1 Yohanes 1:1 - ALLAH ANE WENW KET MEKE WAROGO WOKNINAKHIKHE WENE

¹ Wene holal waganogo hinoba la'i ago iti ebe re, ebe wene ninilugutninakherek meke ebekeram erloma nen welagarek etnogo meke. Wene iti, nit arat ninasuk holhik, ninileken tomok higik, 'birogo welageik, niniki hakhigik, hagakhugu meke etnogoat o.

1 Yohanes 1:1 ပူးပေါင်းရင်းမြစ်များ

Lukas 24:39

An nebeat o. Niki nisok yoma hinileken 'bikhani! An he, nino men, noak men, werek iti hak, it mokat iti itithogon motok dek. Halok he, hiniki hakniigik, hinileken niigik, hagakhe dogolik, Yesus ebeat, iluk hinakla apani o,” iluk,

Yohanes 19:35

Itithogon hagatlagunem, ap ageikhe ileken welageikhe meke nen, hit hutdubageik nen iluk, at ileken hasikhe meke nen abok pakhogon iliogo iti. Nen, at nen meneke, “Eberogonat nileken hutukhogonat higirik abok pakhogon yokhisigi” iluk, at iluat o.

Yohanes 20:27

yabokane at Tomas men yogokhikhe, “Hat hakla nen eberogonat iluk hetaiken noba hakotdigidek welagan itithogon dogogun o. Eberogonat iluk hakla apanok nen he, hiki haknealok, niki baga hileken niigik, nabelekenma thege elo hiki kola'igik, hagatluk nen, hetaiken noba hakotdino o,” iluk yogokhikhe.

Yohanes 5:26

Iniluk motok welageihkarek meke erlo an nopase ekaerek ite welagarek iti hak, a'but an niki baga 'banhikhemo iteerek welagei o.

Yohanes 8:58

at Yesus nen, men yogeisasikhe, “An nane eberogonat yokhisak o. Ap Abraham iti ebe aban itaklageidek werek korlek, an nikhok motogat welagarek o,” iluk yogeisasikhe.

La'isasikhe 1:3

Yesus ebe watlageikhesik nen iluk atluk, iki 40 hari inom dogolik, at ebe thekekhogon hutduagaluk yi meke ti meke elalin doalegat hagakhe lageikhe. Itithogon hagakhe dogolik, at nen, “An nebe yi. Inileken hutukhogon neoak o,” iluk eran-alep inelokhoma melatluk inugurisigik, Allah apma dogogun wene yogeisigik, hagakhe lageikhe.

Ibrani 2:3

Iti hak, nit yogotak tilninabusak wene kok iti ninobakhanini here'isagun halok, weagatninabiginat o. Ebekeram he, wene at ninoe Etagapogot ebe nenat akhuni aperek yogeisasikhemo inasuk hokhukha meke nen hutukhogon yoknisasukha meke eberogonat hagatlageikhe.

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.

1 Yohanes 5:7

Yesus iti Kristus at o, iluk, akhuni inebe 3 nen inane opakiat meke pakhogon u hakene, Allah Agoreke nen igik, Yesus ebe ima usakhukha iti baga igi, amep ulabogo wakhukha iti baga igik, thelekma ageikhe iti o.

A'bikaka 1:11

“Hat hileken hegen meke iti, holal waganin o. Holal waganogo nen, it Allah a'buri gereja 7 baga nen natogokharek meke, o etaga Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba la'in o,” iluk yoknekhe.

A'bikaka 1:8

Ninopase Allah Etagapogot obatne horleak iti, ikhok motok dogolik, haganeat welageikhe, yogotak weregat, yabokane motok dogogin meke wisigin etnogo nen ekhe dogolik, “Erlo inom, ekapul inom, anat o,” iluk iliogo o.

A'bikaka 19:13

Nen, at iti asu uanat mep dabulik meke ugu, nen, etaga inilumo ekhe lageikha, “Allah Ane”.

A'bikaka 2:8

Itithogon yoknekhesik nen, yabokane yoknekhe dogolik, “An he, erloma nen logat ekapul oba motogat dogogin meke etnogo arat watlagagisik nen yabokane niluk agagisik welagarek meke etnogo nen, wene yi yokhisik, At malaikat Allah a'buri o Smirna natogokharek meke therisik welagarek meke etnogo, wene an nen yogosigin meke yi, hat nen holal waganogo oba la'in o,