1 Yohanes 4:11 - ALLAH ANE WENW KET MEKE WAROGO WOKNINAKHIKHE WENE

¹¹ Nagarlak lak nerugi. Nakmu lak o. At Allah nen nit itithogon akmutninakhikhe iti nen, nit meneke, nit-nit nakmu-hakmurogon dogouok o.

1 Yohanes 4:11 ပူးပေါင်းရင်းမြစ်များ

Lukas 10:37

at ap etnogo nen, men isikhe, “Ap iti warek werekma ap ageikhe wageikhesik akmu nen yomakhasikhe itiat o,” iluk yogokhikhemo, at Yesus nen men yogokhikhe, “Halok he, hat itithogon hagarik lan o,” iluk yogokhikhe.

Yohanes 13:34

Itithogon yogeisasikhesik nen, wene ageikhe men yogesasikhe, “Hit nen hagakhe dogosak meke wene ket meke ageikhe yokhisak, An nen hit nakmurogon welagarek hak, hit itithogonat, hit-hit nakmu-hakmurogon hagakhe dogono o.

Efesus 4:31

Inane puk weak igik, inakla aga hetperigik, inakla aga dageigik, wene oko-oko yakhik, inekalat inabok weak palhik, egarek meke iti here'isekhe dogolik, weagarinakharek meke inom tha'bokhogonat here'isekhe dogono o.

Kolose 3:13

Hit-hit aperek nen aperek weak hagathinakhunem, ua 'bigidek hinobakhanini hapugutdiluk hagakhe dogolik, thagalogo here'isekhe dogono. Hit weak hagakhe lagagip meke, ninoe Etagapogot nen thagalogo here'isasikhe hak, hit-hit itithogonat thagalogo here'isekhe dogono o.

1 Yohanes 2:7

Nagarlak lak nerugi nakmu lak o. Wene ket wene hinasuk warogo holal waganogo hinoba la'i agei 'buk. O haganeat Allah nen hinasuk warogo yokhisasikhemo erloma nenat herogo welagathep mekeat o. Wene iti, at Allah nen hinasuk haganeat wakhikhemo holhigip meke etnogoat o.

1 Yohanes 3:11

Wene Allah nen he, “Hit-hit nakmu-hakmurogon dogono o,” iluk yoknisasikhe meke, akhuni aperek nen yokhisasukhama erloma nen hinasuk holhigip itiat o.

1 Yohanes 3:23

At nen wene ninasuk wakhikhe iti, ebe re, “Hit hinetaiken an na'but Yesus Kristus oba hakotdiluk, at nen yokhisekhe iti hagat, hit-hit nakmu-hakmurogon dogono o,” iluk ninasuk wakhikhe itiat o.

1 Yohanes 4:7

Nagarlak lak nerugi. Nakmu lak o. Akhuni aperek inakmurinakharek iti erlo, at Alah at iti nenat, nit-nit nakmu-hakmurogon dogouok o. Akhuni nakmu-hakmurogon dogogun meke, inebe dopok Allah nen itaginakhikhemo, at a'buri dogolik, at ebe iniluat werek o.

2 Yohanes 1:5

Iti nen he, neru o. Wene ket meke holal waganogo heagei hinomat werekma hinoba la'i agei 'buk. Dek o. Nit ebeat wene iti hutdisugumo, at Allah nen nit-nit nakmu-hakmurogon dogoagaluk erlo baga nenat ninasuk wakhikhemo ninilu meke holal waganogo hinoba la'i agei iti o.