1 Yohanes 2:21 - ALLAH ANE WENW KET MEKE WAROGO WOKNINAKHIKHE WENE

²¹ An nen wene holal waganogo hinoba la'i agei iti, ebeat wene hinokodek nen 'buk. Hinilu welagap iti nenat la'i agei o. Nen, inekalat egarek iti erlo, Allah ebeat meke nen 'buk. Erlo ninat, iluk hiniluat o.

1 Yohanes 2:21 ပူးပေါင်းရင်းမြစ်များ

2 Petrus 1:12

Iti nen, wene ebe wene hinilu agagisip hinetaiken horlerogon hago welagathep mekeat he, an nen wene igi iti hasik hibiku-yogoku hinakla ebetdisekho motok dogogin o.

Yudas 1:5

Wene yokhisagein yi, haganeat nen hinilu mekeat he, yabokane hinakla ebetdinagagin iti. Ninoe Etagapogot nen a'buri Israel meke o Mesir werekma tilinakhikhe mekeat he, yabokane it meke aperek inetaiken at oba hakotdiluk welagoukha dek meke inakhikhe.

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

Yohanes 18:37

at Pilatus nen, “Halok he, hat eberogonat kok hetagapogorat a?” iluk ekhe lageikhemo, at Yesus nen, men yogokhikhe, “An nebe kok netagapogot hat egen itiat o. Iti hasigat an nen ebe wene abok pakhogon yogeisekhe dogeigiluk nebe agat oba yoma itaklasi usa'agagi o. Akhuni wene ebe wene iti werekmake asi lageikha meke inebe dopok an nane inasuk holiogei o,” iluk yogokhe lageikhemo,

Yakobus 1:19

Nagarlak lak nerugi.Hinebe nakmu lak o. Wene yi hinakla eberek dogono o. Hinebe tomok wene hinasuk ibat ibat holiluk nen, hinane baga nen erogat igik, hinakla aga dagei agunem hinetaiken thebelogo dogoluk nen erogat igik, hagakhe dogono o.

1 Yohanes 3:19

Nit nen ninobabut itithogon hagakhe dogolik, ninakla nen he, “Nit ninebe Allah eberogonat meke a'buri welago,” iluk hutdusak. Itithogon hutdekhe dogolik, nit weak hagakho, iluk ninakla akin welago halok, nit ninebe erlok dek meke re, at Allah anek he, ebe kok dogolik, yi wene ti wene tha'bokhogonat ilu anek welagarek, iluk, at ilhanem ninakla the ninayuk dekhogonat dogosak o.