1 Yohanes 2:13 - ALLAH ANE WENW KET MEKE WAROGO WOKNINAKHIKHE WENE

¹³ Nopase lak o. At alebageik erlo baga nen welagarek meke etnogo ebe hinilu agagisip welagap iti nen, holal waganogo hinoba la'i agei. Nen, elege nagarumi o. Hit nen at obabut weak meke etnogo arat obatne degetdisigip welagap iti nen, holal waganogo hinoba la'i agei o.

1 Yohanes 2:13 ပူးပေါင်းရင်းမြစ်များ

Matius 11:27

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat iteerek dogoagaluk woknikhikhe. Nen, an Allah a'but yi, akhuni tha'bokhogonat motok inokodek mekeat he, nopase Allah arligat anek ilu welagarek. Iti hagat, an nopase Allah iti akhuni tha'bokhogonat motok inokodek mekeat he, a'but an narligat anek nilu welagarek o. Nen, Allah a'but an nenat nakla apalok nen nopase ebe akhuni aperek inilu asuagaluk pakhogon yogeisegerek meke itiat inilu ageikharek.

Matius 13:19

Ai hilik aperek holagarlem usa'isikhe iti ebe it akhuni aperek Allah apma 'bisekherek wene iti inasuk holharethegat, ebe hutukhogo hutdigidek halok, at obabut weak meke etnogo wagarethek nen, wene inetaikenma ai yago meke iti henogo horlalok lagarek itiat o.

Matius 13:38

Nen, wen iti ebe re, o agat oba yoma yi ai ti ai tha'bokhogonat o. Nen, ai hano meke ebe re, akhuni Allah apma welageikharek inebe itiat o. Nen, ai weak meke iti ebe re, at obabut motok weak meke a'buri itiat o.

Matius 5:37

Hit nen, I o, uogoluk halok he, I oat usak. Nen, Dek o, uogoluk halok he, Degat usak o. Wene ninat meke ageikhe lapeli lagap halok he, Iblis obabut weak meke etnogo nen hinakla kagalhe korlek ugun o,” iluk yogeisasikhe.

Lukas 10:22

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat an ite dogoagaluk woknikhikhe. Allah a'but iti tha iluk akhuni tha'bokhogonat inokodek mekeat, an nopase arligat anek ilu welagarek. Iti hak, an nopase Allah iti tha, iluk akhuni tha'bokhogonat inokodek mekeat, at a'but an narligat anek nilu welagarek o. Nen, Allah a'but an nenat nakla apalok nen, nopase ebe akhuni aperek inilu asuagaluk nane pakhogon yogeisagein meke itiat inilu ageikharek o,” iluk yogeisasikhe.

Yohanes 14:7

it tha'bokhogonat yogeisekhe dogolik, “Hit an nebe hinilu agap iti, an nopase hinilu asiginat o. Hinilu asigin iti, hurli yogotak hurli nen, at ebe hinilu ageik, hinileken higik, arat hekhe lagap o,” iluk yogeisekhe lageikhemo,

Yohanes 14:9

at Yesus nen, men yogokhikhe, “Filipus nagot o. An o haganeat eloma nenat ninom welago mekeat he, hat nen an nebe hutdanhidek welaganma higi, e a? At tha nen an ileken neekhe iti, an nopaseat ileken hekhe o. Itithogon mekeat he, hat nen, Hopase iti yakulnisan o, iluk egen iti nikithogon nen egen.

Yohanes 16:3

It nen itithogon hagathinabugun iti, an nopase nipisak ninebe inokodek iti nenat hagathinabugun o.

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

Yohanes 17:21

Nopase. An nen kino yokhekhe lagei yi, men iluk. An nen nopase hat nipisak hunik, nen, nopase hat nen an nipisak hunik, welagorek iti hak, it itithogonat inebe tha'bokhogonat opakiat dogoagaluk kino yokhekhe lagei o. Itithogon werekma, it akhuni agat oba meke nen, ekhe dogolik, At he, opase nenat la'i ageikhe iti eberogonat, iluk hutduagaluk, it inebe nit ninom hunigat dogouok o.

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Yohanes 8:19

it nen he, “Hat hopase iti koma werek o?” iluk yogokhukhama, at Yesus nen he, “An nebe yi men, nopase men, hinokodegat o. An nebe hinilu dogolepma re, nopase iti hinilu dogolebat o,” iluk yogeisasikhe.

2 Korintus 4:6

At Allah nen ekhe dogolik, “O mum iti akla nen lia atnek,” iluk isikhe iti hak, at nenat nit ninakla mum meke iti liatninakhikhemo welago. Itithogon dogolik, at Kristus elokhoken a'bi'bal yakhunem ninileken lakhalok nen, at Allah hogorakharek meke etnogo ebe itigirlik iluk hutdekhe dogoagaluk itithogon liatninakhikhe.

1 Timotius 5:1

Hat nen, ap inarluetek halok he, hane obatnerogo negen yogeisigidek, hopase lak negen hane liokhogonat inasuk wakhe dogono. Nen, ap elege iti re, hagarlak lak negen hinom welageik,

Titus 2:6

Iti hagat, it ap elege iti nen, yi meke ti meke hasik inetaiken inekaerek nen therogo dogoagaluk inasuk wakhe dogonoat o.

1 Yohanes 1:1

Wene holal waganogo hinoba la'i ago iti ebe re, ebe wene ninilugutninakherek meke ebekeram erloma nen welagarek etnogo meke. Wene iti, nit arat ninasuk holhik, ninileken tomok higik, 'birogo welageik, niniki hakhigik, hagakhugu meke etnogoat o.

1 Yohanes 2:1

Nen, na'buri o. Hit weak hagakhe dogunogo iluk, wene yi holal waganogo hinoba la'i agei o. Itithogonat mekeat he, tha nen weak hagakhe halok, ninopase Allah werekma nit yomaknisekherek meke ap ageikhe turlem heisogo werek. At iti ebe Yesus Kristus obabut mot hagakherek meke etnogoat o.

1 Yohanes 2:12

Na'buri o. Weak hagakhe lagagip meke Allah nen a'but Yesus hagakhikhe iti baga thagalogo here'isekhe iti nen, an nen holal waganogo hinoba la'i agei o.

1 Yohanes 2:14

Yekerugi na'buri o. Ninopase Allah hinilu agasigip welagap iti nen, holal waganogo hinoba la'i ageik, hit nopase lak, at alebageik erloma nen welagarek meke etnogo ebe hinilu agagisip welagap iti nen holal waganogo hinoba la'i ageik, hit elege nagarumi, hit hinobatne werekma Allah ane hinakla werekmaat, at obabut weak meke arat obatne degetdisigip iti nen, holal waganogo hinoba la'i ageik, hagakhi iti o.

1 Yohanes 3:12

Nit nen he, at Kain ebe Iblis obabut weak meke iti a'but ageikhesik ekaerek agot meke wakhikhe iti hagat, hagasusak dek o. At nen agot wakhikhe iti, nenaluk wakhikhe. At hagakhe lageikhe meke korlo motok nen, agot hagakhe lageikhe meke mot motok, iti nenat wakhikhe o.

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

1 Yohanes 5:18

Nit Allah a'buri itakninakhe meke at a'but alebageik itakhikhe meke etnogo nen thetnisik werekma, at obabut weak meke etnogo nen iki haknisagein dek o. Halok he, nit weak hunik motok hagakhe dogosak dek, iluk ninilu o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

A'bikaka 12:11

It ninagarlak lak ninerugi iti inekaerek inebe inakmu ageidek, Ninakha halok he, hanoat o, iluk nukhunem inakha. It iti, Domba Eak amep ulabogo wakhukha iti baga inom, it nen Allah ane ebe wene iti pakhogon yogeisilik nekhe lageikha iti baga inom, Iblis etnogo arat obatne degetdisega iti o.

A'bikaka 2:7

Nen, wene igi meke iti, at Allah Agoreke nen Allah a'buri o yi ai ti ai natogokharek meke yogeisiliogo iti, hinasuk holusak halok he, hanorogo holino o. At tha nen obatne asigin halok he, Allah ayabumo o eken inilugurinakherek meke iti noagaluk melageisigin o, iluk wene tha'bokhogonat yogeisigi meke iti, holal waganogo inoba la'ino,” iluk yoknekhe.