1 Timotius 6:13 - ALLAH ANE WENW KET MEKE WAROGO WOKNINAKHIKHE WENE

¹³ Allah akhuni ninebe inom, yi meke ti meke inom, tha'bokhogonat ninilugutninakherek meke etnogo il obaat, Kristus Yesus akhuni nen ap Pontius Pilatus oba wolok lagoukhama, ane eberogonat pakhogon yogokhikhe etnogo il obaat, wene yi hasuk warogo yokhisigin.

1 Timotius 6:13 ပူးပေါင်းရင်းမြစ်များ

Matius 27:11

At Yesus ap Pilatus gubernur kok meke etnogo oba wolok wagoukhama elokhoma metek werekma, at gubernur etnogo nen itema waganhe dogolik, “Akhuni Yahudi meke inoe etagapogot etnogo harat a?” iluk yogokhikhemo, at Yesus nen, “Hat egen itiat o,” iluk yogokhikhe mekeat,

Matius 27:2

iki herle warogo at Pilatus ebe gubernur kok werekma oba wolok wagoukhasik nen, wogokhukha.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 19:11

at Yesus nen he, men yogokhikhe, “At Allah nen, Hat nen wene akhuni inoba 'bigik, kokhik, hagakhe dogono, iluk hat iteerek 'bageilep dekma, hat nen wene noba 'banusak erlok degat o. Iti nen he, Hat weak hagakhen, iluk wene hoba herlekha'bugat negen werek mekeat, at ageikhe nen an nebe waganogo hat hiki baga 'bani aga meke iti anek he, weak hagakhe, iluk wene kok negen oba werek o,” iluk yogokhikhemo,

Yohanes 5:21

Nen, an nopase nen akhuni warek meke inilugurinakherek iti hak, a'but an nen itithogonat inilugurinabigin, iluk nakla apegerek meke inebe tomok inilugurinakherek.

Yohanes 5:26

Iniluk motok welageihkarek meke erlo an nopase ekaerek ite welagarek iti hak, a'but an niki baga 'banhikhemo iteerek welagei o.

La'isasikhe 17:25

Nit akhuni tha'bokhogonat, at nenat ninebe ninilugutninakhik, thet woknisigik, yi meke ti meke woknisigik, hagakherek iti nen, yi meke ti meke at erlageik iluk nit akhuni nen wogosusak erlok dek o.

2 Korintus 9:13

Itithogon yomageisekhe dogogun iti baga, it Allah a'buri o Yudea meke nen, “It akhuni Korintus meke Kristus hagakhikhe wene hano wene etnogo waganhukhasik, Ninobabut mothogon hagakhe dogogun o, iluk isukha tak-tagat hagariogei. Itithogon hagakhe dogolik it meke aperek warlok ageidek nit yomaknisigik, it aperek tha'bokhogonat yomageisigik, hagakha o,” iluk hinobabut ekagat paldiluk Allah hogorasugunat o.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

1 Timotius 1:12

An alebageik he, Yesus abok weak palhik, ebe nakla nen meanetdiluk Allah a'buri meke yi aik ti aik hagarinakhik, hagakhe lagagi mekeat he, ninoe Etagapogot Kristus Yesus akmutnakhikhesik, “Hat nen yabokane an nobasik hobabut erlok hagakhe dogogin,” iluk, wene yi an noba 'biluk nayoko 'bigik, obatne woknikhik, hagakhikhe iti o. Itithogon weak hagakhe lagagi etanem he, an netaiken ninoe Etagapogot Kristus Yesus oba hakotdigidek dogolik, itithogon hagasusak dek mekeat he, nokodek nen hagakhe lagagi iti nen, at nen nebe akmutnakhikhe iti nen, heagei wakhe lagei o.

1 Timotius 1:15

Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.

1 Timotius 2:5

Allah ebe opakiat anek o. Nen Allah ninom nit akhuni ninom turlem heisogo dogolik dapulninabiogo meke ap ebe Yesus Kristus iti opakiat anek o.

1 Timotius 5:21

Wene yokhigi meke iti, hat nen he, akhuni aperek helokhoma 'bisigik, aperek hoporlike 'bisigik, hagakhidek inom tak-tagat yogeisekhe dogono, iluk Allah inom, Kristus Yesus inom, inil obaat, malaikat Allah nen wenageinakhikhesik yoko usa'isa agarek meke inom, inil obaat yokhigi iti o.

1 Timotius 6:12

Akhuni inae walhauwogoluk tha ae 'busuk tha ae 'busuk walhegarek hak, niniluk motok dogogun iti meke horla lagaluk, hetaiken Allah oba hakotdiluk dogolik, at hasik hobatnerogon hagakhe dogono. Itithogon hagakhe dogoluk, iti meke horla lanogoluk, Allah nen hayoko 'bisikhemo, hat nen he, “Netaiken Kristus oba hakotdiluk itithogon hagakhe dogogin,” iluk akhuni doalegat inil oba pakhogon isigin iti tak-tagat hobatnerogon hagakhe dogono.

A'bikaka 21:6

Itithogon yoknekhesik yabokane ageikhe men yoknekhe, “Arat. Erlo men, ekapul men, anatma, an nebe erlo baga nen logat, ekapul oba nikhok motok dogogin meke nen, akhuni i abu meke i inilugurinakherek meke elesimo nen henago oko dek werlegat wogeisekhe dogogin o.

A'bikaka 22:1

Itithogon yakulnekhemo higirik oba nen yabokane, Allah inom, Domba Eak inom, ipisak kok motok welageikharekma inobolukmo nen, i inilugurinakherek meke elokhoken mirliak hano inamukhak hakene meke elesi hunalogo dukhitluk nen,

A'bikaka 3:14

Itithogon yoknekhesik nen, yabokane ageikhe yoknekhe dogolik, “Erloma yi meke ti meke erlo anat werekma, Allah nen walhasikhe meke iti, at abok nobabut hupukhogon eberogonat anek pakhogon egerek meke, netaga ebeat asuak u hak, Amin etnogo nen wene yi yokhesik, At malaikat Allah a'buri o Laodikia natogokharek meke therisik welagarek meke etnogo wene an nen yogosigin meke yi, hat holal waganogo oba la'in o.