:2 - ALLAH ANE WENW KET MEKE WAROGO WOKNINAKHIKHE WENE

² An alep niki ageikhe wagagisik oba nen yabokane wagagi iti baga, it akhuni hit meke aperek alebat weak hagakhukha meke inom, nen it aperek o etoma meke inebe tha'bokhogonat inom, inasuk wakhigi meke yogotak an nebe walegat dogolik inakla eberogo yogeisageinat o. An yabokane witluk nen, it iti thebelogo 'bisasigin dek. Ukum inoba 'bisigin o.

2 Korintus 13:2 ပူးပေါင်းရင်းမြစ်များ

1 Korintus 5:5

Ap iti etaiken ninoe Etagapogot wisigin itinem waga dogolik tiluak nen, yogotak ebe Iblis nen weagatduagaluk, at Iblis at wogotno.

2 Korintus 1:23

An o Korintus hinoba wageidek huk agagi iti, hit hinakla weak asunogo iluk huk agagi meke iti, at Allah nen nakla ileken neekherek meke nen ilu o.

2 Korintus 12:14

An alep niki pere baga wagagisik, yabokane ageikhe wisigiluk karelogo 'bigirik welagei o. An hinoba wisigin iti, yi meke ti meke ina'buri nen inagosa inopase lak heago wogeisegarek 'buk. Dek o. Inagosa inopase lak nen, ina'buri inobasik heago wogeisegarek iti nen, hit meke yi meke ti meke kino hinoba tiologo yokhisasigin 'buk. Dek o. Hinebeat herakhinabik wisigin o.

2 Korintus 13:10

Iti nenat, nebe walegat dogolik wene yi holal waganogo 'bekhe lagei. Nebe yabokane wagei halok he, ninom dogolik, nane puk weak wenakhisaunogo iluk, holal itithogon waganogo 'bekhe lagei iti o. Ninoe Etagapogot nen obatne woknikhikhemo iteerek welagei iti, hit hinebe weagathinabuogoluk 'buk. Hinetaiken horlethinabuogoluk iteerek welagei o.