1 Yohanes 1:2 - ALLAH ANE WENW KET MEKE WAROGO WOKNINAKHIKHE WENE

² Nen, at iluk motok welagarek meke iti, ebe opase ipisak iluk motok welageikhesik nen, opase nen nit ninileken hoagaluk thelekmatdisikhemo ninileken hasugusik nenat abok yokhisekhe lago o.

1 Yohanes 1:2 ပူးပေါင်းရင်းမြစ်များ

Yohanes 1:18

Akhuni nen Allah ebe inileken motok higidek meke re, at a'but irlagapi itago opase alilu ipisak welageikharek meke iti nenat Allah ebe hutukhogo yakulnisa ageikhe iti.

Yohanes 1:4

Ninilugutninakherek meke erlo arat welagarek iti nen, nit akhuni liatninabi ageikhe.

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 15:27

At nen an nabok itithogon isi korlek, hit meneke, an hit ninom ebekeramat nen welagagusikmo iti nen, hit nen an nabok pakhogon yogeisekhe dogogunat o,” iluk yogeisasikhe.

Yohanes 16:28

An nebe Allah werekma nen akhuni agat oba meke inoba usa'agagi mekeat, yogotak it agat oba yoma 'bisalok nopase oba napuke dageigin o,” iluk yogeisasikhemo,

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Yohanes 17:5

Nopase. Agat aban walhigidek dogolik, nipisagat kok welagagu etnogo meke, yogotak hat werekma etoma kogotdanino.

Yohanes 19:35

Itithogon hagatlagunem, ap ageikhe ileken welageikhe meke nen, hit hutdubageik nen iluk, at ileken hasikhe meke nen abok pakhogon iliogo iti. Nen, at nen meneke, “Eberogonat nileken hutukhogonat higirik abok pakhogon yokhisigi” iluk, at iluat o.

Yohanes 21:14

At Yesus itithogon hagakhikhe iti, at ebe watlageikhesik nen apuke iluk ageikhesik oba nen, iki pere baga agarumi inelokhoma wisam ageikhesik nen ageikhe yabokane wisam ageikhe itiat o.

Yohanes 3:13

Itithogon yogokhikhesik nen, men yogokhikhe, “Ap ageikhe agat oba nen pogot oba motok dageigidek. At he, an pogot oba nen abat itaklasi usa'agagi etnogoat o.

Yohanes 7:29

Itithogon mekeat, an anek he, at nenat la'ani ageikhemo, o at werekma etoma nenat wagagi iti nen, an at ebe nilu o,” iluk yogeisekhe lageikhemo,

Yohanes 8:38

An he, nopase nipisak dogolik nileken hekhe lagagi mekeat yokhisekhe korlek, hit anek he, hinopase etnogo nen ekherek meke ane hologo hagakhe lagap o,” iluk yogeisasikhe.

La'isasikhe 10:41

Itithogon winametdisikhe mekeat he akhuni tha'bokhogonat inileken higidek. Alebat at Allah nen, It inebe etaat inileken hoak o, iluk wenakninakhikhe meke anek, at Yesus ebe warek werekma Allah nen ilugutdisikhemo, nit at ebe ninom dogolik hipiri men, i men, ninomat nasugu.

La'isasikhe 2:32

Itithogon isikhe tak-tagat, at Yesus Allah nenat ilugutdekhemo, nit ya tha'bokhogonat ninileken hogosik niniluat welago iti.

La'isasikhe 3:15

Ninilugutninakherek meke erlo ebe at mekeat he, hit nen wakhepma Allah nen, ebe warek meke ilugutdekhemo, nit ninileken eberogonat hogosik nen yokhisekhe lago.

La'isasikhe 5:32

Itithogon hagakhe iluk nit ninileken hutukhogon hogosik nen, Eberogonat, iluk pakhogon yokhisekhe lago. Akhuni Allah ane hologo hagakhorek meke, at Agoreke woknisekherek iti ninom nenat wene iti yokhisekhe lago,” iluk yogeisasikhe.

Roma 8:3

Alep he, wene Allah nen ninasuk wakhikhe wene etnogo, nit akhuni ninobabut ninobatne dek iti nen, hano hagatninabusak erlok dek ageikhe. Erlok dek ageikhemo, nit akhuni ninobabut weak hagakho werekma, Allah ekaerek a'but nit hakene hagatlatluk, nit weak hagakhorek meke iti wene oba 'biluk obatne degetdisoagaluk la'i ageikhemo obatne degetdisikhe iti.

Galatia 4:4

Werekma, at Allah nen a'but ayoko 'biluk agat oba la'isusak arat asi ageikhemo, la'i ageikhemo, he agat oba meke nenat itakhikhe. Itithogon itakhikhemo, wene Allah nen ninasuk wakhikhe wene etnogo apma dogolik asuk hologo hagakhe lageikhe.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

2 Timotius 1:10

Itithogon apasikhe meke limago werekma, yabokane Kristus Yesus tilninakherek meke ebe thelekma ageikhe iti baga ekagat ageikhe iti. At ane hano wene iti baga, watlariogei erlo iti erlok degetdigik, watlageidek niniluk motok dogogun meke iti, winametdigik, hagakhikhe.

Titus 1:2

At Allah nen, yi meke ti meke aban winametdigidek dogolik, nit akhuni ninobasik men isikhe, “Akhuni an nen winametdisalok nen, inebe iniluk motok dogoagaluk, hano hagarinabigin,” iluk abok isikhe iti, “Ekalat ekherek dek o,” iluk ninakla eberek dogolik, ebe wene yakulisekhe lago iti o.

1 Petrus 5:1

Hit Allah a'buri therisik welagathep iti hak, an itithogonat therisik welagarek meke nen hinasuk ageikhe wasik. At Kristus oba yi aik ti aik hilik hilik watlageikhe iti, an nileken hasigi. Nen, yabokane Allah nen ebe winamhogo la'isigin iti wagunem, akhuni nen hogorasugun iti, an ninom hogotninabugunat o. An nane liokhogon hinasuk wasik.

1 Yohanes 1:1

Wene holal waganogo hinoba la'i ago iti ebe re, ebe wene ninilugutninakherek meke ebekeram erloma nen welagarek etnogo meke. Wene iti, nit arat ninasuk holhik, ninileken tomok higik, 'birogo welageik, niniki hakhigik, hagakhugu meke etnogoat o.

1 Yohanes 2:25

Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.

1 Yohanes 3:5

At Kristus ekaerek weak hagakhidek dogolik, nit weak hagakhorek meke thagalogo degetdisagaluk ebe thelekmaat wageikhe iti hinilu o.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.

1 Yohanes 4:2

Hit nen he, “At iti Allah Agoreke meke akla werek a? Ninat meke a,” iluk inobabut tak palhe dogosak iti yigithogon. It aperek witluk nen, “At Yesus Kristus iti, Allah nen la'i ageikhemo eberogonat abat itaklasi ageikhe,” iluk pakhogon egarek meke nen isi halok he, hit nen he, “It iti Allah Agoreke inakla dogolik iliogei,” iluk hutdisekhe dogosak o.

1 Yohanes 5:11

At Allah nen a'but hasik wene pakhogon yoknisekhe dogolik, “Inebe iniluk motok welageikharek iti, erlo re, an na'buratma, an nen Yesus ebe wokhisekhe dogolik, naburlal-haburlal ebeat meke wokhisasigi iti,” iluk yoknisasikhe.

1 Yohanes 5:13

Hit hinetaiken Allah a'but oba hakotdiluk welagap meke hinakla nen he, “Naburlal-haburlal iteerek agosik welago,” iluk hinilu asubageik iluk, wene tha'bokhogonat yi holal waganogo hinoba la'i agei o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.