1 Yohanes 1:9 - ALLAH ANE WENW KET MEKE WAROGO WOKNINAKHIKHE WENE

⁹ Meke re, nit weak hagakho meke thelekma 'bualogon ugun halok, at Allah obabut mothogon motok dogolik, wene abok yoknisekherek hagat, hagakherethekma, nit weak hagakhorek meke thagalogo here'isalok, weak hagasuogoluk ninakla ebekhorek meke thobalninakherek.

1 Yohanes 1:9 ပူးပေါင်းရင်းမြစ်များ

Matius 3:6

Wagoukhasik nen, yi weak ti weak hagakhe lagoukha meke 'bualogo thogotdisugunem, i Yordan ima usa'isekhe lageikhe.

Markus 1:5

Itithogon yogeisugunem he, it akhuni o propinsi Yudea, meke inom, o kota Yerusalem meke inom, inebe tha'bokhogonat, at oba natogosi aga lagoukha. Natogosi wagoukhasik, yi weak ti weak hagakhe lagoukha meke 'bualogo here'isugunem, at nen i Yordan ima usa'isekhe lageikhe.

Lukas 22:57

at Petrus nen la'belhe dogolik, men yogokhikhe, “Dek o. Horlak yi! Ap iti ebe an nokodek o,” iluk yogokhikhe.

Yohanes 17:25

Allah mothogon anek hagakhetek meke, nopase. It akhuni agat oba meke hat hebe inokodek mekeat, an anek, hat nilu o. Nen, it hat nen woknikhigin meke anek, At nen la'i ageikhe iluk, iniluat o.

La'isasikhe 19:18

Nen, it akhuni inetaiken Yesus oba hakotdisukha meke inebe wagoukhasik nen, weak hagakhe lagoukha meke akhuni doalegat inil oba 'bualhe lagoukha.

1 Korintus 1:9

At Allah nen a'but ninoe Etagapogot Yesus Kristus hinom hunik dogobageik iluk hinayoko 'bisikhe iti. Itithogon, at obabut hupulik meke nen hinayoko 'bisikhe iti nen, ebeat asigin iluk hinetaiken wene munini tirliphogon dogosak o.

1 Korintus 6:11

Alebageik hit aperek itithogon hagakhe lagagip mekeat he, yogotak Allah nen hinakla hano thobalogo 'binageisikhesik, hinebe at ekaerek hasik 'bakhasikhemo welagap o. Wene hinoba welageikhe meke iti, ninopase Allah Agoreke nen ninoe Etagapogot Yesus Kristus etaga baga, korogo wokhasikhesik Allah hinom dapulogo 'binageisikhemo welagap o.

Efesus 5:26

At Kristus nen itithogon hagakhikhe iti, nit Allah a'buri tha'bokhogonat ninebe ninoba nino'ban dek, ninoado hurarlo dek, hano dogou hak, at il oba ukum ninoba dek, hano motok karelek dogoagaluk, ninebe ima usa'inanhunem, at ane etnogo baga, thobalogo 'binaniluk, at ekaerek hasik bakhagaluk ebe watlageikhe iti o.

1 Timotius 1:15

Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Ibrani 10:23

At obabut he, “Wokhisagein,” iluk abok yoknisekherethek, ebe woknisekherek iti, nit nen, “Eberogonat hutukhogon woknisagein,” iluk akhuni inil oba ninane pakhogon ogorek meke iti isi motok dogolik, a'bethogon hago dogouok o.

Ibrani 11:11

Nen, at Abraham ebe yaman ageikhesik age Sara ebe abirli welageikhe mekeat he, at Abraham akla nen he, Allah nen abok yoknisasikhe etnogo eberogonat woknisageinat o, iluk etaiken Allah oba hakotdiluk welageikhe iti baga, a'but Sara eak akla itasusak erlok ageikhemo itakhasikhe.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

1 Yohanes 1:7

Itithogon mekeat he, Allah ebe lia baga welagarek iti hak, nit meneke, lia baga dogolik, hano hagakhe lago halok he, nit-nit nagarlak-hagarlak ninom hunik werekma, nit weak hagakhunem at a'but Yesus amep oba hotninakho motok welagarek o.

A'bikaka 15:3

Itithogon dogolik, etai at Musa Allah atuaneke etnogo inom, Domba Eak etnogo inom, ipisak inaetai wakhe dogolik men ekhe lageikha, “Allah ninopase, u a e, Hat hobatne horleakma re, u a e, Yi meke ti meke hagasusak anekma, u a e, Elalin kokhogon inayuk meke anek hagakhetek o, u a e, Hat yi akhuni ti akhuni inopase Hetagapogot dogolik, u a e, Mothogon anek hagarinakhetek, u a e, Hano anek hagarinakhetek, u a e, Ninopase, u a e. Ninopase Hetagapogot hat harligat karelogo dogolik, u a e, Akhuni ukum inoba 'bigik, kokhik, hagakhe dogolik, u a e, Akhuni tha'bokhogonat inil oba, u a e, Eberogonat motok hagakhen o, u a e, Akhuni inukuloak etaga tomok tha'bokhogonat, u a e, Hapma ukitluk, u a e, Initibagal yukukhogon, u a e, Hogothakhik, heagei wathakhik, hagakhunem, u a e, It akhuni thani hak nen hat inayuk dek dogolik, u a e, Hogothakhidek huk asusak, u a e, Dek, u a e,” iluk etai wakhe lageikha nasuk holhi.