1 Timotius 6:6 - ALLAH ANE WENW KET MEKE WAROGO WOKNINAKHIKHE WENE

^6-7 Meke re, ninagosa lak inakla nen itaklaga dogolik, yi meke ti meke ninikimo wolok wagorek dek iti hak, ninebe watlaga dogolik, yi meke ti meke aperek wolok lugun degat iti nen, ninikierek dogou hak, nit Allah apma ukiluk dogolik ninakla nen, “Erlogat welago,” iluk, ninobakhanini hapugutdiluk dogoumo, ebeat meke thaburagun iti o.

1 Timotius 6:6 ပူးပေါင်းရင်းမြစ်များ

Lukas 12:15

akhuni doalegat emenogo men yogeisasikhe, “Akhuni inameke doalegat welagarek iti baga iniluk welageikharek dek o. Yi meke ti meke an meke anek dogolep, iluk inakla apekhe dogunogo iluk hinobabut hebelogo dogono o,” iluk itithogon yogeisasikhesik

Lukas 3:14

Itithogon yogeisasikhemo, it ap tentara meke wagoukhasik nen, men yogokhukha, “Nit meneke, ninobabut nikithogon hagakhe dogogun,” yogokhukhama, at Yohanes nen, “Akhuni inameke wokhisoagaluk hinane obatnerogon yogeisigik, hinekalat wene inoba 'biluk inauang horlageik, hagasusak motok dek o. At he, yabu hagakhe lagap tak-tagat, oko gaji wokhisiliogei iti, Erlok woknisega, iluk hinetaiken yamukhogonat waganhe dogono o,” iluk yogeisasikhe.

Roma 8:28

At Allah akla apalok nit ninayoko 'bisikhemo, nit at ebe ninakmu welago meke, at ninom dogolik, yi meke ti meke hano asuagaluk, hagatnisiliogo nit ninilu.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

Filipi 1:21

Itithogon welagei iti nakla nen he, nebe niluk welagarek iti, Kristus hasigat. Nen, watlagunem he, hano meke thaburagein iti o.

1 Timotius 4:8

Akhuni inebe hasik mep aborlokhogon asuagaluk hagakharek iti, yogotak ya elanma hasik herlekha'bugat hano negen hagakharek. Meke re, ninetaiken hasik Allah apma dogolik, at ayabu hagakhe dogoumo, at Allah nen he, “Yogotak hiniluk welagap meke hasik inom, yabokane hiniluk motok dogogun meke hasik inom, hano motok hagatlasigin iti o,” iluk, abok yoknisasikhe iti eberogonat.

1 Timotius 6:8

Nen, neke dogosak meke inom, ninoado baga ugu dogosak meke inom, werek halok he, “Iti erlogat werek,” iluk apausak o.

Ibrani 13:5

Allah nen ninebe tomok hasigat ekhe dogolik, “An nen hat niki hetokhogon here'agagik, hebe hasokneat 'bageigik, hagasigin dek o,” iluk isikhe iti nen, hit uang hinetaiken hundiluk dogogup o. Herlekha'bugat werek iti, hit hinakla nen, “Yi erlok werek,” iluk apausak o.