1 Yohanes 2:8 - ALLAH ANE WENW KET MEKE WAROGO WOKNINAKHIKHE WENE

⁸ Itithogon mekeat he, o mum werekma lia arik lagarek iti hak, lia ebeat meke yaknisa ageikhemo yariogo iti nen he, wene ket wene hinasuk warogo hinoba la'i agei iti o. At Kristus nen wene iti mothogon hagakhunem ebeat ageikhe iti hak, hit meneke itithogonat, wene iti mothogon hagakhunem ebeat ariogo iti.

1 Yohanes 2:8 ပူးပေါင်းရင်းမြစ်များ

Matius 4:16

O mummo welagathep meke iti, o liathinabigin meke kok meke ageikhe hegep o. Hit o etoma watlasuogoluk hinoba mumat agasikmo, liathinabigin meke ageikhe waga iti o,” isikhe etnogo tak-tagat hagatlasuagaluk Yesus etoma dagei ageikhe iti.

Lukas 1:79

O mummo dogolik watlasusak iti ninayuk, iluk apiliogei etnogo o lia hagarogo 'bisigik, ninobakhe palek ninayuk werekma, Holak yi baga hinetaiken hapukhogon lani iluk, yoknisigik, igin o,” iluk Zakharia nen isikhe.

Yohanes 1:9

At lia ebe meke iti, agat oba yoma waga dogolik, nit akhuni tha'bokhogonat ninebe dopok liatninabi ageikhe.

Yohanes 12:35

Itithogon yogokhukhama, at Yesus nen, men yogeisasikhe, “An nebe o liarinakherek meke etnogo we niki herlekha'bugat ninom dogogun o. Halok he, at tha nen o hibako mummo laga halok he, O koma laga lagei heat, iluk okodegat liliogo iti nen, hit lagunem o mum asinogo, iluk, an o liarinakherek meke ninom werek korlek yaat lia baga laga dogoni o.

Yohanes 12:46

Nen, it akhuni inetaiken an noba hakotdugun meke tha'bokhogonat, o mum oba dogunogo iluk, liarinabigiluk an nebe liarinakherek meke agat oba yoma usa'agagi o.

Yohanes 13:34

Itithogon yogeisasikhesik nen, wene ageikhe men yogesasikhe, “Hit nen hagakhe dogosak meke wene ket meke ageikhe yokhisak, An nen hit nakmurogon welagarek hak, hit itithogonat, hit-hit nakmu-hakmurogon hagakhe dogono o.

Yohanes 8:12

Yabokane, at Yesus nen it akhuni emenogo wene ageikhe men yogeisasikhe, “Akhuni agat oba meke liarinakherek iti, anat o. Tha nen an noporlik nekhe dogogin halok he, an nebe lia dogolik inilugurinakherek meke etnogoat woknabigin iti nen, at iti o mummo nekhe dogogin dek o,” iluk ekhe lageikhemo,

La'isasikhe 17:30

It alebat Allah ebe inokodek dogolik, inobabut weak hagakhe korlegat, at nen obakhanini hapugutdiluk here'isekhe lageikhe. Itithogon mekeat, yogotak yaat nen, Yi akhuni ti akhuni tha'bokhogonat o itinem initema waganogo wene inoba 'bigik, kokhik, mothogonat hagasuak, iluk ap ageikhe wenago 'biluk ayoko 'bekhemo werek iti nen, nit akhuni weak hagakhe lago meke here'isalok ninobabut hebelasuagaluk yoknisiliogo iti. Halok he, nit nen, Wene itithogon hagasigin iti, eberogonat, iluk nit tha'bokhogonat hutduagaluk, ap iti ebe watlageikhesikmo nen, opase nen apuke ilugutdisikhemo werek o,” iluk yogeisasikhe.

Roma 13:12

O hibako welagosik yi, horok yaat o wi asigin. Akhuni o mummo dogolik hagakharek meke iti here'isauwok. Sikhe thege waganharethek hebelogo welageikharek hak, nit o lia meke waganiluk ninobabut hebelogo dogouok.

2 Korintus 8:9

Ninoe Etagapogot Yesus Kristus obabut hano nen akmutninakhikhe etnogo hit hinilu motok apigi. At ilmo horleak welageikhe mekeat he, at erlageik motok ageikhe iti baga, hit ebe meke hinilmo horleak asubageik iluk, at erlageik motok ageikhe iti o.

Efesus 5:8

Hit alebageik he, o mummo welagagip meke re, yogotak ninoe Etagapogot hinom hundiluk, o lia baga welagap iti nen, hinobabut o lia baga dogolik hagakhe dogosak mekeat mothogon hagakhe dogono o.

2 Timotius 1:10

Itithogon apasikhe meke limago werekma, yabokane Kristus Yesus tilninakherek meke ebe thelekma ageikhe iti baga ekagat ageikhe iti. At ane hano wene iti baga, watlariogei erlo iti erlok degetdigik, watlageidek niniluk motok dogogun meke iti, winametdigik, hagakhikhe.

1 Petrus 1:21

Ebe watlageikhesikmo Allah nen ilugutdiluk hogorakhe dogoagaluk meldisikhemo, hinetaiken Allah oba hakotdiluk, “Yabokane at nen hanotninabigin,” iluk oba eberek welagap iti.

1 Yohanes 3:23

At nen wene ninasuk wakhikhe iti, ebe re, “Hit hinetaiken an na'but Yesus Kristus oba hakotdiluk, at nen yokhisekhe iti hagat, hit-hit nakmu-hakmurogon dogono o,” iluk ninasuk wakhikhe itiat o.

1 Yohanes 4:11

Nagarlak lak nerugi. Nakmu lak o. At Allah nen nit itithogon akmutninakhikhe iti nen, nit meneke, nit-nit nakmu-hakmurogon dogouok o.

1 Yohanes 4:21

Iti nen, at Kristus nen ninasuk wakhe dogolik, “Allah hinakmurogon dogolik, hinagarlak lak hinerugi hinakmurogonat dogono o,” iluk yoknisasikhe iti.