1 Yohanes 2:1 - ALLAH ANE WENW KET MEKE WAROGO WOKNINAKHIKHE WENE

¹ Nen, na'buri o. Hit weak hagakhe dogunogo iluk, wene yi holal waganogo hinoba la'i agei o. Itithogonat mekeat he, tha nen weak hagakhe halok, ninopase Allah werekma nit yomaknisekherek meke ap ageikhe turlem heisogo werek. At iti ebe Yesus Kristus obabut mot hagakherek meke etnogoat o.

1 Yohanes 2:1 ပူးပေါင်းရင်းမြစ်များ

Lukas 10:22

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat an ite dogoagaluk woknikhikhe. Allah a'but iti tha iluk akhuni tha'bokhogonat inokodek mekeat, an nopase arligat anek ilu welagarek. Iti hak, an nopase Allah iti tha, iluk akhuni tha'bokhogonat inokodek mekeat, at a'but an narligat anek nilu welagarek o. Nen, Allah a'but an nenat nakla apalok nen, nopase ebe akhuni aperek inilu asuagaluk nane pakhogon yogeisagein meke itiat inilu ageikharek o,” iluk yogeisasikhe.

Yohanes 13:33

Na'buri. An niki pererlagat anek ninom dogoluk nen ligin o. Lamo, hit nen an nebe heraknakhe dogogun mekeat he, alebat an nen ap Yahudi meke yogeisasigi hak, o an liginmo etoma hit nen heraknabik lugun dek o, iluk yogotak hit yokhisigiat o,” iluk yogeisasikhe.

Yohanes 14:16

Itithogon hagakhunem, hit yomakhisekhe dogolik, hinom motok dogobageik nen iluk, an nen nopase kino yogosumo, at nen at ageikhe usakhisasigin o. At iti ebe Allah Agoreke ebe wene yokhisekhe dogogin meke. Itithogon hinoba usakhisasumo, it akhuni agat oba meke nen, at iti ebe inokodegat. Nen, ebe inileken hugun degat, iti nen ebe waganusak erlok degat o. Itithogon mekeat he, hit anek he, at ebe hinom dogolik, hinakla motok dogogin iti nen, at ebe hinilu dogogun o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 21:5

Itithogon hutdigidek werekma, at Yesus nen men yogeisasikhe, “Warligi yi. Nagarumi. Ikan ageikhe waganhep a?” iluk yogeisasikhemo, it nen, “Motok dek o,” iluk yogokhukhama,

Yohanes 5:14

Itithogon hagakhukhasikmo nen, yabokane at Yesus ap etnogo ipisak Allah ai halekma abuk agoukhasik nen, men yogokhikhe, “Nopase. Yogotak hat hoba u arat dek aga iti yabokane weak kok meke ageikhe hoba asunogo, weak meke ageikhe hagakhun o,” iluk yogokhikhe.

Yohanes 5:36

an nebe hutdanuagaluk, at nen nabok pilinogo yokhisekhe lageikhe mekeat he, erlok dek negen. At he, an nopase nen, Nayabu ato 'bigidek tha'bokhogon hagatno, iluk nayoko 'bisikhemo hagakhe lagei iti baga anek he, akhuni nen, At ebe opase nen la'i ageikhemo, iluk nabok isinem inasuk holiluk nebe hutdanu hagat, hutdanusak o.

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

Yohanes 8:11

at he etnogo nen, “Noe. Motok dek o,” iluk yogokhikhemo, Yesus nen, men yogokhikhe, “An meneke wene hoba 'biluk hasigin degat o. Haila lan o. Lalok nen he, hurli yogotak oba nen yabokane weak ageikhe hagakhe dogogun o,” iluk yogokhikhesik aila la'isikhe.]

La'isasikhe 7:52

It ap Allah ane yogeisekhe lagoukha meke emenogo, hinopa lak nen inebe weagarinakhidek aperek welagoukha nogo? Weagarinakhe lagoukha anek apigi. It Allah ane yogeisekhe lagoukha meke nen, Allah atuaneke obabut mothogon hagasigin meke iti yabokane wisigin o, iluk ebe wageidek werek korlek, it abok tak ekhe lagoukha meke inebe hinopa lak nenat inakhe lagoukha iti. Yabokane, it nen abok tak isukha meke iti ebe wageikhemo nen, hit nenat at ebe wasuagaluk yoko lageik, ebe wakhik, hagakhep iti.

Roma 5:10

Nit alebageik he, Allah ninom wim palek werekma, yabokane at a'but watlaga dogolik, Allah ninom dapukhogon 'binanhikhemo welago. Itithogon werekma, at ebe iluk dogolik, tilninabigin dek nogo? Alebageik tilninabusak dekma tilninakhikhesik nen, yogotak ninom hunik dogolik, tilninabiginat o.

Roma 6:15

Halok he, wene iti ilugun oba, nikithogon usak? Nit ninebe wene Allah nen ninasuk wakhikhe wene etnogo baga hakokthek welago dek. At he, Allah obabut hano nen akmutninakherek iti baga hakokthek welago iti nen, weak hagakhe dogosak nogo? Motok dek o.

Roma 8:34

Nen, wene ninoba 'biluk nen, tha nen weagatninabusak nogo. At Kristus Yesus watlageikhesikmo Allah nen ilugutdisikhemo, pogot oba dageiluk, at alilu iki ebeke ebe kok dogolik, nit hasik Allah ayoko 'biliogo.

1 Korintus 15:34

Weak hagakhe lagap meke iti here'isalok, yogotak hinobabut hebelatni o. Hit aperek Allah ebe hinokodek welagap iti nen, hinekarli wasigiluk yokhisigi iti o.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

Galatia 4:19

Meke re, na'buri hinebe nakmu lak o. Humi nen ineagei itaginabuogoluk hinet wakharek hak, an nen yabokane itakhinabumo, hit hinobabut Kristus obabut hakene hagatlatlep o! iluk, hit hinobasik an noba u hinet weak wakhe lagei.

Efesus 4:26

Hinakla aga dageikhe halok, weak hagakhup. Hinakla aga apik werekma, Iblis nen hinakla kagalinogo iluk, o mulikin korokhogon ukigidek werek korlek, thagalogo hanoratno o.

1 Timotius 2:5

Allah ebe opakiat anek o. Nen Allah ninom nit akhuni ninom turlem heisogo dogolik dapulninabiogo meke ap ebe Yesus Kristus iti opakiat anek o.

1 Timotius 3:14

An ibat 'bikheasigiluk nakla apekhe dogoligat he, aban wageidek dogogin halok, nit Allah a'buri ninom dogolik ninobabut hagakhe dogosak meke hilu asuagaluk wene yi tha'bokhogonat holal waganogo hoba la'i agei iti o. O oak tilik oba nen o herlaga a'bethogon welagarek iti hak, nit Allah iluk motok welagarek meke a'buri natogokhorek iti baga nen, Allah ane ebe wene a'bethogon hago welagorek iti o.

Ibrani 9:24

at Kristus o Allah ekaerek ai iluk akhuni nen oba lisogon halhukhama iti ukisikhe 'buk. Dek o. At he, pogot ebe baga ukisikhesik Allah werekma etoma nit ninobasik werek o.

Yakobus 1:27

Ninopase Allah nen, “Akhuni nen an nakla hanorogo mot hano motok hagakhe dogosak he, yigithogon. Yekerugi irlagakot meke inom, humi thoge meke inom, nuk atluk werekma yomageisigik, akhuni agat oba weak hagariogei meke iti inobabut waganhidek inekaerek nen kareligik, hagakhe dogosak o,” iluk akla apekherek iti o.

Yakobus 3:9

Nina'bi iti baga ninopase Etagapogot Allah hogorakhik, akhuni at ebe hakene winametdinanhikhe meke homan 'bisigik, hagakhorek iti o.

1 Petrus 2:22

At nen, “Weak ageikhe hagakhidegat. Nen, ekalat isinem, akhuni aperek inasuk holhidegat o.”

1 Petrus 3:18

Nit akhuni weak hagakhorek iti hasik niniki ilugun oba, at Kristus yabokane watlageidek dogeigiluk opaki hasigat watlageikhe. Ninebe Allah oba woknisik lagaluk, at obabut mothogon hagakherek meke nen, nit ninobabut korlo hagakhorek meke hasik watlageikhe iti. Ebe nit akhuni meke iti wakhukhama watlageikhe mekeat he, agoreke meke iti Allah nen ilugutdisikhe iti.

1 Yohanes 3:18

Halok he, na'buri o. Nit nen akhuni aperek ninakmurinakhidek dogoligat he, ninape baga anek he, “Ninakmurinakhe dogouok o,” iluk ekhe dogosak erlok dek o. At he, inebe ninakmurinabiluk, niniki baga nen eberogonat yomageisekhe dogouok o.

1 Yohanes 3:5

At Kristus ekaerek weak hagakhidek dogolik, nit weak hagakhorek meke thagalogo degetdisagaluk ebe thelekmaat wageikhe iti hinilu o.

1 Yohanes 3:7

Na'buri o. It akhuni aperek nen nukhetdinagunogo iluk hinobabut hebelogo dogono o. Tha nen obabut mothogon hagakherek halok he, at Kristus obabut mothogon hagakherek iti hagat, hagakho werek o.

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

1 Yohanes 5:21

Halok he, na'buri o. At ebeat meke welagarek iti here'isalok, kaneke oba hakotdiluk dogolik weak hagakharek iti hak, hagasunogo iluk, agorlerakhe dogolik, hinbabut hebelogo dogono o.

3 Yohanes 1:4

Itithogon isinem an nen yi hasik ti hasik nakla arleken herlekha'bugat negen akhegerek mekeat he, hit hinebe an na'buri nen ebe wene herogo dogolik, hano mothogon hagakhunem nasuk holherethek nen, nakla arleken motok kogat akhegerek iti o.