1 Yohanes 3:22 - ALLAH ANE WENW KET MEKE WAROGO WOKNINAKHIKHE WENE

²² at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.

1 Yohanes 3:22 ပူးပေါင်းရင်းမြစ်များ

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 21:22

Nen, hit yi meke ti meke Allah kino yogokhe dogolik, hinetaiken at oba hakotdegep halok he, wokhisageinat o,” iluk yogeisasikhe.

Markus 11:24

Itithogon hagakherek iti nen, hit nen yi meke ti meke Allah kino yogokhe dogolik, hinakla nen, Arat woknisekhemo, iluk apegep halok wokhisageinat o, iluk yokhisigi.

Yohanes 14:13

Nen, at tha nen, yi meke ti meke an netaga palogo Allah kino yogokhe halok, an a'but nen hagakhunem, it akhuni nen nopase hogorasuagaluk, an nenat hagasigin o.

Yohanes 15:10

Nen, an nopase nen, Yigithogon hagatno, tigithogon hagatno, iluk nasuk warogo yoknikhikhe meke iti, an nen at ane hologo hagakhunem, at nen an etaiken hunik welagarek iti hak, hit itithogonat, an nen hit hinasuk warogo, Yigithogon hagatno, tigithogon hagatno, iluk yokhisekhe lagei meke iti, hit nen an nane hologo hagakhe dogogun halok, an nen hit netaiken hunik dogogin o.

Yohanes 15:7

Hit an ninom hunik dogolik nane hinakla werek halok, nena meke hit warlok meke an kino yoknisumo wokhisaumo horlagunat o.

Yohanes 6:29

at Yesus nen, men yogeisasikhe, “Allah akla apekherek meke hit nen hagasusak iti ebe yiat o. An Allah nen la'ani ageikhemo wagagi meke yi, hinetaiken noba hakotdusak itiat o,” iluk yogeisasikhemo,

Yohanes 8:29

At la'ani ageikhe meke etnogo, oba hotokhogon ekherek meke anek an nen hagakherek iti nen, at nen an nebe kolelogo thogotdanhidek nipisak hunik motok welagorek o,” iluk yogeisasikhe.

Yohanes 9:31

Akhuni weak hagakharek meke Allah nen inane asuk holherek motok dek iti, nit ninilu o. Akhuni Allah inayukhogon dogolik, at akla apekherek meke mothogon hagakharek meke halok, inane Allah asuk holherek o.

La'isasikhe 17:30

It alebat Allah ebe inokodek dogolik, inobabut weak hagakhe korlegat, at nen obakhanini hapugutdiluk here'isekhe lageikhe. Itithogon mekeat, yogotak yaat nen, Yi akhuni ti akhuni tha'bokhogonat o itinem initema waganogo wene inoba 'bigik, kokhik, mothogonat hagasuak, iluk ap ageikhe wenago 'biluk ayoko 'bekhemo werek iti nen, nit akhuni weak hagakhe lago meke here'isalok ninobabut hebelasuagaluk yoknisiliogo iti. Halok he, nit nen, Wene itithogon hagasigin iti, eberogonat, iluk nit tha'bokhogonat hutduagaluk, ap iti ebe watlageikhesikmo nen, opase nen apuke ilugutdisikhemo werek o,” iluk yogeisasikhe.

La'isasikhe 20:21

An nen akhuni Yahudi meke men, yunani meke men, hinasuk wakhe dogolik, Weak hagakhe lagap meke thogotdisalok, hinobabut hebelatluk hinelokhe Allah wogotni o. Wogotluk nen, hinetaiken ninoe Etagapogot Yesus oba hakotdiluk dogobageik iluk yokhisekhe lagei iti.

Filipi 4:18

Yogotakne, hit nen yomakneegepma, horligirik, an tha'bokhogonat warlok apekhe lagei meke erlok agasik ato titu agaat. Ap Epafroditus oba 'begepma woknisi agama nen, nameke werek aga o. Hit nen an yomakneegep iti, domba Allah hasik warogo hetu hunekhe dogolik obasi hano meke liakhunem, at akla hano agarek hak, itithogon yomakneegepma, at Allah akla hano aga o.

Kolose 1:10

Itithogon hinilu atluk nen, ninoe Etagapogot akla hanorogo, at warlok apekherek meke mothogon anek hagakhe dogosagat. Yi meke ti meke ai yakhunem erlo kok atluk nen eken hano ikherek hak, hit Allah obabut hinilu aga dogolik, yi meke ti meke hano meke hagakhe dogosak iti.

Ibrani 13:21

Hit Allah akla warlok apekherek meke anek hano hagasubageik nen, yi meke ti meke hano meke tha'bokhogonat wokhisoak. Itithogon wokhisugunem, nit ninom tha'bokhogonat nen Allah akla hanorogo hagakhe dogoagaluk, ninobabut at nen woknisagein iti, ebe, Yesus Kristus nen woknisoak o. At Kristus itiat hogorakho motok dogouok o. Ebeat asuak u hak, “Amin,” igi iti.

Yakobus 1:5

Meke re, at Allah obabut hano nen akhuni tha'bokhogonat akmu dogolik wenageisigidek wogeisekherek iti nen, hit aperek hinakla kagalek dek halok, at kino yogosumo hinakla kagaliginat o.

Yakobus 4:3

Nen, ageikhe Allah kino yogokhe lagap mekeat he, hinekaerek hasik anek hinetaiken nen nukunem horlauwogoluk kino usak dek mekeat korlo yogokhe lagap iti nen, wokhisiliogo dek o.

Yakobus 5:16

Itithogon hagasigin iti nen, hit aperek hinoba u meke dek asubageik nen, weak hagakhep meke hit-hit 'bual-'bual ekhe dogolik sembayan ekhe dogono o. It akhuni Allah akla warlok apekherek meke, mothogon hagakharek meke nen sembayan eberogonat obatnerogon ugun iti, obatneak werekma Allah nen hagarinabiginat o.

1 Yohanes 2:3

Wene Allah nen ninasuk wakherek wene iti, hologo mothogon hagakhe lago halok he, at ebe ninilu o, iluk iti baga nen ninetai ekerlogo hutdekhe lago.

1 Yohanes 5:14

Nen, nit yi meke iti meke Allah akla warlok apekherek meke tak-tagat, at nen woknisoagaluk kino yogokhunem ninane asuk holheregat iti iluk hutdiluk, at ilhanem ninayuk dekhogonat kino yogokhe dogosak o.