1 Timotius 5:20 - ALLAH ANE WENW KET MEKE WAROGO WOKNINAKHIKHE WENE

²⁰ It aperek inayuk asuagaluk, it eberogonat weak hagakhe meke akhuni inil obaat inekarli warogo inasuk hanorogon wakhe dogono.

1 Timotius 5:20 ပူးပေါင်းရင်းမြစ်များ

La'isasikhe 19:17

Lo dukhisukhama, akhuni nen, “It itithogon hagakha o,” iluk isukhama, it akhuni Yahudi meke men, Yunani meke men, o kota Efesus welagoukha meke tha'bokhogonat inasuk holhukha. Holhukhasik, inayuk atluk, Yesus etaga ebenageik hogorakhe lagoukha.

La'isasikhe 5:11

Itithogon hagatlageikhemo nen, it Allah a'buri meke tha'bokhogonat men, nen it akhuni aperek inasuk holhukha meke tha'bokhogonat men, inayuk agoukha.

La'isasikhe 5:5

Itithogon yogokhunem, wene iti, at Ananias asuk holhikhesik nen, abusak tunhogo wilageikhesik nen ebe watlageikhe. Watlageikhemo, it akhuni inebe tha'bokhogonat wene hagatlageikhe meke iti, inasuk holhukhasik nen inayuk kogat agoukha.

2 Korintus 7:11

At Allah akla warlok apekherek oba hinakla weak atluk nen, “Napik nen weak hagakhima,” iluk hinobabut hebelatluk nen, hano meke obatnerogo hagakhik, wene hinoba dek mothogon hagakhik, hinakla aga dageigik, hinayuk ageik, “Paulus ninom abuk atlo o,” iluk noba ebekhik, hinakla agaken thok-thok hagakhik, at weak hagakhikhe werek iti ikirluk oba ula'isigik, hagakhep iti lakhani! Itithogon hagakhe dogolik hit weak agekhe hagakhidek wene hinoba meke korogo motok la'isegep o.

Efesus 5:11

It o mummo dogolik, hanorinabigin dek meke weak hagariogei meke iti, hinom dapukhogon hagakhe dogosak dek. At he, itithogon hagakhunem 'bualogo wenageisekhe dogono.

1 Timotius 1:20

It weak itithogon hagakharek iti, inebe aperek he, Himeneus Aleksander ipisak nen Allah abok weak palhe lagoukhama, yabokane inobabut hebelatluk weak hagakhidek thogotduagaluk inebe Iblis wogokhima werek iti o.

Titus 1:13

iluk, at ane eberogonat isikhe. Iti nen, it iti inetaiken Allah oba hanorogon hakotdiluk dogou hagat dogoagaluk inasuk obatnerogon wakhe dogono.

Titus 2:15

Hat nen wene itiat yakulisugunem, it aperek inakla nen erlok dek dageinogo, hane obatnerogonat inakla kagalogo inasuk wakhe dogono.