1 Yohanes 5:20 - ALLAH ANE WENW KET MEKE WAROGO WOKNINAKHIKHE WENE

²⁰ At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

1 Yohanes 5:20 ပူးပေါင်းရင်းမြစ်များ

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Lukas 24:45

Allah ane holal waganek hutduagaluk, it emenogo wene inetaiken kagalogo yogeisasikhemo hutdisukha.

Yohanes 14:9

at Yesus nen, men yogokhikhe, “Filipus nagot o. An o haganeat eloma nenat ninom welago mekeat he, hat nen an nebe hutdanhidek welaganma higi, e a? At tha nen an ileken neekhe iti, an nopaseat ileken hekhe o. Itithogon mekeat he, hat nen, Hopase iti yakulnisan o, iluk egen iti nikithogon nen egen.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

A'bikaka 3:7

Itithogon yoknekhesik ne, yabokane ageikhe yoknekhe dogolik, “An weak hagakhidek nobabut karelogo dogolik, nane eberogonat anek egerek meke nen thu kunci Daud meke wolok thu hualhi halok, akhuni aperek nen lasusak erlok dek o. Nen, thu ladigi halok, akhuni aperek nen hualusak erlok degat meke etnogo nen wene yi yokhesik, At malaikat Allah a'buri o Filadelfia natogokharek meke therisik welagarek meke etnogo wene an nen yogosigin meke yi, hat holal waganogo oba la'in o,

1 Yohanes 4:16

Nit nen, “Allah nen akmutninakherek iti hutdogosik eberogonat,” iluk apekhe lago. At obabut akmutninakho motok welagarek iti nen, tha nen obabut akhuni akmurinakho motogat welagarek halok he, Allah nen at ipisak hunik motok, nen, at nen Allah ipisak hunik motok, welageikharek.

Roma 9:5

Nit ninopa lak nen, it nen itago meke. At Kristus ebe nit akhuni itaklagorek hak itaklageikhe iti, it meke nen itakhukha meke re, ebe Allah mekeat o. Yi meke ti meke tha'bokhogonat nen, wema baga negen mekeat he, at anek, upu baga siakhogon welagarek iti nen, at anek hogorakhe dogogun iti, ebeat asuak, iluk u hak, “Amin,” ekhe dogouok.

Yohanes 10:30

Nopase nipisak ninebe opakiat o,” iluk yogeisekhe lageikhemo,

1 Yohanes 4:2

Hit nen he, “At iti Allah Agoreke meke akla werek a? Ninat meke a,” iluk inobabut tak palhe dogosak iti yigithogon. It aperek witluk nen, “At Yesus Kristus iti, Allah nen la'i ageikhemo eberogonat abat itaklasi ageikhe,” iluk pakhogon egarek meke nen isi halok he, hit nen he, “It iti Allah Agoreke inakla dogolik iliogei,” iluk hutdisekhe dogosak o.

1 Yohanes 2:6

Nen tha nen, “An Allah nipisak hunik welagei,” iluk ekherek halok he, obabut at Kristus hagakhe lageikhe iti hagat, hagakhe dogosak o.

Ibrani 1:8

Meke re, a'but yogokhe dogolik, “Hat hebe Allah at dogolik, yi akhuni ti akhuni hagasik motok dogogin o. Hat kok itithogonat dogolik, wene mothogon anek moretdisekhe dogogin o.

Titus 2:13

Nit yogotak he, Yesus Kristus ebe Allah Etagapogot mekeat, tilninakhikhe meke etnogo akhuni nen hogorakhe korlek, thelekma hanotninabi isigin iti hasik, ninakla arleken akhekhe dogolik ebe therogo welago.

La'isasikhe 20:28

Domba therisik welageikharek iti hak, hit nen Allah a'buri therisik dogoagaluk, at Agoreke nen hinayoko 'bisikhemo, therisik dogolik, hinekaerek hinobabut hebelogo dogono o. Itithogon hinobabut hebelogo dogolik nen, Allah a'buri yoma, at ekaerek a'but amep oba woginakhikhemo inebe at ekaerek a'buri werek, iluk hanorogo therisik dogono o.

Yohanes 17:14

Hat hane etnogo it arat yogeisigi o. Nen, an nebe akhuni agat oba meke yoma inagot dek iti hak, it itithogonat inebe akhuni agat oba meke inagarumi dek iti nen, it akhuni agat oba meke nen ina'it motok hagarinabiogei o.

A'bikaka 19:11

Wene itithogon yoknekhesik oba nen yabokane, pogot kagoukhogon hagatlagunem kuda isi kut meke ap ageikhe etaga, “Hupukhogon Hagakherek,” igik, “Eberogonat Ekherek,” igik, egarek meke, kuda iti apot oba yasukhogon dogolik, wim mothogon anek yakhik, ukum mothogon inoba 'bigik, kokhik, hagarik lagunem lakhigi o.

A'bikaka 15:3

Itithogon dogolik, etai at Musa Allah atuaneke etnogo inom, Domba Eak etnogo inom, ipisak inaetai wakhe dogolik men ekhe lageikha, “Allah ninopase, u a e, Hat hobatne horleakma re, u a e, Yi meke ti meke hagasusak anekma, u a e, Elalin kokhogon inayuk meke anek hagakhetek o, u a e, Hat yi akhuni ti akhuni inopase Hetagapogot dogolik, u a e, Mothogon anek hagarinakhetek, u a e, Hano anek hagarinakhetek, u a e, Ninopase, u a e. Ninopase Hetagapogot hat harligat karelogo dogolik, u a e, Akhuni ukum inoba 'bigik, kokhik, hagakhe dogolik, u a e, Akhuni tha'bokhogonat inil oba, u a e, Eberogonat motok hagakhen o, u a e, Akhuni inukuloak etaga tomok tha'bokhogonat, u a e, Hapma ukitluk, u a e, Initibagal yukukhogon, u a e, Hogothakhik, heagei wathakhik, hagakhunem, u a e, It akhuni thani hak nen hat inayuk dek dogolik, u a e, Hogothakhidek huk asusak, u a e, Dek, u a e,” iluk etai wakhe lageikha nasuk holhi.

A'bikaka 6:10

It itithogon dogolik, inane kokhogon men isinem holhi, “Ninopase Allah hobatneak karelek motok dogolik, mothogon anek hagatkhetek meke ninopase. Hiki meren dogoluk nen akhuni agat oba meke nen nit ninakhukha etnogo ninokoma inoba 'biluk inasigin nogo?” iluk yogokhe lageikhama,

A'bikaka 3:14

Itithogon yoknekhesik nen, yabokane ageikhe yoknekhe dogolik, “Erloma yi meke ti meke erlo anat werekma, Allah nen walhasikhe meke iti, at abok nobabut hupukhogon eberogonat anek pakhogon egerek meke, netaga ebeat asuak u hak, Amin etnogo nen wene yi yokhesik, At malaikat Allah a'buri o Laodikia natogokharek meke therisik welagarek meke etnogo wene an nen yogosigin meke yi, hat holal waganogo oba la'in o.

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.

2 Korintus 4:6

At Allah nen ekhe dogolik, “O mum iti akla nen lia atnek,” iluk isikhe iti hak, at nenat nit ninakla mum meke iti liatninakhikhemo welago. Itithogon dogolik, at Kristus elokhoken a'bi'bal yakhunem ninileken lakhalok nen, at Allah hogorakharek meke etnogo ebe itigirlik iluk hutdekhe dogoagaluk itithogon liatninakhikhe.

Yohanes 15:4

Itithogon hinoboseka hakene palek welagap iti, hit an ninom hunik, nen, an hit ninom hunik, dogouok o. O ikilo'bak iti, o erlo baga hunik dek halok, eken isusak motok erlok dek o. O ebe baga hunik halok, eken ikherek iti hak, hit an ninom hunik dogogun dek halok he, hano meke hagasusak erlok dek o. An nebe baga hunik halogat, hano hagasusak o.

Yohanes 14:23

at Yesus nen, men yogeisasikhe, “At tha nen, an nebe etaiken hunik halok he, nane hologo hagakhe dogogin o. Nane hologo hagakhe dogoumo, nopase nen at iti etaiken hunik dogogin o. Itithogon dogolik, an nopase nipisak ap iti oba witluk, at ninom motok dogogun o.

Yohanes 14:20

Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 1:18

Akhuni nen Allah ebe inileken motok higidek meke re, at a'but irlagapi itago opase alilu ipisak welageikharek meke iti nenat Allah ebe hutukhogo yakulnisa ageikhe iti.

Matius 13:11

at Yesus nen, “Nopase pogot oba apma 'bisekherek wene iti, at akla limago welageikhe meke, hit anek hinilu asubageik nen iluk, akla pakhogon yokhisausak apasikhe mekeat he, it akhuni aperek iti anek pakhogon yogeisausak dek akla nen apasikhe.

1 Yohanes 2:24

Nen, hit he, wene alebat hinasuk holhigip meke iti, hinakla waganiluk nen, eberek motogat dogono. Itithogon eberek dogogun halok he, hinebe ninopase Allah a'but Yesus ipisak hinom hunik dogogun o.

Efesus 3:18

Akhuni nen o haluogoluk, hurli uanat meke iti baga, 'beroat meke iti baga, uroak liabugun iti baga, herlaga 'bugun iti baga, iluk walhegarek mekeat he, ninebe Kristus nen akmurogon welagarek iti meke, “Hurli iti baga,” iluk walhausak erlok dek. Kogat o. Walhausak erlok dek mekeat he, Allah a'buri tha'bokhogonat hinom mothogon hutdubageik nen, Allah nen hinetaiken horletdisinem, at ebe abit motok 'bogokhogon hinakla kerlekhogon dogoagaluk ayoko 'bekhe lageiat o.

2 Korintus 5:17

Akhuni inebe Kristus inom hunik werek halok he, inobabut ket meke hagarinakhemo werek o. Alep meke dek aga. Yabokane ket meke hagatlaga.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

Yohanes 17:25

Allah mothogon anek hagakhetek meke, nopase. It akhuni agat oba meke hat hebe inokodek mekeat, an anek, hat nilu o. Nen, it hat nen woknikhigin meke anek, At nen la'i ageikhe iluk, iniluat o.

Yohanes 8:42

at Yesus nen he, men yogeisasikhe, “Hit hinopase Allah eberogonat dogolepma re, an nebe erlo Allah mekeat wagagisik welagei iti, an hinakmurogon dogolep o. An nabusagat nakla apalok wagagi 'buk. At nenat la'ani ageikhemo wagagi o.

1 Yohanes 2:23

Tha nen, “Allah a'but iti, ebe na'it,” iluk kolelogo la'ekhe halok, opase Allah ebe waganhidegat o. Nen, tha nen, “Allah a'but ebe itiat o,” iluk ane pakhogon ekhe halok, opase allah ebe waganheat o.

1 Yohanes 5:5

Akhuni inobabut inikhogat dogolik weak hagakharek meke obatne degetdisalok inobatne ageikharek iti thani nen nogo? Iti nit nen, “Yesus iti Allah a'but,” iluk ninetaiken at oba hakotdogorek meke anegat o.

1 Yohanes 5:15

Iti nen he, nit nen, “Nena meke Allah kino yogokhunem, at nen ninane asuk holherek iti,” ninilu halok he, “Nit yi meke ti meke kino yogokho etnogo arat woknisekhemo iteerek agosik welago,” iluk ninilu o.

1 Yohanes 5:18

Nit Allah a'buri itakninakhe meke at a'but alebageik itakhikhe meke etnogo nen thetnisik werekma, at obabut weak meke etnogo nen iki haknisagein dek o. Halok he, nit weak hunik motok hagakhe dogosak dek, iluk ninilu o.