1 Yohanes 2:25 - ALLAH ANE WENW KET MEKE WAROGO WOKNINAKHIKHE WENE

²⁵ Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.

1 Yohanes 2:25 ပူးပေါင်းရင်းမြစ်များ

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Titus 3:7

At Yesus obabut hano nen wene ninoba meke korogo wokhasikhesik, Allah ninom ninapuke hunogo 'binanikhemo, nit ninakla nen, “Niniluk motok dogogun o,” iluk apekhe lago iti mothogon iteerek asuagaluk Allah Agoreke woknisasikhe iluk,

Yudas 1:21

Itithogon ekhe dogolik, hinakla nen, “Ninoe Etagapogot Yesus Kristus ninebe akmu nen, nit yabokane naburlal-haburlal hagatninabigin,” iluk, therogo dogolik, at Allah nen ninebe akmu iti, hit nen at hinom hunigat dogono o.

1 Timotius 6:12

Akhuni inae walhauwogoluk tha ae 'busuk tha ae 'busuk walhegarek hak, niniluk motok dogogun iti meke horla lagaluk, hetaiken Allah oba hakotdiluk dogolik, at hasik hobatnerogon hagakhe dogono. Itithogon hagakhe dogoluk, iti meke horla lanogoluk, Allah nen hayoko 'bisikhemo, hat nen he, “Netaiken Kristus oba hakotdiluk itithogon hagakhe dogogin,” iluk akhuni doalegat inil oba pakhogon isigin iti tak-tagat hobatnerogon hagakhe dogono.

1 Yohanes 1:2

Nen, at iluk motok welagarek meke iti, ebe opase ipisak iluk motok welageikhesik nen, opase nen nit ninileken hoagaluk thelekmatdisikhemo ninileken hasugusik nenat abok yokhisekhe lago o.

Titus 1:2

At Allah nen, yi meke ti meke aban winametdigidek dogolik, nit akhuni ninobasik men isikhe, “Akhuni an nen winametdisalok nen, inebe iniluk motok dogoagaluk, hano hagarinabigin,” iluk abok isikhe iti, “Ekalat ekherek dek o,” iluk ninakla eberek dogolik, ebe wene yakulisekhe lago iti o.

Roma 5:21

Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

Yohanes 12:50

Nen, at nen wene ninasuk warogo, Yigithogon hagatno, tigithogon hagatno, iluk ninasuk warogo yoknisekherek iti nit niniluk motok dogoagaluk yoknisekherek, iluk an nilu o. At nopase nen wene yokniriogo mekeat yokhisekhe lagei o,” iluk yogeisasikhe.

Yohanes 6:68

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

1 Timotius 6:19

Itithogon hagakhe dogogun halok he, yi meke ti meke yabokane meke hasik natogorlogo 'begarek hak, hano hagakhe dogolik, yabokane motok dogogin meke hasigat 'bakhekhe dogoluk nen, ninebe eberogonat ninilugutninabumo dogogun iti mekeat horloagaluk inasuk wakhe dogono o.

Yohanes 6:54

Meke re, tha nen an nebe nikik, namep nikik, hagariogo halok, iniluk motok dogogun meke iteerek atluk werekma, o ilugun hurli baga an nen ilugutdigin o.

Yohanes 6:47

Ap tha nen etaiken an noba hakotdekhe halok he, iniluk motok welageikharek meke iteerek agasik werek o, iluk, eberogonat yokhisigi o,” iluk yogeisasikhesik nen,

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

Yohanes 5:39

Hit nen apekhe dogolik, Niniluk motok dogogun he, Allah ane holal waganek hago welago yi bagaat dogogun o, iluk, holal waganek iti hanorogon 'bikhegethep mekeat he, holal waganek iti, an nebe hutdanuagaluk holal waganhukhama werek korlegat,

1 Timotius 1:16

Meke re, it akhuni aperek yabokane inetaiken Yesus oba hakotdisinem iniluk motok dogoagaluk, hagarinabigin meke inakla nen apekhe dogolik, “Paulus weak hagakho korlegat he, Kristus Yesus akla puk ageidek obakhanini hapugutdiluk motok welageikhesik nen, akmuratluk ebe waganhikhe iti, at nen akhuni weak hagakharek meke itithogon woginakherekma higi,” iluk, Allah obabut ekagat hutduagaluk, an tak itithogon woknakhikhe iti o.

Galatia 6:8

at tha nen obabut ikhogat dogolik hagariogo halok, obabut iti bagaat alomatdakhagein iti. Meke re, at ageikhe tha nen, Allah Agoreke ipisak hunik dogolik, at meke hagariogo meke halok, Allah Agoreke iti nenat, iluk motok dogoagaluk hanotdigin iti.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.

Yohanes 6:40

nopase akla apekherek o. Nen, nopase itithogon akla apekhe dogolik, akhuni nen Allah a'but nebe yi inileken niigik, inetaiken noba hakotdigik, hagakhe halok, inebe dopok iniluk motok dogoagaluk, o ilugun hurli baga, an nen inilugurinabuagaluk akla apekherek o,” iluk yogeisasikhe.