1 Yohanes 4:1 - ALLAH ANE WENW KET MEKE WAROGO WOKNINAKHIKHE WENE

¹ Nagarlak lak nerugi. Nakmu lak o. Akhuni inebe doalegat nen, “Nit nen Allah ane yokhisekhe lago,” iluk inekalat iliogei meke inebe arat thelekma ageikhasik, o yi ai ti ai liliogei iti nen he, aperek hinoba witluk, wene yokhisugunem, hit nen he, “Allah Agoreke akla dogolik yoknisiliogo,” iluk hinetaiken inoba ebekhup o. At he, “Eberogonat Allah Agoreke akla dogolik iliogo a? Ninat meke akla dogolik yoknisiliogo a,” iluk inobabut tak paliluk nen, inebe hutdisekhe dogono o.

1 Yohanes 4:1 ပူးပေါင်းရင်းမြစ်များ

Markus 13:21

Nen, weak itithogon hagatlaga korlek, it aperek nen, Kristus etnogo yi waga yi 'bikhani, igik, it aperek nen, Kristus etnogo ili waga ili lakhani, igik, ugunem hit hinakla nen eberogonat iluk apugup o.

Lukas 12:57

Itithogon yogeisasikhesik, wene ageikhe men isikhe, “Wene hinekaerek nen ilokon warogo moretdekhe lagap dek nenaluk.

Lukas 21:8

at Yesus nen, men yogeisasikhe, “Akhuni nen nukhetdinageinogo nen, hinobabut hebelogo dogono o. It akhuni inebe doalegat nen, inetaga an netaga meke thalogo nen men ilik wisugun, At wisigin isukha etnogo an nebe wagei yiat o, igik, Hagatlasigin etnogo arat hakok i aga, igik, ilik wisugun etnaga, it iti inane hinasuk holiluk inoporlik lagup o.

La'isasikhe 17:11

It akhuni Yahudi o Berea meke inobabut, akhuni o Tesalonika meke inakla puk welagoukha iti hak dek. At he, it wene inakla arlekenhogo waganhe dogolik, “Wene ekhe iti eberogonat a? Men a,” iluk, Allah ane holal waganogo 'bisukha meke etnogo hibiku-yogokuat etaga thalogo hutukhogon 'bikhekhe lagoukha.

La'isasikhe 20:29

Meke re, yeke helo yeke anini weak meke nen domba here'isigidek motok nekerek iti hak, an nebe lalokma nen, it aperek nen Allah a'buri hit nen therisik welagap meke iti weagarinabi ukisugun meke werek o, iluk an nilu.

1 Korintus 12:10

Nen, at ageikhe yi meke ti meke elalinat hagakhe dogoagaluk wogokhik, at ageikhe nen Allah ane yogeisekhe dogoagaluk wogokhik, at ageikhe nen ekhe dogolik, “At iti Allah Agoreke akla dogolik hagariogo, igik, weak meke agoreke akla dogolik hagariogo, igik,” ekagat penakhe dogoagaluk wogokhik, at ageikhe nen inane okodek meke elalinat ekhe dogoagaluk wogokhik, at ageikhe inane inokodek meke isinem, at asuk holiluk nen, “Ebe yigithogon meke hasik ekhe,” iluk it inane baga mothogon yogeisekhe dogoagaluk wogokhik, inebe tomok wogeisekherek iti o.

1 Korintus 14:29

Nen, Allah ane yogeisegarek meke iti inebe pere nen a? Henagan nen a, yokhisausak. Itithogon yokhisekhe korlek, hit aperek nen, wene mot iliogo igik, korlo iliogo igik, obabut palhe dogosak o.

1 Tesalonika 5:20

Allah ane at Agoreke nen inakla kagalogo yogeisekherek meke iti, hinakla meanetdigik, hagakhe dogogup o.

1 Tesalonika 5:21

Yi meke ti meke waganuogoluk, “Yi hano, yi weak,” iluk hinakla nen walhalok, hano meke halogat, hiniki a'bethogon herogo dogolik,

2 Tesalonika 2:2

Ninoe Etagapogot wisigin itinem arat hagatlagama thalek, it akhuni aperek nen, “Allah Agoreke nen yigithogon yoknekhe mekeat,” iluk yokhisigik, it aperek nen, “Wene ebe yigithogon mekeat,” iluk yokhisigik, it aperek nen, wene nit nen holal waganho meke hasik, “Ebe yigithogon mekeat,” iluk yokhisigik, iliogei iti baga, hinetaiken ibat narlok-karlok iluk dil wasunogo iluk yokhisigi iti o.

1 Timotius 4:1

Allah Agoreke nen wene pakhogonat yoknisekhe dogolik, “O ilugun oba, akhuni aperek Allah ane eberogonat iluk apiliogei meke nen, wene iti, Nina'it, iluk here'isalok nen, Iblis agarumi mokat inobabut weak nukhetdisegarek meke inapma ukiluk, wene it nen yakulisegarek wene iti ha'iluk hagakhe dogogun.

2 Timotius 3:13

Weagatninakhe korlegat, it aperek weak hagakhe dogolik nukhetdisiliogei meke iti, it aperek nen nukhetdisugunem, it nen oko-oko nukhetdisigigat hagakhe dogolik, weak arik-arigat kokhogon weak akhagun iti o.

2 Petrus 2:1

Alebat etoma, ap Allah ane yogeisekhe lagoukha meke thalek wagoukhasik, inekalat ekhe lagoukha meke, Allah a'buri inaklake melarik wagoukha. Iti hakene, yabokane ap ebe wene yakulhisiliogei meke thalek hagarogo witluk, inekalat ekhe dogogun meke hinaklake aperek winam atluk wisugunat o. Winam atluk nen, wene akhuni inebe weagarinakherek wene yokhisa ukisugun. Ukitluk nen, ninoe Etagapogot nen it ninomat tilninabigiluk ninoko palhikhe mekeat he, it nen, “At he, nit ninoe dek o. Ninokodek,” iluk la'belhe dogogun iti. La'belumo, inekaerek nen ukum ibat inoba 'bakhalok weak akhagun o.

1 Yohanes 2:18

Na'buri o. O yogotak he, o ilugun oba welago o. Akhuni aperek nen, “Yabokane ap ageikhe Kristus inom motok weak meke wisigin,” iluk yokhisasukhama, hinasuk holhigip iti hak, o yogotak he, Kristus inom weak meke inebe doalegat arat thelekma asi ageikhasik werek iti nen he, nit nen, “O yogotak eberogonat o ilugun oba welago,” iluk ninetai eketlatluk hutdekhe lago.

1 Yohanes 2:7

Nagarlak lak nerugi nakmu lak o. Wene ket wene hinasuk warogo holal waganogo hinoba la'i agei 'buk. O haganeat Allah nen hinasuk warogo yokhisasikhemo erloma nenat herogo welagathep mekeat o. Wene iti, at Allah nen hinasuk haganeat wakhikhemo holhigip meke etnogoat o.

2 Yohanes 1:7

Itithogon hagakhe dogosak iti, it akhuni inebe doalegat nen, “Yesus Kristus iti abat itaklasi ageidek,” iluk, nukhetdisegarek meke inebe thelekma ageikhasik agat oba yi ai ti ai tha'bokhogonat liliogei iti nen, nakmu-hakmurogon hagakhe dogosak igi iti o. It iti inebe re, Kristus inom motok weak dogolik akhuni nukhetdisegarek meke etnogoat o.

3 Yohanes 1:11

Nagarlak o. Hebe nakmu. Hat nen he, it akhuni inobabut weak hagakharek meke iti, inobabut waganhun o. It inobabut hano hagakharek meke halok, inobabut waganhe dogono o. Tha nen obabut hano anek hagakherek meke iti ebe Allah a'but mekeat he, tha nen obabut weak anek hagakherek meke halok, at nen Allah ebe ileken hekerek dek okodek o.

A'bikaka 2:2

Hit nen an nobasik hinobakhanini hapugutdiluk hinobatnerogonat hagakhe dogolik, it aperek weak hagakhunem he, Inoba dopok, iluk, inasuk wakhidek here'isegep dek. Nen, it aperek Yesus nen la'isa agama negen hagarogo witluk ugunem, hit nen, Inekalat iliogei, iluk inobabut ekagat palhethebat. Hinobabut itithogon hagakhethep iti an nilu o.