1 Yohanes 3:2 - ALLAH ANE WENW KET MEKE WAROGO WOKNINAKHIKHE WENE

² Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

1 Yohanes 3:2 ပူးပေါင်းရင်းမြစ်များ

Matius 5:8

Nen, akhuni inetaiken opakiat karelek motok welageikharek meke iti, yabokane Allah ebe ineleken hugun iti nen, inakla arleken akhekhe dogosagat o.

Lukas 17:30

Iti hakene re, an abat itaklasi agagi etnogo yabokane thelekmaat wisigin itinem he, itithogonat hagatlasigin o.

Lukas 20:36

Akhuni watlatlukmo Allah nen inilugurinabigin iti nen, inebe Allah a'buriat, it malaikat pogot oba yoko nekharek meke inom tak-tak dogolik, yabokane watlaga dogogun motok dek o.

Yohanes 1:12

Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

Yohanes 11:52

Meke re, it akhuni Yahudi meke inobasik anek isikhe 'buk. Akhuni tha'bokhogonat Allah a'buri meke o yi ai ti ai lo lagoukhasik welageikharek meke inom dapukhogon 'bisagaluk, Yesus watlasigin meke hasik isikhe.

Yohanes 17:24

Allah nopase. Hat nen agat aban walhigidek dogolik, an nebe hetaiken hunik welagagin iti nen, hogotnakhe dogoagaluk kogotdanhigin etnogo, it hat nen haganeat woknikhigin meke emenogo inileken neoagaluk, o an dogoginmo etoma, it ninomat dogosak warlok o.

Roma 8:16

Itithogon ekhe lago iti, at Allah Agoreke nen, “Hinebe Allah a'buri o,” iluk yoknisugunem, nit ninetaiken oba nen ogorek iti.

Roma 8:18

Nit o yogotak welago ya baga re, yi aik ti aik hekhe lago iti, herlekha'bugat negen. Meke re, yabokane, Allah nen ninebe ninat meke hagatninakhunem hogotninabugun iti anek he, kogat o. Halok he, ipisak walhaumo ipisak tak-tak dek, nakla apekhe lagei o.

Roma 8:19

Pogot agat yi meke ti meke Allah nen walhasikhe meke yoma nen, “Allah a'buri inebe ninat hagarinakhunem thelekma hogorinabugun iti mera hagatlasigin,” iluk, arlik haliogei.

Roma 8:29

Haganeat, at Allah nen nit ninebe ilu dogolik, at a'but hakene asuagaluk wenakninakhikhe. At Yesus ebe makusa meke, agarumi doalegat at inom dogoagaluk wenakninakhikhe iti.

1 Korintus 13:12

Yogotak ya, inamukhak ileken weak werek korlek inileken lakhegarek hak, ninamukhak weak meke lakhekhe lago. Meke re, yabokane ebeat meke hutukhogon lakhagun o. Yogotakne, wene ato aperek anek ninilu welago. Mekeat he, yabokane at Allah nen an nebe hutukhogon ilu iti hak, an nen at Ebe hutukhogon nilu asigin o.

1 Korintus 15:49

Nit yogotak at Allah nen Adam ebe agat abubuleke meke baga winametdisikhe meke iti ninom tak-tak welago hak, yabokane at pogot oba meke iti ninom tak-tagat dogogun o.

1 Korintus 2:9

Wene iti hasik, Allah ane yigithogon holal waganek werek, “At Allah nen yi meke it meke akhuni nen inileken higidek. Inasuk holhidek. Inakla nen kagalhidek. Meke re, tha'bokhogonat nit akhuni at ebe ninakmu welagorek meke karelogo 'binanhemo werek o,” iluk holal waganogo 'bisukhama werek.

2 Korintus 3:18

Inileken inamukhak oba it akhuni aperek inebe ekagat lageisegarek iti hak, nit tha'bokhogonat ninelokhoken sapumeke laberek dekma, akhuni nen ninoe Etagapogot hogorakharek meke iti amukhak negen inileken laknisiliogei. Nit ninebe at ninoe hakene asuagaluk, eran-alep hagatninakho motok werekma, hogotninabusak negen aga lago. At Allah Agoreke iti ebe Etagapogot atma, at nenat hagatninabiogo.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

Filipi 3:21

At ebe witluk nen, ninebe ninekarli negen welago yi, at obatne baga yi meke ti meke tha'bokhogonat, at apma 'bisagein iti nen, at ebe hogorakharek hagat, nit ninebe hogotninabusak mekeat hagarogo 'binanigin o.

Kolose 3:4

Ebekho werekma, at Kristus ninebe yabokane niniluk motok dogoagaluk hagatninakherek meke etnogo thelegat wagunem, hit at hinomat thelekma atlukmo hogothinabugun iti o.

Ibrani 9:28

at Kristus meneke nit akhuni weak hagakhorek meke degetdisagaluk iki opaki hasigat kambing sapi Allah warekhe lagoukha iti hak, at ebe watlageikhesik, yabokane wisigin iti, nit weak hagakhorek meke degetdisagaluk wisigin 'buk. Dek o. Nit akhuni, at wagunem elokhoma therogo welagorek meke hanotninabigiluk wisigin o.

2 Petrus 1:4

It akhuni agat oba yoma yi meke ti meke warlok nen, inetaiken nen nukunem inobabut weak hagatlatluk weak apegarek meke iti here'isalok lo dukhitluk, Allah obabut waganuagaluk, hano meke woknisiliogo iti. At nen elalinat hagakhunem hogorakho motok welageikharek meke etnogo nen, “Yi meke ti meke oko baga waganusak erlok dek. Hano motok kok meke, wokhisagein werek o,” iluk abok yoknisasikhe iti, ebe woknisiliogo.

1 Yohanes 2:28

Na'buri o. Kristus wisigin itinem ebe wagunem, nit ninekarli ageidek, ninayuk degat, at elokhoma apma ukuok nen, hit at hinom hunik motok dogono o.

1 Yohanes 2:7

Nagarlak lak nerugi nakmu lak o. Wene ket wene hinasuk warogo holal waganogo hinoba la'i agei 'buk. O haganeat Allah nen hinasuk warogo yokhisasikhemo erloma nenat herogo welagathep mekeat o. Wene iti, at Allah nen hinasuk haganeat wakhikhemo holhigip meke etnogoat o.

1 Yohanes 3:1

At Allah nen he, “It yi an na'buri,” iluk itakninakhikhemo eberogonat nit ninebe at a'buri welago. Itithogon welagorek iti nen, ninebe at akmu motok welagarek iti 'bikhani! Itithogonat mekeat he, it akhuni agat oba meke inobabut inikhok meke emenogo nen Allah ebe inokodek iti nen he, nit ninebe inokodegat o.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.

1 Yohanes 3:21

Halok he, nagarlak lak nerugi. Hinebe nakmu o. Nit ninakla nen, “An weak ageikhe hagakhi,” iluk wene munini ebekhidek, ninakla the welago halok he, at elokhoma ninayuk dekhogon dogolik

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.

A'bikaka 2:28

Nen, husagal wap mulikin dagei agarekma mot-mot lia'i agarek meke etnogo wogeisiginat o, iluk yokhisigi iti,

A'bikaka 22:4

Itithogon hagakhe dogolik, Allah etaga it inilhaoak oba holal waganekma, it nen at elokhoken inileken hekhe dogogun o.