2 Korintus 11:7 - ALLAH ANE WENW KET MEKE WAROGO WOKNINAKHIKHE WENE

⁷ An nen Allah ane hano wene iti yokhisekhe dogolik, “Oko ageikhe woknitni,” iluk igidek. Hit kogothinabigiluk an nekaerek nebe kepu negen atluk, itithogon hagakhe lagei iti, hit korlo hagathinakhe lagei iluk usak a? Motok dek o.

2 Korintus 11:7 ပူးပေါင်းရင်းမြစ်များ

La'isasikhe 20:33

An nakla nen, hit hinameke uang emas meke men, perak meke men, hinasu men, warlok iluk ageikhe nakla apigidek.

La'isasikhe 20:34

At he, an men, ap an nagarumi noporlik nekharek meke men, yi meke ti meke dek nen, an nekaerek niki nen herago horlekhe lagei iti hinilu o.

Roma 1:1

Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.

1 Korintus 9:12

Hit nen, it aperek meke itithogon wogeisausak erlogat halok he, nit ebe iteerek meke aperek woknisausak dek nogo a? “Woknisausak erlogat o,” iluk yogeisekhe lagei. Itithogon mekeat he, nit aperek woknisoagaluk ekhe lago dek. Hano wene Kristus hagakhikhe wene iti, nit nen yogeisilik lagunem agolak palunogo iluk, yi meke ti meke aperek woknisausak iluk igidek ninobakhanini hapugutdiluk here'isekhe lago.

1 Korintus 9:6

E a, at he, it iti yabu waganhidek werlegat werek korlek, an Barnabas nipisak ninarligat anek yi meke ti meke niniki baga nen thet walogo here'isausak apegep?”

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Korintus 10:16

Itithogon hagakhe dogoluk, Allah nen it aperek inayabu hurli palogo wogeisasikhemo hagakha mekeat, nit hagakho thalek hogorakhaunogo iluk, hit hinaila abel ilike, etoma wene hano wene yogeisilik nekhe dogogun apekhe lago.

2 Korintus 12:13

Hit hinobasik hagakherek iti, it Allah a'buri yi ai ti ai natogokharek meke hasik hagakherek meke iti ipisak walhaumo, ki meke hasik erlok dek hagathinakhi. An yabu hagakhe lagei hasik, “Niki oko ageikhe woknitni,” iluk hinoba tiolhidek welagagi iti erlok dek hagathinakhi he a. Halok he, weagathinakhi iti hasik thagalogo degetdisalok hinakla hano atni o!

2 Korintus 2:12

An o Troas etoma wagagi hak, hano wene Kristus hagakhikhe etnogo wene, akhuni etoma meke hano asuak nen iluk wene yogeisoagaluk ninoe Etagapogot nen holak yaknikhikhemo yogeisekho welagagi.

1 Tesalonika 2:9

Nagarlak lak nerugi. Nit Allah ane hano wene iti yokhisugunem, yi meke ti meke hasik, hit aperek hinoba tiolhinabunogo iluk, nit ninekaerek nen dikene hibakone ninobatnerogon hagakhik, mep dageik-dagokhogon hagakhik, hagakhe lagagu etnogo, hiniluat o.

2 Tesalonika 3:8

Nit nen he, hipiri hit hinoba ageikhe oko palhidek werlegat neke lagagu degat o. Hit aperek hinameke degerogo neke dogunogo iluk, nit dikene nen hibakone nen motok thereak-moreak ninekaerek nenat ninobatnerogon hagatdiluk oko palogo neke lagagu iti.