1 Yohanes 2:6 - ALLAH ANE WENW KET MEKE WAROGO WOKNINAKHIKHE WENE

⁶ Nen tha nen, “An Allah nipisak hunik welagei,” iluk ekherek halok he, obabut at Kristus hagakhe lageikhe iti hagat, hagakhe dogosak o.

1 Yohanes 2:6 ပူးပေါင်းရင်းမြစ်များ

Matius 11:29

An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Yohanes 13:15

Nen, an nen hit hagathinakhi iti hak, hit nen an nobabut waganogo itithogonat hagakhe dogobageik nen iluk yakulhisigi o.

Yohanes 15:10

Nen, an nopase nen, Yigithogon hagatno, tigithogon hagatno, iluk nasuk warogo yoknikhikhe meke iti, an nen at ane hologo hagakhunem, at nen an etaiken hunik welagarek iti hak, hit itithogonat, an nen hit hinasuk warogo, Yigithogon hagatno, tigithogon hagatno, iluk yokhisekhe lagei meke iti, hit nen an nane hologo hagakhe dogogun halok, an nen hit netaiken hunik dogogin o.

1 Korintus 11:1

An Kristus obabut waganogo hagakhe lagei hak, hit nen he, an nobabut waganogo hagakhe dogono.

Efesus 5:2

Akhuni nen yi meke ti meke Allah hasik 'bisalok, ebe warogo hetu hunekhunem, Allah akla hanorogo obasi hano meke liagakhe lagoukha iti hak, at Kristus nit ninebe akmutninakhikhesik nen, “It inobasik an nebe nasuak o,” iluk apasikhe baga ebe wakhukha iti baga Allah akla hano ageikhe iti hak, nit-nit nakmu-hakmurogo hagakhe dogouok o.

1 Petrus 2:21

At Kristus ebe hit hinobasik yi aik ti aik hilik hilik watlageikhe iti nen, hit meneke, at obabut waganogo yi aik ti aik hinoba 'binagouagaluk Allah nen hinayoko 'bisikhe iti.

1 Yohanes 2:28

Na'buri o. Kristus wisigin itinem ebe wagunem, nit ninekarli ageidek, ninayuk degat, at elokhoma apma ukuok nen, hit at hinom hunik motok dogono o.

1 Yohanes 2:4

Meke re, tha nen, “An he, Allah ebe nilu,” iluk ekhe dogoligat he, at nen wene ninasuk wakherek wene iti hologo mothogon hagakhidek halok he, at ekalat ekherek iti. Halok he, ebe wene iti akla motok dek o.

1 Yohanes 3:24

Nit Allah nen wene ninasuk wakhikhe wene iti hologo mothogon hagakhe lago halok he, at Agoreke woknisasikhemo ninakla werek, iti baga, nit at ninom hunik, nen at nit ninom hunik welago, iluk hutdekhe lago.

1 Yohanes 3:6

Iti nenat, nit at ninom hunik motok welago meke, ninebe tomok weak hagakho motok welagorek dek. Meke re, it akhuni aperek weak anek hagakho motok welageikharek meke inebe tomok, at ebe inileken higidek inokodegat werek o.

1 Yohanes 4:17

At Kristus welagarek iti hak, nit agat oba itithogonat welago iti nen, yabokane Allah nen nit ninitema waganogo ukum ninoba 'bigik, kokhik, hagasigin itinem ninekarli dek dogogun. Ninekarli dekhogon dogoagaluk ebekeram Allah nen akmutninakhe dogolik, akla apasikhe iti hagat, yi meke ti meke hano 'bogokhogon hagakharek iti hak, nit-nit nakmu-hakmurogon dogoagaluk 'bogokhogon hagatninabiogo iti o.