1 Timotius 5:14 - ALLAH ANE WENW KET MEKE WAROGO WOKNINAKHIKHE WENE

^14-15 Halok he, it humi thoge aperek Iblis oporlik mirlokhogon horla lageikha iti nen, it aperek nit Allah a'buri ninom wim palek hakene meke nen ninabok weak palunogo iluk, it humi thoge tugum meke iti, inaguni tomok woginabiluk nen, ineagei itago hanorogon karelogo hagasik dogoagaluk igi iti o.

1 Timotius 5:14 ပူးပေါင်းရင်းမြစ်များ

Roma 14:13

Iti nen, nit-nit nen, ageikhe wene oba 'bigik, ageikhe nen, ageikhe wene oba 'bigik, 'bekhe dogosak dek o. Nit nen, ninagarlak lak ninerugi ninom ninetaiken Allah oba hakotdekhe lago meke, weagarinakhik, inakla korlotdisigik, hagasunogo iluk, hinobabut hanorogo hagakhe dogono o.

2 Korintus 11:12

It aperek Kristus nen inayoko 'biluk la'isa ageikhe meke thalek wageikhasik hagariogei meke iti nen, “Nit Paulus ninom tak-tak o,” iluk ekhe dogolik hogorakhiliogei meke iti, inane kokok uagaluk an yogotak hagakhe lagei meke yi re, hagakho motogat dogogin o.

1 Timotius 2:8

Nen, o yi ai ti ai sembayan ekhe dogolik, it ap nen he, iniki nen ageikhe weak hagakhidek, inakla aga dageigidek, wene muk yakhidek, karelek dogolik, sembayan ekhe dogoagaluk, yakulisausak iluk nakla warlok apigirik nen yokhigi iti o.

1 Timotius 4:3

It nen wene ekhe dogolik, Humi woginabusak motok dek, igik, Yi meke ti meke nekarek meke iti, ageikhe yi meke usa. Neke dogosak dek, igik, ekhe dogogun,” iluk, Allah Agoreke nen yoknisasikhe tak-tagat iliogei iti o. Meke re, nekarek meke iti, Allah nen nit ninetaiken at oba hakotdiluk dogolik, ebe wene iti hutdogo halok he, heagei warogo neke dogoagaluk winametdisikhe meke hasigat iliogei iti o.

1 Timotius 5:11

It humi thoge tugum aban meke iti, Kristus inom hunik werek mekeat he, here'isalok, inoba agaken nen inetaiken thebelusak dek asumo, ap ageikhe waganusak iti nen inetaga holal waganhun o.

1 Timotius 6:1

Akhuni aperek nen Allah etaga weak igik, at ane nit nen yakulisekhe lago meke hasik, “Wene iti weak,” igik, unogo iluk, Allah a'buri meke it aperek inatuaneke atluk hagariogei meke iti, inekaerek inougi meke iti inapma dogolik, inakla nen, “Noe iti alon halhe dogosak,” iluk, inalon halhe dogoak o.

Titus 2:8

Itithogon yakulisugunem, it aperek wene iti ina'it meke nen, “It weak hagakha,” iluk, wene nit ninoba 'bukmoat isinem, inekarli asuagaluk, ebe weneat, hanotninakherek wene, weak usak dek meke etnogo, yakulisekhe dogono.

Ibrani 13:4

Ap dek, humi dek, inobabut yugunat hagarinabik lageikharek meke inom, ap inagugi meke param hagakharek meke inom, it yabokane Allah nen wene inoba 'biluk weagarinabigin iti nen, ap nen humi iginakharek iti, akhuni tha'bokhogonat nen kogotdiluk, yugunat hagainakhidek humi ap waganek meke dopok inom hano noge ekhe dogosak o.