1 Yohanes 2:4 - ALLAH ANE WENW KET MEKE WAROGO WOKNINAKHIKHE WENE

⁴ Meke re, tha nen, “An he, Allah ebe nilu,” iluk ekhe dogoligat he, at nen wene ninasuk wakherek wene iti hologo mothogon hagakhidek halok he, at ekalat ekherek iti. Halok he, ebe wene iti akla motok dek o.

1 Yohanes 2:4 ပူးပေါင်းရင်းမြစ်များ

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

Titus 1:10

It akhuni aperek doalegat ebe wene hologo mothogon hagakhidek hagariogei iti. Itithogon hagariogei iti, inebe doalekmake, it Yahudi inoado aperlagap itithogon palek meke, hano wene waganhukhasik nen, yabokane wene ebe wene dekmaat, yugunat akhuni inawene meke ekhe dogolik, it aperek nukhetdisiliogei iti o.

Titus 1:16

It iti nen he, inape baga nen, “An Allah ebe nilu o,” iluk, inane pakhogon ekhe dogoligat, “Ebe ninokodek,” iluk u hak, inasuk warek degat, Allah alilo meke hagakhe dogolik, yi meke ti meke hanorogon hagasusak it motok erlok dek werek iti.

1 Yohanes 1:10

Itithogonat meke re, nit nen he, “Weak ageikhe hagakhidek welago,” iluk ogorek halok he, nit nen, “Allah ekalat ekherek,” iluk u hagat ogorek iti nen, Allah ane nit ninakla motok dek o.

1 Yohanes 1:6

Nen, nit he, ninane baga nen, “At ninom hunik welago,” iluk ekhe dogoligat he, o mummo dogolik inobabut hagakharek meke iti hagakhe lago halok he, ebeat meke hagakhidek ninekalat ekhe lago o.

1 Yohanes 1:8

Itithogonat meke re, nit nen ekhe dogolik, “Nit weak ageikhe hagakhidek,” iluk ekhe lago halok he, ninekalat ninekaerek nukhetdakhekhe lago iti nen, ebe wene ninakla motok dek o.

1 Yohanes 2:3

Wene Allah nen ninasuk wakherek wene iti, hologo mothogon hagakhe lago halok he, at ebe ninilu o, iluk iti baga nen ninetai ekerlogo hutdekhe lago.

1 Yohanes 2:9

Nen, ap tha nen, “An nebe lia baga welagei,” iluk ekhe dogoligat he, agarlak lak erugi motok a'it halok he, o haganeat nen logat yogotak ya, at ebe mum obaat werek o.

1 Yohanes 3:6

Iti nenat, nit at ninom hunik motok welago meke, ninebe tomok weak hagakho motok welagorek dek. Meke re, it akhuni aperek weak anek hagakho motok welageikharek meke inebe tomok, at ebe inileken higidek inokodegat werek o.

1 Yohanes 4:20

Itithogon mekeat he, akhuni nen inagarlak lak inerugi inileken hisegarek meke inakmu dek dogoligat he, Allah inileken hegarek dek meke inakmu dogosak apegep? Erlok dek o. Halok he, at ageikhe agarlak lak erugi motok a'it welagarek meke nen, “An Allah nakmu,” iluk iliogo halok he, ekalat iliogo o.

1 Yohanes 4:7

Nagarlak lak nerugi. Nakmu lak o. Akhuni aperek inakmurinakharek iti erlo, at Alah at iti nenat, nit-nit nakmu-hakmurogon dogouok o. Akhuni nakmu-hakmurogon dogogun meke, inebe dopok Allah nen itaginakhikhemo, at a'buri dogolik, at ebe iniluat werek o.