1 Yohanes 4:4 - ALLAH ANE WENW KET MEKE WAROGO WOKNINAKHIKHE WENE

⁴ Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

1 Yohanes 4:4 ပူးပေါင်းရင်းမြစ်များ

Yohanes 12:31

Yogotak Allah nen, akhuni agat oba meke wene inoba 'bigik, kokhik, hagakhe dogolik, ap etagapogot agat oba meke etnogo mukhogo ula'isigik, hagasigin oba arat asi aga o.

Yohanes 14:30

Akhuni agat oba meke inoe kok etnogo ebe wiriogo iti nen he, an wene doalegat yokhisagein dek o. At iti wisigin mekeat he, an at iki baga welageidek o.

Yohanes 16:11

Nen, ageikhe, Allah nen akhuni agat oba meke inoe kok etnogo wene oba 'biluk obatne degetdisikhemo werek iti nen, at yomakhisekhe dogogin meke iti witluk nen, Allah nen wene inoba 'bigik, kokhik, hagakherek iti hasik thelekmarogo yogeisasiginat o.

Yohanes 17:23

It eberogonat inebe opakiat dogoak nen, it nen an ninom hunik, nen hat nen an nipisak hunik dogouok o. Itithogon dogogun halok, it akhuni agat oba meke nen ekhe dogolik, At he, opase nen la'i ageikhesik ebe etaiken hunik welagarek iti hak, it inebe at wogokhikhe meke etaiken hunik welagarek o, iluk inilu atluk hutdugun.

Roma 8:31

Wene tha'bokhogonat iti hasik, nit nen nikithogon ugun. Allah nit werekmake aga halok, tha nen erlok degetdinanusak nogo. Erlok dek o.

Roma 8:37

Itithogon mekeat he, Allah ninebe akmu nen ninoe Etagapogot Kristus Yesus woknisasikhemo ebe watlageikhe iti baga ninom hunik werekma ninebe watlasumo inom, niniluk dogoumo inom, iti nen agotninabusak erlok dek o. Malaikat pogot oba yoko nekharek meke iti inom, pogot oba inobatne werek meke aperek iti inom nen, agotninabusak erlok dek o. Yi meke ti meke yogotak hagatlagarek meke inom, yabokane hagatlasigin meke inom, iti nen agotninabusak erlok dek o. Nen, obatne werek meke aperek nen agotninabusak erlok dek o. Nen, yi meke ti meke pogot oba welagarek meke men, wema baga welagarek meke men, agotninabusak erlok dek o. Nen, Allah nen walhasikhe meke ninat meke aperek nen agotninabusak erlok dek o. At Allah nen ninebe akmutninakhikhemo, Kristus Yesus hagakhikhe iti baga, tha'bokhogonat itithogon weak hagatninakhunem nit agotninabusak erlok dek o. Mekeat he, akhuni wuleleken tiologo inatluk inobatne ageikharek hak, nit ninobatne agorek iluk hutdekhe lagei o.

1 Korintus 2:12

Nit he, akhuni agat oba meke yoma inagoreke waganhugu 'buk. At Allah obabut hano nen woknisasikhe meke ninilu asuagaluk, at Agoreke usa'i ageikhemo horlasugu o.

1 Korintus 6:13

It aperek nen yigithogon egaregat, “Nekarek meke iti ninelabut hasik. Nen, ninelabut iti nekarek meke hasik,” iluk egarek. Itithogon egarek mekeat he, pereat, at Allah nen yabokane degetdigin werek o. Allah nen, ninebe yi, param ha'isekhe dogoagaluk winametdinanhikhe 'buk. At he, ninoe Etagapogot hasigat winametdinanhikhe iti o. Ninebe yi iteerek he, ninoe Etagapogot werek o.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

2 Korintus 6:16

At Allah ai halek iti inom, kaneke iti inom, opakimo dapulusak nogo a? At Allah iluk motok welagarek meke ai halek he, nit ninebe yiat o. At nen he, men isikhe, “It inakla an nai halogo dogogin o. Inaklake etoma nekhe dogogin o. It inopase Allah anat dogogin o. Nen, an na'buri irat dogogun,” iluk isikhe iti nen,

Efesus 2:2

Etanem he, akhuni yoma inobabut inikhogat dogolik hagakharek hagat, mutluk laga lagagip. Itithogon mutluk laga dogolik, mokat inobabut weak meke inoe kok pogot abel wemake yoma iteerek dogolik, akhuni Allah ane ina'it nen inasuk holu'buk meke inakla ukisikhesik yogotak inakla kagalhoat welagarek meke etnogo ane holek welagagip iti o.

Efesus 3:17

Hinetaiken at Kristus oba hakotdumo, at ebe hinakla ai halogo werekma, yi meke ti meke ai yakhunem omaken yakhik, o herlaga obatnerogon 'bigik, hagakharek hak, hinobabut akhuni aperek inebe inakmurogon welageikharek iti meke baga hinomaken ya'iluk a'bethogon dogobageik iluk, Allah ayoko 'bekhe lageiat o.

Efesus 6:10

Ilugun oba wene yi yokhisak. Ninoe Etagapogot hinom hunik dogolik, at obatne motok horleak etnogo baga, hinobatne hagatlarik dogono o.

1 Yohanes 2:1

Nen, na'buri o. Hit weak hagakhe dogunogo iluk, wene yi holal waganogo hinoba la'i agei o. Itithogonat mekeat he, tha nen weak hagakhe halok, ninopase Allah werekma nit yomaknisekherek meke ap ageikhe turlem heisogo werek. At iti ebe Yesus Kristus obabut mot hagakherek meke etnogoat o.

1 Yohanes 2:13

Nopase lak o. At alebageik erlo baga nen welagarek meke etnogo ebe hinilu agagisip welagap iti nen, holal waganogo hinoba la'i agei. Nen, elege nagarumi o. Hit nen at obabut weak meke etnogo arat obatne degetdisigip welagap iti nen, holal waganogo hinoba la'i agei o.

1 Yohanes 3:24

Nit Allah nen wene ninasuk wakhikhe wene iti hologo mothogon hagakhe lago halok he, at Agoreke woknisasikhemo ninakla werek, iti baga, nit at ninom hunik, nen at nit ninom hunik welago, iluk hutdekhe lago.

1 Yohanes 4:13

Allah nen Agoreke woknisasikhe iti baga, nit nen apekhe dogolik, “At nit ninom hunik werek. Nen, nit at ninom hunik welago,” iluk hutdekhe lago o.

1 Yohanes 4:16

Nit nen, “Allah nen akmutninakherek iti hutdogosik eberogonat,” iluk apekhe lago. At obabut akmutninakho motok welagarek iti nen, tha nen obabut akhuni akmurinakho motogat welagarek halok he, Allah nen at ipisak hunik motok, nen, at nen Allah ipisak hunik motok, welageikharek.

1 Yohanes 4:6

Meke re, nit he, ninebe Allah a'buri meke dogolik ninane isinem, it aperek Allah ebe inilu meke halok, inasuk holhik, nen, it aperek inebe Allah a'buri meke 'buk, ninat halok he, inasuk holhidek here'isigik, hagakharek o. Itithogon hagakhunem nit nen he, “Allah ebeat meke Agoreke it iti inakla werek, nen it aperek iti mokat nukhetdinanherek meke inakla werek,” iluk ekagat hutdisogorek iti o.

1 Yohanes 5:19

It akhuni agat oba meke inobabut inikhok meke iti tha'bokhogonat he, at obabut weak meke etnogo iki baga welageikharek. Itithogon welageikharek mekeat he, nit anek he, Allah ebeat a'buri meke welago, iluk ninilu o.

A'bikaka 12:11

It ninagarlak lak ninerugi iti inekaerek inebe inakmu ageidek, Ninakha halok he, hanoat o, iluk nukhunem inakha. It iti, Domba Eak amep ulabogo wakhukha iti baga inom, it nen Allah ane ebe wene iti pakhogon yogeisilik nekhe lageikha iti baga inom, Iblis etnogo arat obatne degetdisega iti o.