2 Korintus 12:9 - ALLAH ANE WENW KET MEKE WAROGO WOKNINAKHIKHE WENE

⁹ at nen he, “Hat erlok dek halok he, an nobatne horleagatma hebe nakmuthakherek etnogo nen, erlok hano dogogin o,” iluk yoknikhikhe. Itithogonat yoknikhikhe iti nen, at Kristus obatne an nakla 'banhikhe meke itiat dogoagaluk, an yi meke ti meke hasik erlok degat dogolik, nakla arlekenhogo hogorakhekhe dogogin o.

2 Korintus 12:9 ပူးပေါင်းရင်းမြစ်များ

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

1 Korintus 10:13

Hit weak hagasuagaluk hinakla kagaligiluk wagunem hegethep iti, nit akhuni tha'bokhogonat ninakla kagaligiluk wagunem obabut hogorek hagat, hekhe lagap o. Mekeat he, Allah nen abok yoknisasikhe tak-tagat hagakherethekma, weak hagasuagaluk hinakla kagaligiluk wagunem, hit nen hinetaiken thebelusak erlok dek meke, Allah nen here'inagagidek hakhisik dogogin o. Hinakla itithogon kagalhe korlek, hinetaiken thebelogo hinobatne asubageik nen iluk, Allah nen wene, “Holak yike lani o,” iluk u hak mothogon yakulhisagein werek o.

1 Korintus 15:10

Itithogon usak erlok dek mekeat, Allah obabut hano nen nayoko 'bisikhemo yigithogon agagisik welagei o. Nayoko 'bisikhe iti we yugunat 'bisikhe dek iti nen, it aperek tha'bokhogonat yabu herlekha'bugat hakene waganhe korlek, an anek he, doalegat hakene waganhe lagei o. Meke re, itithogon waganhe lagei iti, an nen waganhe lagei 'buk. Allah obabut hano nen, nipisagat dogolik waganiogo o.

1 Korintus 2:3

Nakla itithogon apasigisik nen ebekhe dogolik, an nekaerek nebe erlok degatma nayuk nen noageleke dik-digat hinoba wagagisik welagagi apigi.

1 Korintus 2:5

Itithogon yokhisasigi iti, hit hinetaiken akhuni inakla kagalek meke iti inoba hakotdiluk welageidek mekeat he, Allah obatne werek iluk, hinetaiken at oba hakotdubageik iluk yokhisasigi iti o.

2 Korintus 11:30

Meke re, hogorakhausak halok he, an nebe erlok dek iluk hogorakhausak o.

2 Korintus 12:1

An hogorakhilik waga lagei meke iti, usak dek mekeat he, hogorakhageinat o. Ninoe Etagapogot nen an nileken hoagaluk yoknekhemo na'bi baga higik, na'bikaka baga higik, hasigi meke igin o.

2 Korintus 12:10

Iti nen, an Kristus hasik, nebe erlok dek agei halok, akhuni nen nabok weak palho halok, wiik-weakhogon hagatnakho halok, yi aik ti aik hagatnakho halok, wim yakhe dogolik inasuogoluk hoborisegarek hak hobotneekho halok, an erlok degat werekma, iti baga nen nobatne agarek iti nen nakla arleken akhegerek.

2 Korintus 12:15

Iti hagat he, hit hinetaiken hasik an nameke yi meke ti meke 'binagagik, nebe inom 'binagagik, netaiken oba nen nakla arleken akhekhe dogolik 'binagusagat 'binagagi o. An hit hinebe netaiken hunik werek korlegat he, hit anek he, an nebe hinakmu dek negen dogosak a?

2 Korintus 12:5

Ap iti hasik anek hogorakhe dogolik, an nekaerek hasik hogorakhigidek meke re, nebe erlok dek iti hasik anek hogorakhageinat o.

Efesus 3:16

At Allah yi meke ti meke ilmo motok horleak iluk u hak, hogorakho welageikharek etnogo nen, Agoreke oba hinobatnerogon hinetaiken horlethinabuagaluk ayoko 'bekhe lageiat o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

Kolose 1:11

Ninopase Allah obatneak hogorakharek meke etnogo hinobatnethinakhunem, hit hinobatnerogo motok dogobageik iluk ayoko 'bekhe lageiat. Itithogon hinobatnethinakhunem, yi meke ti meke akin hinoba aga korlek, hinakla puk ageidek, hinobakhanini hapugutdiluk dogolik, hinakla arleken akhigik,

1 Timotius 1:14

Iti, at ninoe Etagapogot Kristus Yesus obabut hano nen kokhogon akmutnakhikhesik, nobabut at inom hunik dogolik hagakharek hagat, netaiken at oba hakotdigik, akhuni aperek nakmurinakhik, kokhogonat hagakhe dogoagaluk, nebe woknakhikhe iti o.

Ibrani 11:34

hetu amulok inayuk hakene meke nagulogo 'bigik, karok oba inasusak meke inekaerek nen inebe tiligik, inobatne dek mekeat, inobatne ageik, wim yakhe dogolik inobatne atluk, thilimeke inebe doalegat mugisigik,

Ibrani 4:16

Iti nen he, nit weak asusak werekma, hano asuagaluk, ninopase Allah obabut hano nen akmutninakhik, yomaknisigik, hagasuagaluk, at Allah kok welagarekma dogolik obabut hano enagorogon hagakherek iti nen, ninayuk dekhogonat horokhogon ukuok o.