1 Yohanes 1:10 - ALLAH ANE WENW KET MEKE WAROGO WOKNINAKHIKHE WENE

¹⁰ Itithogonat meke re, nit nen he, “Weak ageikhe hagakhidek welago,” iluk ogorek halok he, nit nen, “Allah ekalat ekherek,” iluk u hagat ogorek iti nen, Allah ane nit ninakla motok dek o.

1 Yohanes 1:10 ပူးပေါင်းရင်းမြစ်များ

Yohanes 3:33

Itithogon thogotdsegarek meke re, it akhuni aperek nen, At nen wene pakhogon yoknisekherek meke iti eberogonat iluk waganiogei meke nen, Allah ane iti eberogonat iluk waganharek o.

Kolose 3:16

Akhuni inameke doalegat meke inikierek welageikharek hak, hit nen, Kristus ane itiat hinetaikenma obatnerogon 'biluk dogolik, hinakla kagalogoat, hit-hit wene hinasuk wat-wat hagakhe dogolik, wene hit nen yakulisigik, it nen yakulhisigik, hagakhe dogono. Yakulisekhe dogolik, Allah hasi etai Mazmur meke wakhik, etai Allah hogorakharek meke wakhik, Allah Agoreke nen hinakla kagalhunem, etai ket kagalogo wakhik, hagakhe dogolik, hinetaikenma nen Allah heagei wakhe dogono.

1 Yohanes 1:8

Itithogonat meke re, nit nen ekhe dogolik, “Nit weak ageikhe hagakhidek,” iluk ekhe lago halok he, ninekalat ninekaerek nukhetdakhekhe lago iti nen, ebe wene ninakla motok dek o.

1 Yohanes 2:14

Yekerugi na'buri o. Ninopase Allah hinilu agasigip welagap iti nen, holal waganogo hinoba la'i ageik, hit nopase lak, at alebageik erloma nen welagarek meke etnogo ebe hinilu agagisip welagap iti nen holal waganogo hinoba la'i ageik, hit elege nagarumi, hit hinobatne werekma Allah ane hinakla werekmaat, at obabut weak meke arat obatne degetdisigip iti nen, holal waganogo hinoba la'i ageik, hagakhi iti o.

1 Yohanes 2:4

Meke re, tha nen, “An he, Allah ebe nilu,” iluk ekhe dogoligat he, at nen wene ninasuk wakherek wene iti hologo mothogon hagakhidek halok he, at ekalat ekherek iti. Halok he, ebe wene iti akla motok dek o.

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

1 Yohanes 5:10

Akhuni inetaiken Allah a'but oba hakotdiliogei meke nen he, “Wene iti eberogonat o,” iluk inakla nen hutdiliogei. Itithogon mekeat he, akhuni aperek inetaiken Allah oba hakotdigidek meke nen he, “Wene Allah ekaerek nen a'but hasik abok isikhe wene iti eberogonat,” iluk apigidek dogolik, Allah ekalat ekherek meke negen hagarogo 'biliogei o.