1 Yohanes 4:8 - ALLAH ANE WENW KET MEKE WAROGO WOKNINAKHIKHE WENE

⁸ Nen, at Allah obabut he, nit akmutninakho welagarek iti nen, tha nen nakmu-hakmurogon dogogin dek halok, at iti nen Allah ebe okodek werek o.

1 Yohanes 4:8 ပူးပေါင်းရင်းမြစ်များ

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

Efesus 2:4

Itithogon weagatninabigiluk welageikhe mekeat he, yabokane at obabut hano motok nen, kokhogonat akmutninakhikhe.

1 Yohanes 1:5

Allah a'but nen yoknisekhe dogolik, “Allah ebe, lia itiatma, o mum at oba welagarek motok dek o,” iluk yoknisasikhe meke, nit ninasuk arat holhugu meke yokhisekhe lago itiat o.

1 Yohanes 2:4

Meke re, tha nen, “An he, Allah ebe nilu,” iluk ekhe dogoligat he, at nen wene ninasuk wakherek wene iti hologo mothogon hagakhidek halok he, at ekalat ekherek iti. Halok he, ebe wene iti akla motok dek o.

1 Yohanes 2:9

Nen, ap tha nen, “An nebe lia baga welagei,” iluk ekhe dogoligat he, agarlak lak erugi motok a'it halok he, o haganeat nen logat yogotak ya, at ebe mum obaat werek o.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.

1 Yohanes 3:6

Iti nenat, nit at ninom hunik motok welago meke, ninebe tomok weak hagakho motok welagorek dek. Meke re, it akhuni aperek weak anek hagakho motok welageikharek meke inebe tomok, at ebe inileken higidek inokodegat werek o.

1 Yohanes 4:16

Nit nen, “Allah nen akmutninakherek iti hutdogosik eberogonat,” iluk apekhe lago. At obabut akmutninakho motok welagarek iti nen, tha nen obabut akhuni akmurinakho motogat welagarek halok he, Allah nen at ipisak hunik motok, nen, at nen Allah ipisak hunik motok, welageikharek.

1 Yohanes 4:7

Nagarlak lak nerugi. Nakmu lak o. Akhuni aperek inakmurinakharek iti erlo, at Alah at iti nenat, nit-nit nakmu-hakmurogon dogouok o. Akhuni nakmu-hakmurogon dogogun meke, inebe dopok Allah nen itaginakhikhemo, at a'buri dogolik, at ebe iniluat werek o.