2 Korintus 10:4 - ALLAH ANE WENW KET MEKE WAROGO WOKNINAKHIKHE WENE

⁴ Nit wim yakhe lago iti ebe, akhuni inasikhe inarege baga yakhe lago 'buk. Allah obatneak welagarek meke etnogo asikhe arege baga, wim ilugunmo o obatnerogon halek meke iti, erlok misalusak iti baga yakhe lago.

2 Korintus 10:4 ပူးပေါင်းရင်းမြစ်များ

La'isasikhe 7:22

Kogotdisikhemo, it akhuni o Mesir meke yi wene ti wene inilu welagoukha meke iti, at nen motogat yakulhikhe. Yakulhikhesik, at nen ane baga hano anek igik, iki baga yi meke ti meke hanoat hagakhik, hagakhe dogolik, ebe kogat ageikhe.

Roma 13:12

O hibako welagosik yi, horok yaat o wi asigin. Akhuni o mummo dogolik hagakharek meke iti here'isauwok. Sikhe thege waganharethek hebelogo welageikharek hak, nit o lia meke waganiluk ninobabut hebelogo dogouok.

Roma 6:13

Hiniki hinisok hinebe baga welagarek meke aperek inom tha'bokhogonat, weak meke asikhe arege negen atluk nen, weak hagakhe dogoagaluk, at wogokhe dogogup. Hinebe warek hakene werekma Allah nen hiniluguthinakhemo hiniluk dogolik hagasusak mothogonat, hinebe a'birat Allah wogotni o. Hiniki hinisok hinebe baga welagarek meke inom aperek tha'bokhogonat nen, at asikhe arege negen atluk nen, mothogon hagakhe dogoagaluk Allah wogotni o.

1 Korintus 2:5

Itithogon yokhisasigi iti, hit hinetaiken akhuni inakla kagalek meke iti inoba hakotdiluk welageidek mekeat he, Allah obatne werek iluk, hinetaiken at oba hakotdubageik iluk yokhisasigi iti o.

1 Korintus 9:7

Ap tentara inougi koktek nen inagarumi wim yabuogoluk inayoko 'bisinem, it inekaerek nen iniki oko heago yakharek nogo a? Dek o. Nen, it aperek nen anggur ai ya'iluk nen, eken ikhunem aperek inekaerek nekarek dek nogo a? E a, at he, it aperek inako domba doalegat herogo dogolik irlak apusu aperek inekaerek nekarek dek nogo a? Nekaregat o.

2 Korintus 10:8

Ninoe Etagapogot nen he, an nen weagathinabuagaluk iteerek 'banhemo 'buk. Hinetaiken horlethinabuagaluk, iteerek 'banhemo welagei iti hasik kogat hogorakhekhe lagei halok he, nekarli asigin dek o.

2 Korintus 13:10

Iti nenat, nebe walegat dogolik wene yi holal waganogo 'bekhe lagei. Nebe yabokane wagei halok he, ninom dogolik, nane puk weak wenakhisaunogo iluk, holal itithogon waganogo 'bekhe lagei iti o. Ninoe Etagapogot nen obatne woknikhikhemo iteerek welagei iti, hit hinebe weagathinabuogoluk 'buk. Hinetaiken horlethinabuogoluk iteerek welagei o.

2 Korintus 3:5

Nit ninekaerek ninobatne baga yi meke ti meke hagasusak erlok, iluk, ninakla apekhe lago dek o. At Allah nenat ninobatnetninakhikhemo hagasusak erlogat welago.

2 Korintus 4:7

Nit wene yigithogon yogeisilik nukhunem, akhuni inileken nisekhe dogolik, inakla nen, “It inobatne dek. At Allah obatne werek higi,” iluk ekagat hutdekhe dogoagaluk, isoak agat meke hagarogo henakharek hak, hano meke iti nit erlok dek meke ninakla 'binanhemo werek o.

2 Korintus 6:7

Itithogon dogolik, Allah obatne baga ebe wene yogeisilik nekhe lago. Itithogon yogeisilik nekhe dogolik, akhuni nen he, “Sikhe thege niniki ebelak-ebelak hago welago,” iluk egarek hak, nit Allah akla warlok meke hagakhe lago iti, niniki ebelak-ebelak hago welago.

1 Tesalonika 5:8

Meke re, nit o lia baga welagorek meke yi, ninobabut hebelogo dogosak. Ninobabut hebelogo dogolik akhuni aperek nen inasunogo iluk thin inobakha baga ikharek hak, ninetaiken Allah oba hakokthek dogolik, akhuni inebe ninakmurogon welagorek iti mekeat ikhigik, inukuloakma inasunogo iluk inukulasu a'bet meke dakulharek hak, Allah nen tilogo hanotninabigin iluk, ninakla hano welago iti mekeat dakuligik, hagakhe dogouok o.

1 Timotius 1:18

Timotius na'but o. An wene yi hasuk warogo yokhisik. It aperek nen wene alebat hat hekaerek hasik ekhe dogolik, “At itithogon hagakhe dogogin,” iluk isukha hak, hano wene yi hasik, wim inobatnerogon yakharek hak, hobatnerogon yogeisekhe dogono o.

2 Timotius 2:3

Ap ekeraguntek meke inougi inane hologo wim yakhe dogolik, yi aik ti aik hilik-hilik yakharek hak, hat nen Yesus Kristus ane hologo, yi aik ti aik hekhe dogolik, hobakhanini hapugutdiluk hagakhe dogono.

Ibrani 11:30

It akhuni Israel meke inetaiken Allah oba itithogon hakotdiluk dogolik, o Yeriko ukul iniki 6 hari oba nen walinethekhe lagoukhasik, iniki ageikhe nen walinethasinem, leget 'bakleget halek meke misak dapuk isikhe.