1 Yohanes 3:23 - ALLAH ANE WENW KET MEKE WAROGO WOKNINAKHIKHE WENE

²³ At nen wene ninasuk wakhikhe iti, ebe re, “Hit hinetaiken an na'but Yesus Kristus oba hakotdiluk, at nen yokhisekhe iti hagat, hit-hit nakmu-hakmurogon dogono o,” iluk ninasuk wakhikhe itiat o.

1 Yohanes 3:23 ပူးပေါင်းရင်းမြစ်များ

Matius 22:39

Nen, wene iti ipisak tak-tak he, ageikhe yi, Hit hinekaerek hinebe hinetaiken hunik welagathep iti hakene, it akhuni aperek hinom welagathep meke iti hinetaiken hunik dogono o, iluk isikhe meke kok ageikhe iti.

Markus 9:7

Itithogon isinem oisa thebelinabi ageikhesik, at Allah ane oisa etnogo akla nen, men yogeisasikhe, “An na'but netaiken hunik meke ebe ithiat o. Halok he, at ane holek dogono o,” iluk yogeisasikhemo,

Yohanes 1:12

Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

Yohanes 13:34

Itithogon yogeisasikhesik nen, wene ageikhe men yogesasikhe, “Hit nen hagakhe dogosak meke wene ket meke ageikhe yokhisak, An nen hit nakmurogon welagarek hak, hit itithogonat, hit-hit nakmu-hakmurogon hagakhe dogono o.

Yohanes 14:1

At Yesus nen wene itithogon yogeisasikhesik nen, yabokane men yogeisasikhe, “Nagarumi. Hit hinakla nen, Eiye, iluk hinelabut hisik dogogup o. Hinetaiken Allah oba hakotdigik, an noba hakotdigik, hagakhe dogono o.

Yohanes 15:12

Hit nen hagakhe dogobageik nen iluk, wene ebe yiat hinasuk warogo yokhisak, An nen hit netaiken hunik welagei iti hak, hit nen itithogonat hit-hit nakmu-hakmurogon dogobageik nen iluk yokhisigi o.

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Yohanes 2:23

Itithogon isukhasik werek korlek, o Yerusalem it akhuni Yahudi meke domba warogo pesta Paskah nasi korlek, at Yesus etoma inom dogolik ebe hutduagaluk, elalin meke hagarik lageikhe iti nen, akhuni doalegat inileken hasukhasik nen inetaiken at oba hakotdisukha.

Yohanes 3:18

Halok he, tha nen etaiken an noba hakotdekhe halok, Allah nen wene oba 'biluk weagatdigin dek mekeat he, tha nen etaiken an Allah a'but irlagapi itago meke yi noba hakotdigidek iti nenat, weagatdigin meke wene arat oba 'bekhemo werek o.

Yohanes 6:29

at Yesus nen, men yogeisasikhe, “Allah akla apekherek meke hit nen hagasusak iti ebe yiat o. An Allah nen la'ani ageikhemo wagagi meke yi, hinetaiken noba hakotdusak itiat o,” iluk yogeisasikhemo,

La'isasikhe 16:31

it nen he, “Hetaiken ninoe Etagapogot Yesus oba hakotdigin halok he, hat hebe men, ha'buri men, hinebe tha'bokhogonat tilhinabigin o,” iluk yogokhukha.

Efesus 5:2

Akhuni nen yi meke ti meke Allah hasik 'bisalok, ebe warogo hetu hunekhunem, Allah akla hanorogo obasi hano meke liagakhe lagoukha iti hak, at Kristus nit ninebe akmutninakhikhesik nen, “It inobasik an nebe nasuak o,” iluk apasikhe baga ebe wakhukha iti baga Allah akla hano ageikhe iti hak, nit-nit nakmu-hakmurogo hagakhe dogouok o.

1 Tesalonika 4:9

Nen, hit-hit hinagarlak lak hinerugi hinom hinakmurogon dogobageik iluk, Allah nen erlogat yakulhisiliogo iti nen, yabokane an nen nikithogon halok, “Hit hinagarlak lak hinerugi hinom hinakmurogon hagakhe dogono,” iluk, holal waganogo hinoba la'isusak. Degat o.

1 Timotius 1:15

Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.

1 Petrus 1:22

Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

1 Petrus 4:8

Wene kok hakene yi. Hit-hit nakmu-hakmurogon hagakhe dogolik, ageikhe nen ageikhe weagatdugun meke thagalogo motok degetdugun iti nen, hit-hit hinagarlak lak hinerugi hinom nakmu-hakmurogo motok hagakhe dogono.

1 Yohanes 2:7

Nagarlak lak nerugi nakmu lak o. Wene ket wene hinasuk warogo holal waganogo hinoba la'i agei 'buk. O haganeat Allah nen hinasuk warogo yokhisasikhemo erloma nenat herogo welagathep mekeat o. Wene iti, at Allah nen hinasuk haganeat wakhikhemo holhigip meke etnogoat o.

1 Yohanes 3:11

Wene Allah nen he, “Hit-hit nakmu-hakmurogon dogono o,” iluk yoknisasikhe meke, akhuni aperek nen yokhisasukhama erloma nen hinasuk holhigip itiat o.

1 Yohanes 4:15

Tha nen, “Yesus iti Allah a'but,” iluk pakhogon yogeisekherek meke halok, at Allah nen at ipisak hunik motok, nen, at nen Allah ipisak hunik motok, welageikharek o.

1 Yohanes 4:21

Iti nen, at Kristus nen ninasuk wakhe dogolik, “Allah hinakmurogon dogolik, hinagarlak lak hinerugi hinakmurogonat dogono o,” iluk yoknisasikhe iti.

1 Yohanes 5:13

Hit hinetaiken Allah a'but oba hakotdiluk welagap meke hinakla nen he, “Naburlal-haburlal iteerek agosik welago,” iluk hinilu asubageik iluk, wene tha'bokhogonat yi holal waganogo hinoba la'i agei o.