1 Timotius 5:5 - ALLAH ANE WENW KET MEKE WAROGO WOKNINAKHIKHE WENE

⁵ Meke re, humi thoge eberogonat akhuni erlo it meke dekma inarligat dogolik, “Allah nenat yomaknisagein,” iluk, inetaiken at oba hakotdiluk, dikene hibakone ayoko 'bigik, kino yogokhik, hagakho motok welageikharek.

1 Timotius 5:5 ပူးပေါင်းရင်းမြစ်များ

Lukas 18:1

Itithogon yogeisasikhesik nen, at Yesus agarumi ane waganhe lagoukha meke emenogo sembayan ekhe dogoluk nen inakla puk atluk here'igidek, hunik-hunigat ekhe dogoagaluk, wene ageikhe oba lisogon men yogeisasikhe,

Lukas 18:7

Iti hakene, at Allah nen a'buri wenago 'bisasikhe meke nen dikene hibako inane obatnerogon ayoko 'bisi halok, inirlirli woginabigin dek nogo? Inane konhe dogoluk nen, yabokane halok inirlirli woginabigin nogo?

Lukas 2:37

yabokane thoge ageikhesik nen, at ebe umur 84 tahun motok yaman ageikhesik welageikhe. Dogolik iki ageikhe hipiri nikidek hean negen 'bakhalok Allah ai halekma etoma dikene hibako a'it ageidek sembayan isi motok welageikhe.

La'isasikhe 26:7

Alebat nen, nit akhuni Yahudi meke ninukuloak etaga dopok 12 yoma tha'bokhogonat nen, Allah nen, Itithogon hanothinabigin, iluk wene warisasikhe iti, ebe hagarinabuagaluk, inetaiken Allah oba hakotdiluk dogolik, dikene hibako, at hogorakho motok welageikharek. An meneke, wene warisasikhe iti eberogonat hagatninabiginat o, iluk eberek welagei iti nenat, it ap Yahudi meke yi nen ukum noba 'biliogei yi, noe,” iluk at Agripa yogokhikhesik,

La'isasikhe 6:1

Itinem, akhuni Yesus ane waganhukha meke inebe doalegat hagatlagoukhama, it akhuni inebe Yahudi mekeat he, inane Yunani meke nen, men isukha, “Akhuni yi meke ti meke hibiku-yogokuat supurisekhe dogolik, humi thoge nit meke halok kolelogo thogotdisiliogei iti nenaluk,” iluk, it Yahudi inaierek meke inom wene yakhe lagoukha.

La'isasikhe 9:39

“I o. Halok he, usauwok ta,” iluk inom usasukha. Usasukhasik nen, Petrus ebe wolok henaipu inom dageisukha. Henaipu dageisukhasik werekma, it humi thoge meke at oba horokhogon natogosi agoukhasik, de aga dogolik, su akmanke meke dek, itikmanke uan meke dek, he Dorkas iluk oba inom dogolik, ikhogo 'bisasikhe meke inuguthasukha.

La'isasikhe 9:41

Hurek lageikhemo, at Petrus nen iki hago meldiluk nen, it Allah a'buri aperek men, humi thoge meke emenogo men, waisasikhemo ukisukhama, “At ebe iluk aga yi,” iluk wogeisasikhe.

Roma 1:12

An wokhisa etle apekhe lagei iti, hit men, an men, ninetaiken Yesus Kristus oba hakotdisugu meke iti baga, ninetaiken ago wat-wat hagasuogoluk wisigiluk apekhe lagei o.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

1 Korintus 7:32

Hit he, humi hasik, ap hasik, hinakla wene munini ebekhidek dogobageik nen iluk yokhisigi o. Itithogon igi iti, ap inagugi dek meke nen, ninoe Etagapogot akla hano asuagaluk at kogotdiluk inakla ebekharek o.

1 Korintus 7:34

Itithogon ebekhe dogolik, inetaiken pere agarek iti. Homagarlugi inaguni dek tharlisik meke iti, inebe inom, inetaiken inom, ninoe Etagapogot hasik dogouogoluk, at kogotdiluk inakla ebekharek iti o. Meke re, it humi inaguni werek meke iti, inaguni inakla hano asuagaluk, it inobasik yi meke ti meke agat oba meke kogotdiluk inakla ebekharek iti o.

Efesus 6:18

Itithogon tha'bokhogonat hagakhe dogolik, Allah nen yomakhisoagaluk sembayan ekhe dogono. At Agoreke hinakla dogolik hinakla kagaligin hagat, hibiku-yogoku sembayan Allah ayoko 'bigik, kino yogokhik, isi motogat dogono. Itithogon ekhe dogolik, hinakla puk ageidek, hinobabut hebelek motok dogono. Itithogon dogolik, Allah a'buri tha'bokhogonat inobasik sembayan Allah ayoko 'bekhe dogonoat o.

Filipi 4:6

Yi meke ti meke hasik wene munini uan 'bero ebekhidek, tha'bokhogonat hasik Allah ayoko 'bekhe dogolik heagei warogo kino yogokhe dogono.

1 Timotius 2:1

An nen wene ageikhe kok meke yi Allah a'buri inasuk watnogoluk yokhisik o. Nit akhuni ninom hano liokhogon dogolik nen, Allah hogorakhe dogolik, akhuni inobasik mothogon hagakhe dogosak meke hagakhe dogouok nen he, akhuni tha'bokhogonat hasik inom, koktek inetagapogot inobasik inom, it aperek inetaga werek dogolik haknisik welageikharek meke iti, inebe tha'bokhogonat inobasik inom, sembayan ekhe dogolik, Allah ayoko 'bigik, kino yogokhik, heagei wakhik, hagakhe dogoagaluk inasuk wakhe dogono o.

1 Timotius 5:16

Meke re, he ageikhe etaiken Allah oba hakotdiluk welagarek meke agosa ageikhe thoge meke werek halok, Allah a'buri tha'bokhogonat inoba akin asunogo iluk, at nenat yomakhekhe dogosak o. Itithogon yomakhekho korlek, it Allah a'buri tha'bokhogonat nen, humi thoge meke aperek akhuni it meke nen yomageisausak dek meke halok, yomageisekhe dogosak o.

1 Timotius 5:3

Nen, humi thoge akhuni it meke nen yomageisausak meke dekma inarligat werek meke halogat, inalon halhe dogono.

2 Timotius 1:3

An nopa lak Allah apma dogolik, inekaerek inetaiken opakiat hano motok dogolik, at hasik hagakhik, hogorakhik, hagakhe lagoukha hak, an itithogonat hagakhe dogolik, hat hoba motok eberegat, hat hobasik dikene hibakone sembayan isi motogat dogolik, Allah heagei wakhe lagei o.

1 Petrus 3:5

Haganeat it humi Allah a'buri meke inetaiken Allah baga hakotdiluk dogolik, inoba hanorogon itithogonat inaguni dopok inapma dogolik inane hologo hagakhe lagoukha.