1 Yohanes 4:6 - ALLAH ANE WENW KET MEKE WAROGO WOKNINAKHIKHE WENE

⁶ Meke re, nit he, ninebe Allah a'buri meke dogolik ninane isinem, it aperek Allah ebe inilu meke halok, inasuk holhik, nen, it aperek inebe Allah a'buri meke 'buk, ninat halok he, inasuk holhidek here'isigik, hagakharek o. Itithogon hagakhunem nit nen he, “Allah ebeat meke Agoreke it iti inakla werek, nen it aperek iti mokat nukhetdinanherek meke inakla werek,” iluk ekagat hutdisogorek iti o.

1 Yohanes 4:6 ပူးပေါင်းရင်းမြစ်များ

Lukas 10:22

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat an ite dogoagaluk woknikhikhe. Allah a'but iti tha iluk akhuni tha'bokhogonat inokodek mekeat, an nopase arligat anek ilu welagarek. Iti hak, an nopase Allah iti tha, iluk akhuni tha'bokhogonat inokodek mekeat, at a'but an narligat anek nilu welagarek o. Nen, Allah a'but an nenat nakla apalok nen, nopase ebe akhuni aperek inilu asuagaluk nane pakhogon yogeisagein meke itiat inilu ageikharek o,” iluk yogeisasikhe.

Yohanes 10:16

Nen, an nako domba ebe lanma yoma anek werek 'buk. O werlekmake aperek weregat o. Nadomba etoma meke nane inasuk holuagaluk wogosik wisigilugat welagei o. 'Bisasumo, it an nako domba yoko palek opakimoke nekhe dogogun. Itithogon nekhe korlek, an narligat nen therisik dogogin o.

Yohanes 10:27

Hit hinakla itithogon apegethep mekeat he, it aperek an nadomba meke halok, nane inasuk holharethek, it nen an nebe it inilu nogo nen, noporlik wageikharek o.

Yohanes 10:3

At domba iteerek dogolik therogo welagarek meke iti, ebe waga halok, at ageikhe domba aila holagape palekma thuam welagarek meke nen thu hualdisinem, at domba iteerek etnogo nen ane hageisasinem, it domba nen, at ane inasuk holharethekma nogo nen, inetaga dopok waisalok, wogosik itikmanke dukhekherek o.

Yohanes 13:20

“At tha nen, akhuni an nen la'isagein meke woginakhe halok, anat woknabigin o. Nen, at tha nen an woknakhe halok he, at an la'ani ageikhe meke etnogoat waganigin o, iluk eberogonat yokhisigi o,” iluk yogeisasikhe.

Yohanes 15:26

Hit yomakhisekhe dogoagaluk Allah Agoreke ebe wene yogeisoagaluk wagarek meke iti, an nen nopase werekma nen hit hinoba la'i agunem, at nen an nabok pakhogon yokhisekhe dogogin o.

Yohanes 16:13

Itithogon mekeat he, Allah Agoreke, ebe wene ekherek meke iti witluk nen, holak inokodekma inilu meke nen yakulisegarek iti hak, ebe wene tha'bokhogonat hutdubageik nen iluk yakulhisekhe dogogin o. Itithogon yakulhisekhe dogogin iti wene at akla nen kagalogo ekhe dogogin dek o. At he, at asuk holherek meke anek ekhe dogolik, yabokane hagatlasigin meke yokhisekhe dogoginat o.

Yohanes 18:37

at Pilatus nen, “Halok he, hat eberogonat kok hetagapogorat a?” iluk ekhe lageikhemo, at Yesus nen, men yogokhikhe, “An nebe kok netagapogot hat egen itiat o. Iti hasigat an nen ebe wene abok pakhogon yogeisekhe dogeigiluk nebe agat oba yoma itaklasi usa'agagi o. Akhuni wene ebe wene iti werekmake asi lageikha meke inebe dopok an nane inasuk holiogei o,” iluk yogokhe lageikhemo,

Yohanes 20:21

Itithogon inakla arleken akhasukhama, at Yesus nen wene ageikhe inom yabokane men yogeisasikhe, “Nagarumi. Hinagorakma. An nopase nen la'ani ageikhe iti hak, an nen hit itithogonat la'inagagin o,” iluk yogeisasikhe.

Yohanes 8:19

it nen he, “Hat hopase iti koma werek o?” iluk yogokhukhama, at Yesus nen he, “An nebe yi men, nopase men, hinokodegat o. An nebe hinilu dogolepma re, nopase iti hinilu dogolebat o,” iluk yogeisasikhe.

Yohanes 8:23

at Yesus nen men yogeisasikhe, “An nebe re, pogot abel upuke meke wagagisik welagei o. Meke re, hit anek he, abel wemake yoma meke. Hinai erlo agat oba yomaat o. Meke re, an nai erlo agat oba yoma dek o.

Roma 1:1

Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.

Roma 11:8

Itithogon meke hasik Allah nen, men isikhe, “Inileken higik, inasuk holhik, hagasunogo iluk, inetaiken abisake negen hagarinakhigimo, yogotak itithogon werek o,” iluk isikhemo holal waganogo 'bisukha.

1 Korintus 14:37

At ageikhe nen, “An nen Allah ane yokhisoagaluk, Allah Agoreke nen nobabut iti woknekhemo,” igik, e a, at he, “Ninat meke hagasuagaluk woknekhemo,” igik, ekhe halok, at nen, “Wene Paulus nen ekhe iti, ninoe Etagapogot nen ninasuk wakhikhe meke, holal waganogo ninoba la'i aga iti,” iluk at hutdiluk waganuak o.

2 Korintus 10:7

An nen wene thelekma meke igin yi hutdini o. At ageikhe akla nen, “An nebe Kristus meke welagei,” iluk hutdekhe halok he, ekaerek nen obabut palekhe dogolik, “An nebe Kristus meke hakene, it Paulus lak itihogonat,” iluk hutduak o.

1 Timotius 4:1

Allah Agoreke nen wene pakhogonat yoknisekhe dogolik, “O ilugun oba, akhuni aperek Allah ane eberogonat iluk apiliogei meke nen, wene iti, Nina'it, iluk here'isalok nen, Iblis agarumi mokat inobabut weak nukhetdisegarek meke inapma ukiluk, wene it nen yakulisegarek wene iti ha'iluk hagakhe dogogun.

2 Petrus 3:2

Wene iti, it ap haganeat Allah nen inayoko 'bisikhemo at ane yogeisekhe lagoukha meke nen isukhaat. Nen, ninoe Etagapogot ninebe tilninakherek meke etnogo nen wene ninasuk wakhikhe meke, nit ninayoko 'biluk hinoba la'inani ageikhemo yokhisasuguat.

1 Yohanes 4:1

Nagarlak lak nerugi. Nakmu lak o. Akhuni inebe doalegat nen, “Nit nen Allah ane yokhisekhe lago,” iluk inekalat iliogei meke inebe arat thelekma ageikhasik, o yi ai ti ai liliogei iti nen he, aperek hinoba witluk, wene yokhisugunem, hit nen he, “Allah Agoreke akla dogolik yoknisiliogo,” iluk hinetaiken inoba ebekhup o. At he, “Eberogonat Allah Agoreke akla dogolik iliogo a? Ninat meke akla dogolik yoknisiliogo a,” iluk inobabut tak paliluk nen, inebe hutdisekhe dogono o.

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

1 Yohanes 4:8

Nen, at Allah obabut he, nit akmutninakho welagarek iti nen, tha nen nakmu-hakmurogon dogogin dek halok, at iti nen Allah ebe okodek werek o.

1 Yohanes 5:19

It akhuni agat oba meke inobabut inikhok meke iti tha'bokhogonat he, at obabut weak meke etnogo iki baga welageikharek. Itithogon welageikharek mekeat he, nit anek he, Allah ebeat a'buri meke welago, iluk ninilu o.

Yudas 1:17

Meke re, nagarlak lak nerugi. Hinebe nakmu lak o. It ap ninoe Etagapogot Yesus Kristus nen inayoko 'biluk la'isa ageikhe meke nen wene haganeat yokhisasukha meke iti hinakla ebetno o!