2 Korintus 1:3 - ALLAH ANE WENW KET MEKE WAROGO WOKNINAKHIKHE WENE

³ Ninoe Etagapogot Yesus Kristus opase Allah iti hogorakhe dogouok o. At ninopase Allah obabut hanoma, a'buri yi meke ti meke hasik inakla weak werekma akmurinabiluk inetaiken thebelinakherek.

2 Korintus 1:3 ပူးပေါင်းရင်းမြစ်များ

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 20:17

Itithogon heagei wakhikhemo, at Yesus nen, men yogokhikhe, “An nebe nopase oba aban dageigidek welagei iti re, hiki abiak haknarik dogogun o. An men, hit men, ninopase Allah oba hakotdiluk welagorek meke etnogo oba dageigiluk hagakhe lagei, ekhe iluk nagarumi yogeisa lan o,” iluk yogokhikhemo,

2 Korintus 11:31

An wene igi iti, nekalat igi dek o. At ninoe Etagapogot Yesus opase Allah etaga waganogo hogorakho motok motok dogogun meke etnogo ilu.

2 Korintus 7:6

Werekma, at Allah obabut he, akhuni nen, “Nikithogon hagasugun,” iluk inakla weak atlukmo inakla hanorinakherek etnogo nen, at Titus la'i agama wagasik nen nakla hanotninabi aga.

Efesus 1:17

Hit hinobasik he, ninoe Etagapogot Yesus Kristus opase Allah hogorakho motok welageikharek meke etnogo nen, hinakla motok kagalek meke wokhisigik, at ebe hutukhogon hutdubageik nen yakulhisigik, hagakhe dogoak nen iluk, Agoreke wokhisoagaluk ayoko 'bekhe lagei.

Efesus 1:3

Ninoe Etagapogot Yesus Kristus opase Allah itiat hogorakhe dogouok o. Nit Kristus ninom hunik werekma, at Allah nenat hano meke tha'bokhogonat ninetaiken hasik pogot oba nen woknisasikhemo welago.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

Kolose 1:3

It aperek nen hit yogeisekhe dogolik, “Hit meke hano meke Allah nen wokhisagein meke pogot oba 'binageikhemo werek o,” iluk yokhisasukhama, hinetaiken Kristus Yesus oba hakotdiluk, hagakhunem, it aperek nen, “It inetaiken Kristus oba hakotdiluk Allah a'buri aperek tha'bokhogonat inakmurogon hagariogei,” iluk, hinabok isinem ninasuk holhosik nen, hibiku-yogokuat sembayan hit hinobasik ekhe dogolik, ninoe Etagapogot Yesus Kristus opase Allah itiat heagei wakhe lago o. Hit wene hano wene, Allah obabut hano nen hagarinakherek wene etnogo ebekeram yokhisa agoukhama, hinasuk holhigisip nen, eberogonat iluk hutdisigip iti hurli, Allah nen hanothinabiogo hak, hano wene iti o yi ai ti ai wialarik laga dogolik, Allah nen akhuni itithogonat hano hagarinabiogoat.

1 Petrus 1:3

Ninoe Etagapogot Yesus Kristus opase Allah etnogoat hogorakhe dogouok. At Allah ninebe akmu motok nen, Yesus Kristus watlageikhesikmo nen ilugutdisikhe iti baga nit ninilugutninakhikhe iti. Ninilugutninakhikhemo dogolik, ninakla nen he, “At nen, yabokane hanothinabigin, isikhe iti tagan-hagan asigin dek,” iluk ninakla arleken akhekhe lago.

2 Yohanes 1:4

Hit hinebe re, he opakiat meke eagei hakene dogolik, hinebe aperek ninopase Allah nen ebeat wene ninasuk wakhikhe etnogo mothogon hagakhe lagap meke hinobabut palhirik, nakla arleken motok akhekhe lagei o.

2 Yohanes 1:9

Tha nen wene Kristus nen yakulnisasikhe wene iti baga dukhogon hagakho welageidek, ninat meke hagakherek halok he, Allah ebe iteerek ageidek werek o. Itithogon mekeat he, tha nen wene Kristus nen yakulnisasikhe wene iti baga dukhogon hagakho dogogin halok he, ninopase Allah inom, a'but Yesus inom, ipisak iteerek agasik werek o.