2 Korintus 1:7 - ALLAH ANE WENW KET MEKE WAROGO WOKNINAKHIKHE WENE

⁷ Yi aik ti aik ninom tak-tagat hogorek iti hak, ninakla hano asuagaluk Allah nen ninom tak-tagat ninetaiken thebeligin o, iluk nilu iti nen, hit hano asugun, iluk ninetaiken sikiphogon welago.

2 Korintus 1:7 ပူးပေါင်းရင်းမြစ်များ

Matius 23:30

Nit ninebe yi it ninopa lak alebageik welagoukha eta ninom dogoloma, nit ninom nen it ap Allah ane yogeisekhe lagoukha meke iti inatlo dek o, iluk

1 Korintus 10:13

Hit weak hagasuagaluk hinakla kagaligiluk wagunem hegethep iti, nit akhuni tha'bokhogonat ninakla kagaligiluk wagunem obabut hogorek hagat, hekhe lagap o. Mekeat he, Allah nen abok yoknisasikhe tak-tagat hagakherethekma, weak hagasuagaluk hinakla kagaligiluk wagunem, hit nen hinetaiken thebelusak erlok dek meke, Allah nen here'inagagidek hakhisik dogogin o. Hinakla itithogon kagalhe korlek, hinetaiken thebelogo hinobatne asubageik nen iluk, Allah nen wene, “Holak yike lani o,” iluk u hak mothogon yakulhisagein werek o.

2 Korintus 12:20

An yabokane hinoba wisigin iti witluk nen, an nen, “It inobabut hano werekma ligin,” iluk apekhe lagei hak, dek. Weak werekma 'bithisa ageik, nen, hit nen, “At Paulus obabut hano,” iluk egethep hak, dek. Weak dogolik 'bithisa ageik, hagasunogo iluk, nelabut hiriogo. Hit-hit hinom wene yakhik, ua palhik, hinakla aga dageigik, hinekaerek hasik anek hagakhik, inabok weak thelekma palhik, limago palhik, hinekaerek nen hogorakhigik, yugunat-yaganat hagakhik, hagakhunem an wisusak iti, nayuk.

2 Korintus 7:9

yogotak nakla arleken akhekhe lagei o. Hit hinakla weak aga iti nen nakla arleken akhekhe lagei 'buk. Hit hinakla weak aga iti baga, hit weak hagakhigip meke here'isalok hinobabut hebelagap iti nen, nakla arleken akhigi o. Hit hinakla weak agap iti, at Allah akla warlok apekhe bagaat weak aga. Halok, nit nen nukhetdinagago usak dek o.

2 Timotius 2:12

Nit ninobakhanini hapugutdiluk dogogun halok he, akhuni at apma ukiluk dogogun meke iti, nit ninom nenat hagasik dogogun o. Nit nen he, “Yesus ninoe dek o,” iluk, at ebe motok here'isogo halok, at nen he, “It an nagarumi degat o,” iluk, heredinaniginat o.

2 Timotius 3:11

Akhuni nen yi aik ti aik hagatnakhunem, noba aik weak hegerek etnogo hiluat o. Akhuni o Antiokia nen, Ikonium nen, Listra nen, weagatnakho korlegat werekma, ninoe Etagapogot nen iki ageikhe thogotdanhidek tilnakhe lageikhe iti o.

Yakobus 1:12

Hit aperek yi akin ti akin hinoba aga korlek, hinobakhanini hapugutdiluk dogogun halok, hinakla arleken akhekhe dogono o. Itithogon hinobakhanini hapugutdiluk dogogun halok, Allah nen he, “An nebe hinakmu meke hiniluk motok dogogun meke wokhisagein o,” iluk, abok yoknisasikhe etnogo hit hinobabut palogo nenat wokhisagein o.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.