1 Yohanes 4:5 - ALLAH ANE WENW KET MEKE WAROGO WOKNINAKHIKHE WENE

⁵ It iti inebe akhuni agat oba meke a'buri nogo nen he, it nen wene agat oba wene isinem, inane it akhuni agat oba meke nen inasuk holharek iti.

1 Yohanes 4:5 ပူးပေါင်းရင်းမြစ်များ

Lukas 16:8

Itithogon hagakhikhe meke iti, at oe etnogo abok asuk holhikhesik nen, men isikhe, Eiye! Akla motok kagalek iti nayuk e, iluk atuaneke korlo hagakhe lageikhe meke etnogo hogorakhikhe. Itithogon hogorakhikhemo iti, it akhuni agat oba yoma meke inobabut, it meke hagasuogoluk inakla motok kagalek mekeat he, it Allah a'buri inakla lia hagarogo 'bisasikhe meke iti, inobabut it hakene dek iti nen, itithogon isikhe iti.

Yohanes 17:14

Hat hane etnogo it arat yogeisigi o. Nen, an nebe akhuni agat oba meke yoma inagot dek iti hak, it itithogonat inebe akhuni agat oba meke inagarumi dek iti nen, it akhuni agat oba meke nen ina'it motok hagarinabiogei o.

Yohanes 17:16

An nebe it akhuni agat oba meke inagot dek iti hak, it itithogonat it akhuni agat oba meke inagarumi 'buk. Degat o.

Yohanes 3:31

Nen, akhuni tha'bokhogonat, inetaga dek anek. Meke re, at upu eloma nen usa'ageikhe meke itiat kok etagapogot o. Ap ageikhe ebe agat oba nen itago meke halok, ebe agat oba mekeatma, wene agat oba mekeat ekherek o. It akhuni tha'bokhogonat inetaga dek negen werek korlek, ap ageikhe pogot oba nen usa'ageikhe meke itiat kok etagapogorat werek o.

Yohanes 8:23

at Yesus nen men yogeisasikhe, “An nebe re, pogot abel upuke meke wagagisik welagei o. Meke re, hit anek he, abel wemake yoma meke. Hinai erlo agat oba yomaat o. Meke re, an nai erlo agat oba yoma dek o.

2 Timotius 4:3

Yabokane, it akhuni nen ebe wene inasuk hanorogon holhidek dogolik, we wene inasuk holu warlok nen, yakulisekhe dogoagaluk it aperek inebe doalegat inayoko 'biluk, natogorinabugun iti.