2 Korintus 10:7 - ALLAH ANE WENW KET MEKE WAROGO WOKNINAKHIKHE WENE

⁷ An nen wene thelekma meke igin yi hutdini o. At ageikhe akla nen, “An nebe Kristus meke welagei,” iluk hutdekhe halok he, ekaerek nen obabut palekhe dogolik, “An nebe Kristus meke hakene, it Paulus lak itihogonat,” iluk hutduak o.

2 Korintus 10:7 ပူးပေါင်းရင်းမြစ်များ

Matius 23:5

It nen yi meke ti meke hagariogei iti tha'bokhogonat, Akhuni nen 'bitnisik dogoak, iluk, inakla apekhe dogolik hagariogei o. It nen, Sembayan ekhe lagei, iluk, Allah ane thuesika baga holal waganogo inilhaoak oba herle wakharek etnogo, it nen kokhogon wakhik, su itikmanke meke ninat ikharek etnogo, it nen su erageik uanhogon ikhik,

Lukas 16:15

Itithogon at obato agoukhama, at Yesus nen it yogeisekhe dogolik, “An mot hagakhe lagei, iluk akhuni inil oba hinobabut mot meke hakene hagakhe lagap. Mekeat he, Allah nen hinetaiken motok ilu o. Yi meke ti meke it akhuni nen hano iluk kogotdegarek meke iti nen, at Allah motok a'it o.

Yohanes 7:24

Wene ebe thekekhogon hinokodek mekeat he, we wene thelekma meke anek hinilu dogolik, akhuni aperek wene inoba 'busak dek o. Wene thekekhogon hinilu atluk nen, weak hagakharek tak-tagat wene inoba 'bekhe dogono o,” iluk yogeisasikhe.

1 Korintus 1:12

Wene ebe, men ekhe lagap iti hasik igi. Hat ageikhe nen, “An Paulus meke,” isinem, hat ageikhe nen, “An Apolos meke,” igik, hat ageikhe nen, “An Kepas meke,” igik, hat ageikhe nen, “An Kristus meke,” igik, hinane asokhotek tomok ekhe lagap iti nen igi o.

1 Korintus 14:37

At ageikhe nen, “An nen Allah ane yokhisoagaluk, Allah Agoreke nen nobabut iti woknekhemo,” igik, e a, at he, “Ninat meke hagasuagaluk woknekhemo,” igik, ekhe halok, at nen, “Wene Paulus nen ekhe iti, ninoe Etagapogot nen ninasuk wakhikhe meke, holal waganogo ninoba la'i aga iti,” iluk at hutdiluk waganuak o.

1 Korintus 15:23

Itithogon mekeat he, Allah nen ninobolukmo tomok mot-mot ninilugutninabigin. Hipiri ebekeram yukuk meke tak itakharek hak, at Kristus tak ilugutdisikhemo nogo nen, at ebe wisigin itinem, nit Kristus agarumi meke ninilugutninabigin o.

1 Korintus 3:23

Hit hinebe iti, iteerek, Kristus at o. Nen, Kristus ebe iteerek he, Allah at o.

1 Korintus 9:1

An nasokneat welagei dek nogo? At Allah nen nayoko 'biluk la'ani ageikhe dek nogo a? Ninoe Etagapogot Yesus ebe an nileken higidek nogo a? Ninoe Etagapogot nipisak hunik dogoligat ayabu hagakhi meke, hinebe welagap iti dek?

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Korintus 11:18

It akhuni inebe doalegat nen yi meke ti meke agat oba meke hasik hogorakhiliogei iti, an herlekha'bugat ageikhe hogorakhageinat o.

2 Korintus 11:23

It iti Kristus atuaneke dogolik, at hasik herlekha'bugat hagakharek mekeat he, an anek he, kogat hagakherek o, iluk, akhuni thinuknuk meke nen egarek hak ageikhe yokhisigi iti o. It he, thet herlekha'bugat negen hegarek mekeat, an he, thet doalegat hegerek o. It he, opaki hasik hakene iniki herle wakhik, tugi inakhik, inebe watlasusak negen motok inakhik hegarek mekeat he, an anek he, hibiku-yogoku niki herle wakhik, tugi nakhik, nebe watlasusak negen motok nakhik, hegerek o.

2 Korintus 11:4

It aperek hinoba witluk nen, nit nen hano wene Yesus hagakhikhe wene yokhisasugumo waganhigip hak, yokhisigidek. Ninat meke yokhisugunem, Allah Agoreke waganhigisibat, yabokane ageikhe meke agoreke waganhik, hano wene waganhigisibat, yabokane wene ninat meke waganhik, hinakla arlekenhogon waganhe lagap hisekhe lagei nayuk o.

2 Korintus 12:11

It ap Kristus nen inayoko 'biluk la'isa agarek meke negen hagatlatluk witluk, “At Paulus etaga dek,” iluk egarek iti, an eberogonat netaga dek. It koktek inetagapogot higi! Itithogon dek o. Hit nen hutdaniluk nalon halogo yoknisusak mekeat he, itithogon egethep dek iti nen he, eberogonat ap kepu nen egarek hak, yokhisigi iti o.

2 Korintus 13:3

Hit nen he, “Paulus iti, Kristus akla dogolik iliogo a? Dek a,” iluk nobabut paluogoluk egep iti, nebe wagunem ekagat hutdanugunat o. At Kristus hit hagakhethep iti hasik ebe erlok dek nen obakhanini huk agarek 'buk. At hit hinom dogolik obatneat werek o.

2 Korintus 5:12

Iti, hit nen nit hagatninabubageik iluk ninekaerek nen ninakeke 'bakhekhe lago dek o. It akhuni aperek inetaiken hasik ninakeke 'bakhekhe lago dek, inoado itikmanke hasik inakeke 'bakhugunem, hit nen oko nit ninabok hano ekhe dogolik hogotninabubageik nen iluk yokhisigi o.

Galatia 3:29

Hit hinebe Kristus meke halok he, hinebe Abraham nen itago meke welagap. Halok he, Allah nen Abraham abok yogokhikhe meke etnogo, hit wokhisausak morat o.

1 Yohanes 4:6

Meke re, nit he, ninebe Allah a'buri meke dogolik ninane isinem, it aperek Allah ebe inilu meke halok, inasuk holhik, nen, it aperek inebe Allah a'buri meke 'buk, ninat halok he, inasuk holhidek here'isigik, hagakharek o. Itithogon hagakhunem nit nen he, “Allah ebeat meke Agoreke it iti inakla werek, nen it aperek iti mokat nukhetdinanherek meke inakla werek,” iluk ekagat hutdisogorek iti o.