Halok he, tha nen Allah nen isikhe meke herlekha'bugat meke opakiat thebelogo 'biluk, it aperek nen itithogon hagakhe dogoagaluk yakulisekhe halok, kok pogot oba meke apma 'bisekherekma etoma, at iti etaga yekerugi negen inakla meanetdekhe dogogun o. Meke re, tha nen Allah ane iti mothogon hagakhe dogolik, it akhuni aperek nen itithogonat hagakhe dogoagaluk yakulisekhe dogogin halok, kok pogot oba meke apma 'bisekherekma etoma, at etaga pogorat werekma kogotdekhe dogogin o.
1 Yohanes 3:4 - ALLAH ANE WENW KET MEKE WAROGO WOKNINAKHIKHE WENE4 Nen, akhuni nen weak hagakharek iti Allah aneat thagalharek iti nen, tha nen weak hagariogo halok, Allah aneat thagalogo hagariogo. အခန်းကိုကြည့်ပါ။ |
1 Yohanes 3:4
17 ပူးပေါင်းရင်းမြစ်များ
Yogeisasinem, at Paulus nen, ap Allah iteerek kok etnogo yogokhe dogolik, “O he'bet weak mekeat, hano thalek apusu kut wakharek iti hak, hoado oba anek hano thalek hetaiken pere welagan iti nen, Allah nen hat hasiginat o. Hat nen, wene Allah nen ninasuk wakhikhe wene etnogo hago dogolik, wene iti mothogon hagakhidek, ukum an noba 'biluk hagarumi nen an nasuagaluk yogeisegen iti nenaluk,” iluk yogokhikhe.
Wene Allah nen ninasuk wakhikhe wene iti baga, nit akhuni weak hagakhorek meke ekagat ninilu agorek iti nen, nit tha'bokhogonat wene at nen ninasuk wakhikhe wene iti holek dogolik, at il oba mothogon hagasusak erlok dek o. Hologo hagakhe dogoumo, at nen ninom yabokane hunogo 'binanusak mekeat he, erlok dek o.
Itithogon hagakhunem, an wagunem, nopase Allah nen hit hinobabut hagakhe lagap iti hasik hit hinil oba nekarli warogo thebetdanusak iti nayuk. It akhuni hit meke aperek doalegat nen humi inaguni werek meke, ap inagugi werek meke nen param ha'isigik, horlak tharlisik meke, elege nen ha'isigik, inekarli dek weak motok hagakhik, o haganeat nen hagakharek meke here'isalok inobabut hebelageidek motok welageikharek iti hasik, de asisunogo iluk nelabut hisik welagei o.
ကြော်ငြာတွေ