2 Korintus 10:1 - ALLAH ANE WENW KET MEKE WAROGO WOKNINAKHIKHE WENE

^1-2 An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Korintus 10:1 ပူးပေါင်းရင်းမြစ်များ

Matius 11:29

An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Matius 21:5

“Akhuni o Sion meke yogeisekhe dogolik, Hinoe Etagapogot hinoba wiriogo o. Obabut enago dogolik, wam keledai apot oba yasukhogo dogolik wageik, wam keledai eak meke apot oba yasukhogo dogolik wageik, wiriogo, iluk yogeisan o,” iluk isikhe iti tak-tagat hagatlasuagaluk, at Yesus nen itithogon la'isasikhe iti.

La'isasikhe 8:32

Ayoko 'bisikhemo, oba hureklasi dageisikhesik ileken 'bikhasikhe hak, ap etnogo holal men iluk waganekma etaga thalhunem hasikhe, “At he, domba wasuogoluk wolok lageikharek iti hak, wolok lageikha o. Wolok lalok, domba eak isi paluogoluk hagakhunem, ane degat huk welagarek iti hak, at iti ane ageikhe igidek ape dopolek huk aga.

Roma 10:20

Nen, yabokane Allah nen, wene ageikhe men isikhe, “Akhuni an nebe heraknabiogei dek meke nen, heraknakha o. Nen, akhuni an noba nitema waganhidek meke nen, nebe neoagaluk nekaerek nen inelokhoma winam agei o,” iluk isikhemo, Yesaya nen ayuk motok degat yogeisasikhe.

Roma 12:1

Nagarlak lak nerugi. At Allah ninebe akmu iluk wene ageikhe hinakla kagalik. Allah ako warekhe lagoukha hak, hinebe hiniluk mekeat, at ekaerek hasik 'bisalok, at akla hanorogo wogokhe dogono o. At apma dogolik, at hasik hagasusak meke itithogonat hagakhe dogono o.

Roma 15:15

Itithogon mekeat he, at Allah obabut hano nen an nayoko 'bisikhe iti nen,, wene ageikhe iti thuesika yi baga nayuk dekhogon ebethisigi iti.

1 Korintus 2:3

Nakla itithogon apasigisik nen ebekhe dogolik, an nekaerek nebe erlok degatma nayuk nen noageleke dik-digat hinoba wagagisik welagagi apigi.

1 Korintus 4:10

Nit Kristus hasik ninebe kepu werek korlek, hit anek he, Kristus hinom hunik dogolik hinakla kagalek welagap higi. Nit erlok dek werek korlek, hit anek he, hinobatne werek welagap higi. Nit inakla erlok degetdinanhe korlek, hit anek, hogothinabiogei higi.

1 Korintus 4:21

Meke re, an hit hinoba tugi wolok wisu hak, witluk, nane obatnerogon yokhisa isusak warlok a? At he, nane erogat hinebe nakmurogo yokhisa isusak warlok a. Hit nen ki hak warlok apegep.

2 Korintus 10:7

An nen wene thelekma meke igin yi hutdini o. At ageikhe akla nen, “An nebe Kristus meke welagei,” iluk hutdekhe halok he, ekaerek nen obabut palekhe dogolik, “An nebe Kristus meke hakene, it Paulus lak itihogonat,” iluk hutduak o.

2 Korintus 11:21

Nit meneke, itithogon hagasusak, ninobabut ninayuk nen huk agagu iluk usak, nekarli kogat hausak nogo a? Dek o. It akhuni kepu meke nen egarek hak ageikhe yokhisak. At ageikhe ekarli dek hogorakhekhe halok he, an meneke, nekarli dek hogorakhausagat o.

2 Korintus 11:30

Meke re, hogorakhausak halok he, an nebe erlok dek iluk hogorakhausak o.

2 Korintus 12:5

Ap iti hasik anek hogorakhe dogolik, an nekaerek hasik hogorakhigidek meke re, nebe erlok dek iti hasik anek hogorakhageinat o.

2 Korintus 3:12

Yabokane itithogonat hano asigin iluk, ninakla arleken akhekhe dogolik, wene etnogo ninayuk motok degat yogeisekhe lago o.

2 Korintus 5:20

Nit he, Kristus nen at, ninayoko 'biluk la'inani ageikhemo wagagusik nen, Allah nen wene yokhisau hak, hinasuk wakhe lago iti o. Itithogon wakhe dogolik, “At Allah nen yabokane hinapuke dapukhogon 'binagouak nen he, at hinom dapulini o,” iluk Kristus etaga palogo ninane erogat yokhisekhe lago.

2 Korintus 6:1

At Allah nen, men isikhemo holal waganogo 'bisukhama werek, “An nen he, hit hinane nasuk holusak apigi bagaat holhi o. Hinebe tilhinabusak tak-tak obaat yomakhisa agei o,” iluk isikhe iti, Allah nen ninane asuk holusak he, o yogotak yaat o. Nen, ninebe tilninabusak he, o yogotak yaat o, iluk hinakla ebetni o. Halok he, nit Allah ninom at hasik hagakhe dogolik, at obabut hano nen akmuthinakhikhemo, at ebe waganhigip etnogo, we yugunat alomakhup o, iluk hinasuk wakhe lago iti o.

2 Korintus 7:4

An nakla nen, hit hano hagasugun, iluk netaiken hapukhogonat dogolik hogothinakho motok welagarek o. Itithogon dogolik, it akhuni aperek nen weagatninabuogoluk yi aik ti aik hagatninakhe korlegat an nakla motok hano ageik, kogat nakla arleken akhigik, hagakhe lagei o.

Galatia 4:13

Ebekeram an noba u waganhigi iti nen hano wene yakulhisasigi etnogo hiniluat o.

Galatia 5:2

An Paulus nekaerek nen wene eberogonat yokhisak. Hit hinekaerek nen hinoado aperlagap it aperek nen palhinabuagaluk inayoko 'bekhe lagap halok he, at Kristus nen hanothinabigin dek o. Alomarogoat hagatlakhagun iti.

Efesus 3:1

Iti nen, an Paulus hit akhuni itikmanke meke Kristus Yesus nen tilhinabuagaluk, at hasik niki herle warogo 'banhama welagei o.

Efesus 4:1

An ninoe Etagapogot hasik niki herle warogo 'banhama dogolik, hit wene ageikhe hinasuk wasik. Nagarlak lak nerugi. Hit hinobabut he, at Allah nen hinayoko 'bisikhe tak-tagat hagakhe dogono o.

Filipi 4:5

Ninoe Etagapogot etnogo ibat wisigin iti, akhuni tha'bokhogonat nen hit hutdinagouagaluk, hinobabut yamukhogon hagakhe dogono.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

2 Tesalonika 3:17

An nen wene tha'bokhogonat holal waganhe dogolik, “At Paulus nen waganhemo higi,” iluk ekagat hutduagaluk, wene ilugun oba arat heagei wathinakhe dogolik nen, nekaerek niki nenat holal waganherek etnogo hak, yogotak yi heagei wathinakhe dogolik holal waganhi meke niki ekagat iti o.

Filemon 1:19

An Paulus itithogon nomat noba welagei, iluk tha'bokhogonat iti oko paligin meke nekaerek niki nen holal waganhi iti o. An nen, hat hano wene yakulhikhigimo hekaerek hebe hasik hano meke ite agatik welagan iti, nomat hoba 'bigima palegeke hoba werek iluk yokhisusak mekeat he, an itithogon usak dek. Hekaerek hiluat o.

Filemon 1:9

an Paulus yogotak nebe arat yaman agarik werekma Kristus Yesus hasik niki herle warogo 'banhama welagei. Itithogon dogolik, hat nakmurogo welagarek iti nen, nane erogat hoba ageikhe kino yokhisik o.

1 Petrus 2:11

Nagarlak lak nerugi. Hinebe nakmu lak e. Hit hinebe ap huso akhuni inaila la'inagoumo lalok, etoma dogolik, yi meke ti meke hinakla nen kagalogo dageitluk, hinetaiken nen nukunem warlok apegethep meke iti re, thili meke nen inakharek iti hak hinebe weagathinabigiluk, hinakla nen kagalogo dagei agarek meke iti here'isekhe dogobageik iluk yokhisekhe lagei iti o.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.