1 Yohanes 5:7 - ALLAH ANE WENW KET MEKE WAROGO WOKNINAKHIKHE WENE

^7-8 Yesus iti Kristus at o, iluk, akhuni inebe 3 nen inane opakiat meke pakhogon u hakene, Allah Agoreke nen igik, Yesus ebe ima usakhukha iti baga igi, amep ulabogo wakhukha iti baga igik, thelekma ageikhe iti o.

1 Yohanes 5:7 ပူးပေါင်းရင်းမြစ်များ

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 18:16

Mekeat, asuk holhidek halok he, men hagasusak. Allah ane baga holal waganogo 'bekhe dogolik, Akhuni nen it aperek wene inoba 'buogoluk halok, akhuni aperek inebe pere a? Henagan a, weak hagakhunem ineleken hega meke nen, Eberogonat ninileken hogo, iluk isi halok eberogonat apausak, iluk isikhemo holal waganogo 'bisukha iti nen, akhuni inebe pere a? Henagan a, inayoko 'biluk hinom oba lano.

Matius 28:19

Halok he, yi akhuni ti akhuni inukuloak etaga dopok tha'bokhogonat an nagarumi hagatlasuagaluk, nopase Allah etaga baga, an a'but netaga baga, Agoreke etaga baga, ninetaga palogo ima usa'isigik, an nen wene hinasuk wakhi meke iti tha'bokhogonat it akhuni nen mothogon hagakhe dogoagaluk yakulisigik, hagarik laga dogono. Lakhani! Hit itithogon hagarinabik lagunem, an nebe ninom motok-motogat werekma, hurli o ilugun hurli baga hagatlasigin o,” iluk yogeisasikhe.

Yohanes 1:1

Ebekeram erlo baga nen, wene Ebe Wene welageikhe. Ebe Wene iti, Allah ipisagat dogolik, ebe Allah at.

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 12:28

Halok he, nopase, hat hetaga hekaerek nen kogotdakhan o,” iluk isinem pogot oba nen ane ekhe dogolik, men isikhe, “Arat kogotdakhigirik, yabokane kogotdakhageinat o,” iluk ane isinem,

Yohanes 15:26

Hit yomakhisekhe dogoagaluk Allah Agoreke ebe wene yogeisoagaluk wagarek meke iti, an nen nopase werekma nen hit hinoba la'i agunem, at nen an nabok pakhogon yokhisekhe dogogin o.

Yohanes 5:26

Iniluk motok welageihkarek meke erlo an nopase ekaerek ite welagarek iti hak, a'but an niki baga 'banhikhemo iteerek welagei o.

Yohanes 8:18

Iti hakene, an nabok, nekaerek nen igik, nopase la'ani ageikhe meke nen igik, yokhisekhe lago iti,” iluk ekhe lageikhemo,

Yohanes 8:54

at Yesus nen, men yogeisasikhe, “An nekaerek nen hogorakeke dogolema, we yugunat hogorakeke dogole. At he, an nopase ebe nilu meke it, at ebe hit nen hutdigidek dogolik, Nit ninopase Allah, iluk egethep etnogo, at ebe nenat, hogotnabiogo. An nen, At ebe nokodek, iluk ilema, hit hinekalat egethep hagat, nekalat ile o. Meke re, at ebe nilu nogo nen, at ane hologo hagakhe lagei o.

La'isasikhe 2:33

At ebe Allah nen ilugutdekhesik, alilu kok dogoagaluk meldekhemo werek o. Dogolik, Allah nen, Nagoreke wokhisagein, iluk abok yoknisasikhe hagat Yesus wogokhemo, at nen kokhogonat nit ninoba usa'i agama nen, nti hagakhunem hinileken nisigik, hinasuk holhik, hagakhe lagap iti.

La'isasikhe 5:32

Itithogon hagakhe iluk nit ninileken hutukhogon hogosik nen, Eberogonat, iluk pakhogon yokhisekhe lago. Akhuni Allah ane hologo hagakhorek meke, at Agoreke woknisekherek iti ninom nenat wene iti yokhisekhe lago,” iluk yogeisasikhe.

1 Yohanes 1:1

Wene holal waganogo hinoba la'i ago iti ebe re, ebe wene ninilugutninakherek meke ebekeram erloma nen welagarek etnogo meke. Wene iti, nit arat ninasuk holhik, ninileken tomok higik, 'birogo welageik, niniki hakhigik, hagakhugu meke etnogoat o.

1 Yohanes 5:6

At Yesus Kristus agat oba usa'ageikhesik werekma ima anek usakhukha 'buk. Ima usa'igik, amep ulabogo wakhik, hagakhukha. Itithogon hagakhukha iluk, at Allah Agoreke wene eberogonat anek yoknisekherek meke etnogo nen pakhogon yoknisekho welagarek o.

A'bikaka 19:13

Nen, at iti asu uanat mep dabulik meke ugu, nen, etaga inilumo ekhe lageikha, “Allah Ane”.