1 Yohanes 2:10 - ALLAH ANE WENW KET MEKE WAROGO WOKNINAKHIKHE WENE

¹⁰ Itithogon mekeat he, tha nen agarlak lak erugi akmurogon welagarek halok he, at ebe lia baga motok dogolik, akhuni nen it aperek waroagaluk ineram nen holak palharek iti hak, it aperek weak hagasuagaluk nukhetdisekherek dek o.

1 Yohanes 2:10 ပူးပေါင်းရင်းမြစ်များ

Matius 13:21

wene iti inetaikenma omaken yakhidek nenat, iniki pererlagat welageikharethek nen, akhuni aperek nen Allah ane iti hasik yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o.

Matius 18:7

It akhuni agat oba meke yoma, it ageikhe nen an kolelogo here'anuagaluk inakla kagalumo motok weak asugun iti nen, eiye, nakmu lak o. An kolelogo here'anuagaluk inakla kagalhe dogogun mekeat he, it inakla kagalugun werek iti Allah nen motok weagarinabigin werek o.

Yohanes 11:9

at Yesus nen, men yogokhukha, “O iniki opakiat hasik wi isinem, huben jam 6 logat hiamaganekeke jam 6 agunem dapukhogon 12 jam iniki wenakharek etnogo dek? Tha nen o mo akhuni agat oba liarinakherek meke iti ileken hekhe dogolik, ebe lia baga laga halok, isok a'bit dikhogon waragein motok dek o.

Yohanes 12:35

Itithogon yogokhukhama, at Yesus nen, men yogeisasikhe, “An nebe o liarinakherek meke etnogo we niki herlekha'bugat ninom dogogun o. Halok he, at tha nen o hibako mummo laga halok he, O koma laga lagei heat, iluk okodegat liliogo iti nen, hit lagunem o mum asinogo, iluk, an o liarinakherek meke ninom werek korlek yaat lia baga laga dogoni o.

Yohanes 8:31

Inetaiken itithogon hakotdisukhama, at Yesus nen he, it ap Yahudi meke inetaiken at oba hakotdisukha meke men yogeisasikhe, “Hit an nane hologo hagakhe dogogun halok he, hinebe an nagarumi ebe meke napma dogolik,

Roma 14:13

Iti nen, nit-nit nen, ageikhe wene oba 'bigik, ageikhe nen, ageikhe wene oba 'bigik, 'bekhe dogosak dek o. Nit nen, ninagarlak lak ninerugi ninom ninetaiken Allah oba hakotdekhe lago meke, weagarinakhik, inakla korlotdisigik, hagasunogo iluk, hinobabut hanorogo hagakhe dogono o.

Filipi 1:10

Hit itithogon hutdiluk hagakhe dogogun halok, hinakla nen he, “Yi hano. Hagasusak meke,” igik, “Iti weak. Hagasusak dek meke,” igik, hutdekhe dogogun iti. Itithogon hagasugun halok, Kristus wisigin itinem, wene hinoba degat, hano karelek motok werekma wisigin iti o.

2 Petrus 1:10

Iti nen, nagarlak lak nerugi. Hinebe Allah nen wenakhinakhikhesik hinayoko 'bisikhe iti, eberogonat hagatlasuagaluk, hit nen hinobatnerogo hagakhe dogono. Itithogon hagakhe dogogun halok, hinetaiken Allah baga hakotdiluk welagap meke here'isalok dukhugun dek o.

1 Yohanes 2:11

Itithogon mekeat he, tha nen agarlak lak erugi motok a'it welagarek halok he, at ebe o mum oba werek o. Itithogon werekma, mum nen ileken mumetdekhemo ebe o mum oba nekhe dogolik, “Koma laga lagei heat,” okodek obakha palek werek o.

1 Yohanes 3:14

Allah nen ninebe watlageikharekma nen wokninabiluk iniluk welageikharekma 'binanhemo welago iluk, nit-nit ninagarlak lak ninerugi ninom nakmu-hakmurogon welago iti nen hutdekhe lago o. Halok he, tha nen akhuni aperek akmurogon dek, a'it welagarek meke iti ebe watlageikharekma etomaat werek o.