2 Korintus 10:6 - ALLAH ANE WENW KET MEKE WAROGO WOKNINAKHIKHE WENE

⁶ Nit nen, hit Allah ane 'bogokhogon hologo motok hagakhe lagap halok he, karelogo 'binageikhe dogolik it aperek at ane inasuk holu'buk meke ukum inoba 'buogoluk welago.

2 Korintus 10:6 ပူးပေါင်းရင်းမြစ်များ

Roma 2:23

“Wene Allah nen ninasuk wakhikhe wene at Musa nen yoknisasikhe wene etnogo an nilu o,” iluk ekhe dogoligat wene iti here'isalok weak hagakhunem, it aperek nen Allah etaga ekhe dogolik abok weak iliogei iti hit nen Allah etaga weagatdekhe lagap yoma re!

1 Korintus 4:21

Meke re, an hit hinoba tugi wolok wisu hak, witluk, nane obatnerogon yokhisa isusak warlok a? At he, nane erogat hinebe nakmurogo yokhisa isusak warlok a. Hit nen ki hak warlok apegep.

2 Korintus 13:10

Iti nenat, nebe walegat dogolik wene yi holal waganogo 'bekhe lagei. Nebe yabokane wagei halok he, ninom dogolik, nane puk weak wenakhisaunogo iluk, holal itithogon waganogo 'bekhe lagei iti o. Ninoe Etagapogot nen obatne woknikhikhemo iteerek welagei iti, hit hinebe weagathinabuogoluk 'buk. Hinetaiken horlethinabuogoluk iteerek welagei o.

2 Korintus 13:2

An alep niki ageikhe wagagisik oba nen yabokane wagagi iti baga, it akhuni hit meke aperek alebat weak hagakhukha meke inom, nen it aperek o etoma meke inebe tha'bokhogonat inom, inasuk wakhigi meke yogotak an nebe walegat dogolik inakla eberogo yogeisageinat o. An yabokane witluk nen, it iti thebelogo 'bisasigin dek. Ukum inoba 'bisigin o.

2 Korintus 2:9

An nen, “Hit itithogon hagatno,” iluk, yakulhisasigi etnogo, nane hologo hagariogei a? Dek a, iluk hinobabut paligiluk wene iti holal waganogo hinoba la'i agei iti o.

2 Korintus 7:15

At nen hit hinebe akmu welaga mekeat he, ebe hinoba wagama, hinayuk ageik, hinoageleke dik-dik igik, hagakhe dogoligat at ebe waganhesip, at nen yokhisugunem, ane hologo hagakhep meke iti, hinoba ebethinakhe dogolik, hit tha'bokhogonat hinebe motok akmuthinabiogo o.

1 Timotius 1:20

It weak itithogon hagakharek iti, inebe aperek he, Himeneus Aleksander ipisak nen Allah abok weak palhe lagoukhama, yabokane inobabut hebelatluk weak hagakhidek thogotduagaluk inebe Iblis wogokhima werek iti o.

3 Yohanes 1:10

Itithogon hagariogo iti, ageikhe, ekalat nit ninabok weak iliogo. Itithogon ekhe dogolik, akla nen he, “An hagakhe lagei iti, herlekha'bugat. Nakla nen erlok dek. Yabokane ageikhe inomat hagasiginat o,” iluk apekhe dogolik, it Allah a'buri aperek wagunem, at ekaerek nen woginakhidek dogolik, it aperek nen woginabuogoluk hagakhunem wenageisalok, inebe Allah a'buri natogokharekma nen mukhogo ula'isekheregat iti nen, an nebe witluk nen, at hagariogo meke iti hutduagaluk ekarli wasigin o.